Аперацыя «Абеліскі»
У ходзе аперацыі члены ГА «БРСМ» прынялі ўдзел у навядзенні парадку каля помніка Ахвярам фашызму ў аг. Шані і памятных месцаў Шаняўскога сельскага савета.
Кветкі Вялікай Перамогі ветэранам
У рамках патрыятычнай акцыі «Павіншуем ветэранаў разам» члены ГА «БРСМ» наведалі і павіншавалі ветэрана Вялікай Айчыннай вайны Бабрук Марыю Аляксандраўну, якая ў гады вайны была вывезена на прымусовыя работы ў Германію, затым працавала ў шпіталі.
Пад небам Бацькаўшчыны нашай прайшла суровая вайна
Урачыста-жалобнае мерапрыемства, прысвечанае 76-гадавіне Перамогі савецкіх воінаў у Вялікай Айчыннай вайне, прайшло сёння ля помніка Ахвярам фашызму. Памятаць аб кожным загінуўшым, шанаваць добрае імя жывых — наш святы абавязак. Вучні і педагогі школы ўшанавалі памяць загінуўшых аднавяскоўцаў хвілінай маўчання і ўсклалі кветкі.
Вайна — боль і памяць народа
У рамках тыдня патрыятызму з 3 па 9 мая ў школе праходзяць мерапрыемствы, прысвечаныя Перамозе савецкага народа ў Вялікай Айчыннай вайне. Прайшло 76 гадоў, але кожны раз у гэтыя вясновыя дні мы ўзгадваем грознае ваеннае ліхалецце, ушаноўваем памяць загінуўшых, бо час не ўладны над памяццю людзей. Падчас правядзення мерапрыемстваў тыдня вучні ўзгадалі імёны нашых землякоў, якія не вярнуліся з вайны, аддалі сваё жыццё за светлае будучае, за мірнае неба над намі, ушанавалі хвілінай маўчання ўсіх тых, хто быў закатаваны ў канцэнтрацыйных лагерах, і тых, хто не шкадуючы свайго жыцця, узняўся на барацьбу супраць нямецка-фашысцкіх захопнікаў за свабоду і незалежнасць Радзімы.
Вайна ў памяці народа
У рамках тыдня патрыятызму ў школе прайшлі інфармацыйныя гадзіны, прысвечаныя 76-годдзю Перамогі савецкіх воінаў у Вялікай Айчыннай вайне. Пры правядзенні мерапрыемства вучні прадставілі інфармацыю аб трагічных старонках гісторыі беларускага народа, узгадалі імёны нашых землякоў-ветэранаў Вялікай Айчыннай вайны і прадэманстравалі прэзентацыю “Незабыўныя подзвігі нашых землякоў”.
Душа Беларусі ў сімвалах яе
Пад такой назвай ў пачатковай школе прайшлі інфармацыйныя гадзіны, прысвечаныя Дню Дзяржаўнага герба Рэспублікі Беларусь і Дзяржаўнага сцяга Рэспублікі Беларусь. Падчас правядзення мерапрыемства школьнікі ўзгадалі гісторыю ўзнікнення герба і сцяга, значэнне колераў і элементаў сімволікі, пазнаёміліся з прозвішчамі аўтараў Дзяржаўнага гімна Рэспублікі Беларусь.
Ёсць у кожнай перамозе тваёй і маёй вясна сорак пятага года
Пад такой назвай 22 красавіка для вучняў VIII-XI класаў прайшоў адзіны дзень інфармавання «ШАГ» – «Школа Актыўнага Грамадзяніна».
На сустрэчы былі разгледжаны наступныя блокі «Какой ценой Победа нам досталась, ты помни – никогда не забывай!» і «Памятаць дзеля будучыні».
Падчас правядзення мерапрыемства вучні ўзгадалі трагічныя падзеі ваеннага ліхалецця, успомнілі імёны ветэранаў Вялікай Айчыннай вайны, якія пражываюць на тэрыторыі Шаняўскога сельскага савета і Пружаншчыны.
У канцы мерапрыемства ўдзельнікі сустрэчы выказалі свае думкі аб ролі моладзі ў жыцці краіны і яе ўдзеле ў рэспубліканскіх патрыятычных акцыях, прысвечаных Вялікай Перамозе, зрабілі акцэнт на будучае, абмеркаваўшы штогадовае пасланне Прэзідэнта Рэспублікі Беларусь да беларускага народа.
Смотри и помни
В рамках Республиканского культурно-патриотического киномарафона “Смотри и помни”, посвящённого 80-летию начала Великой Отечественной войны, в ГУО “Шеневская средняя школа имени Миколы Засима” прошли просмотры фильмов “Брестская крепость” (7 класс), “Возьму твою боль” (9 класс), “Иваново детство” (5 класс), “Летят журавли” (10 класс).
Ребята не только посмотрели фильмы, приняли активное участие в обслуждении, но и создали видеоролики, в которых отразили свои взгляды на события, изображённые в фильмах.
Абаронцам прысвячаем
Выніковым мерапрыемствам Месячніка патрыятычнага выхавання стаў конкурс інсцэніраванай песні «Песні вайны. Песні аб вайне». Актыўны ўдзел у мерапрыемстве прынялі вучні 3-10 класаў. Усе атрымалі граматы і бурныя апладысменты гледачоў.
