Навучэнцы 1-4 класаў прынялі ўдзел у літаратурнай паштоўцы «Віншуем са святам работнікаў сельскай гаспадаркі». Разам з настаўнікам яны стварылі цудоўную газету з віншаваннямі сваім бацькам, бо большасць бацькоў працуюць у ААТ «Шані-аграпрадукт». Творчы бум «Цудоўная майстэрня» сабраў разам навучэнцаў 5-9 класаў. Хутка зіма, і добрай традыцыяй для вучняў школы з’яўляецца ўпрыгожванне вокнаў прыгожымі кампазіцыямі.
Вучні ДУА «Шаняўская сярэдняя школа імя Міколы Засіма» павіншавалі работнікаў сельскай гаспадаркі і перапрацоўчай прамысловасці з прафесійным святам. Група вучняў уручыла дырэктару ААТ «Шані-аграпрадукт» Якімаўцу А.П. прыгожы духмяны каравай ў знак павагі да цяжкай працы хлебаробаў.
18 лістапада ў школе прайшло пасяджэнне бацькоўскага ўніверсітэта.
Матэрыял глядзі па спасылцы:
18 лістапада педагогі ўстановы адукацыі прынялі ўдзел у дыстанцыйнай гульні “Я – педагог”. Усе педагогі з лёгкасцю прайшлі тры этапы выпрабаванняў: мазгавы штурм, я ведаю, педагагічная мазаіка. Самым лёгкім для ўдзельнікаў гульні быў этап “Мазгавы штурм”, а самым складаным – педагічная мазаіка, на якім неабходна было адказваць на пытанні па разнастайным педагагічным тэхналогіям. Усе удзельнікі гульні справіліся з заданнямі і паказалі высокі ўзровень прафесійнага майстэрства.
19 лістапада споўніцца 115 гадоў з дня нараджэння паэта-земляка Міколы Засіма, чыё імя носіць наша школа. 3 13 лістапада ў школе традыцыйна праходзяць Засімаўскія дні, якія ўключаюць тэматычныя класныя гадзіны, віктарыны, вусныя часопісы, літаратурныя чытанні. Мікола Засім усім сэрцам любіў свой народ і родную зямлю. І змог у сваіх вершах перадаць гэтую любоў удзячным нашчадкам, якія з радасцю перадаюць яе іншым: “Мая ты родная зямліца! // Хто палюбіў цябе навек, // Таму ты — творчасці крыніца, // І той — шчаслівы чалавек…”
Штогод кожны трэці чацвер лістапада ва ўсім свеце праводзіцца Адзіны дзень здароўя «Сусветны дзень некурэння. Прафілактыка анкалагічных захворванняў». Члены валанцёрскага атрада «ДОМ» Краўчук Вікторыя і Казлоўскі Уладзіслаў для жыхароў аграгарадка Шані правялі акцыю «Абмяняй цыгарэту на цукерку». Мэта акцыі — прыцягнуць увагу грамадскасці да праблемы тытунёвай залежнасці і папулярызацыі здаровага ладу жыцця. Падчас акцыі хлопцы не толькі частавалі мінакоў цукеркамі, але і знаёмілі з прафілактычнай інфармацыяй аб шкодзе курэння.
Па выніках абласнога конкурсу па добраўпарадкаванні і азеляненні тэрыторый “Прыгажэй стане Брэстчына мая” у намінацыі «Давайце будзем памятаць усіх салдат…» 1 месца заняла Шаняўская СШ імя Міколы Засіма, а ў намінацыі “Азеляненне ўстаноў адукацыі агульнай сярэдняй адукацыі ў сельскай мясцовасці” — 3 месца . Віншуем з цудоўным вынікам!
18 лістапада для вас прапануюцца наступныя мерапрыемствы:
Дзень працоўнага навучання і прафарыентацыі. Прафесіі, звязаныя з дызайнам
900 – 945 Літаратурная паштоўка “Віншуем са святам працаўнікоў сельскай гаспадаркі” (1– 4 класы)
Месца правядзення – кабінет №18
Адказныя Ханіла І.В., класныя кіраўнікі
950 – 1040 Творчы бум «Чароўная майстэрня» (5 – 7 класы)
Месца правядзення – кабінет № 5
Адказныя Вашчук А.В., класныя кіраўнікі
950 – 1040 Навагоднія казачныя цуды «Мазаіка на вокнах» (8,9 класы)
Месца правядзення – школа
Адказныя Каляда А.Г., класныя кіраўнікі
