Праляцелі ўжо 10 дзён лагернай змены. Усе гэтыя дні вучні адпачывалі, гулялі, займаліся спортам, малявалі, праводзілі дыскатэкі, глядзелі кіно.

10 чэрвеня выпускнікам 9 класа былі ўручаны пасведчанні аб заканчэнні навучання на II ступені агульнай сярэдняй адукацыі. Са словамі віншавання да выпускнікоў звярнуліся дырэктар школы Ярмашэвіч А.М., класны кіраўнік Семянчук В.М., настаўнікі-прадметнікі, бацькі. Дзевяцікласнікі ў сваю чаргу звярнуліся са словамі ўдзячнасці да ўсіх работнікаў школы.

7 чэрвеня перад наведвальнікамі аздараўленчага лагера «Дружба» выступіла загадчык ФАПа в. Чахец Жук С. В. на тэму «Прафілактыка кішэчных захворванняў у летні перыяд».

Вучні аздараўленчага лагера «Дружба» сустрэліся з прадстаўніком энерганагляду, які нагадаў ім аб правілах паводзін пры карыстанні электрапрыборамі.

Бібліятэкар сельскага клуба Чэчка Н. У. запрасіла выхаванцаў аздараўленчага лагера «Дружба» на гадзіну чытання баек К. Крапівы. Таксама ў сельскім клубе для дзяцей арганізавалі тэматычную дыскатэку.

3 чэрвеня для выхаванцаў аздараўленчага лагера была арганізавана экскурсія на Пружанскі льнозавод. Дзеці пазнаёміліся з працэсам апрацоўкі лёну, умовамі працы на прадпрыемстве.

Цікава і весела бавяць час наведвальнікі аздараўленчага лагера «Дружба». Разнастайныя конкурсы, гульні, віктарыны, святы і спартыўныя мерапрыемствы спрыяюць стварэнню добрага настрою, даюць магчымасць адпачыць з карысцю для здароўя.

Цікавы быў паход вучняў 6-8 класаў па маршруту Шані – Чахец – Лінова – Аранчыцы – Шані. На беразе невялікага возера ля вёскі Лінова быў  разбіты палатачны гарадок. На прыродзе адпачываць было весела: вучні гулялі ў розныя гульні, загаралі, рыбачылі, купаліся, жарылі шашлыкі. У час паходу ў дзяцей была магчымасць наведаць царкву Узвіжання Святога Крыжа ў вёсцы Аранчыцы і помнік загінуўшым у гады Вялікай Айчыннай вайны, а таксама чыгуначны вакзал. Вярталіся з паходу ўсе задаволеныя з марамі аб паходзе ў наступным годзе.

31 мая вучні пачатковых класаў разам са сваімі класнымі кіраўнікамі адправіліся ў паход у вёску Шубічы. Падчас яго дзеці наведалі ветэрана Вялікай Айчыннай вайны Бабрук Марыю Аляксандраўну, якая расказала гісторыю свайго жыцця ў ваенны і пасляваенны час, паказала свае ўзнагароды. Таксама вучні сустрэліся з ветэранам педагагічнай працы, настаўніцай Бабрук Еўдакіяй Уладзіміраўнай, якая паведаміла пра шэраг гістарычных падзей, якія адбываліся ў час Вялікай Айчыннай вайны ў в. Шубічы. Яны пабывалі ля хаты, у якой хаваўся ад ворага партызан Мікола Засім, імя якога носіць наша школа.

Цікавым быў паход вучняў 9, 10 класаў па маршруту Шані-Пружаны-Малеч-Кабакі-Шані. Дзеці наведалі парк адпачынку ў вёсцы Малеч, помнік воінам, загінуўшым у час вайны 1941-1945 г, Палац культуры. Прывабіў сваёй прыгажосцю мелавы кар’ер, што каля в. Кабакі, побач якога дзеці разбілі палаткі і весела правялі вольны час.