Навучэнцы 8,9 класаў наведалі музей і выставу ў ДУА «СШ № 1 г.Пружаны імя КБВА»
Настаўнік гісторыі Макарчук Юрый Іванавіч пазнаёміў дзяцей з ваеннымі падзеямі на Пружаншчыне ў першыя дні Вялікай Айчыннай вайны. Навучэнцы даведаліся пра герояў танкістаў з 30-ай танкавай дывізіі, лётчыкаў 33-га знішчальнага палка і 74-га штурмавога авіяцыйнага палка, барацьбу партызан і падпольшчыкаў, жыццё мірных грамадзян на акупаванай тэрыторыі Пружанскага раёна, аперацыі «Баграціён», пра тых, чые імёны носяць вуліцы нашага горада. Экскурсія атрымалася цікавай і вельмі пазнавальнай.
Вучні 3-5 класаў у рамках праекта «Глядзі і памятай» паглядзелі фільм «Мемарыяльныя комплексы Беларусі»
Фільм з’яўляецца зборнікам з 5 частак: «Няздзейсненыя мары», «Буйніцкае поле», «Ола», «Прарыў», «Аперацыя Баграціён». Сюжэты анімацыйна-дакументальнага альманаха-даведніка распавядаюць пра падзеі Вялікай Айчыннай вайны.
Навучэнцы 1,7,9 класаў наведалі школьную выставу «Генацыд беларускага народа»
Дзеці даведаліся пра страты, якія панесла наша краіна ў гады Вялікай Айчыннай вайны, факты генацыду на тэрыторыі Пружанскага раёна.
Навучэнцы 5,7,8,9 класаў здзейснілі экскурсію ў горад Пружаны
З мэтай фарміравання цікавасці да гісторыі, геаграфіі і культуры сваёй краіны навучэнцы 5,7,8,9 класаў здзейснілі экскурсію ў горад Пружаны. Рабяты наведалі музей-сядзібу «Пружанскі палацык». Увазе дзяцей была прадстаўлена выстава карт XV-XVIII стагоддзяў з калекцыі Беларускага геаграфічнага таварыства. Экспазіцыя прымеркавана да 70-годдзя Беларускага геаграфічнага таварыства, 90-годдзя факультэта геаграфіі і геаінфарматыкі і 55-годдзя кафедры геадэзіі і касмааэракартаграфіі Беларускага геаграфічнага таварыства. Таксама навучэнцы пабывалі ў зале, дзе азнаёміліся з матэрыяламі па генацыдзе беларускага народа. Каля помніка «Спаленым вёскам» ушанавалі памяць загінулых у гады Вялікай Айчыннай вайны хвілінай маўчання.
2 верасня ва ўсіх класах прайшоў першы ўрок «Нам ёсць чым ганарыцца, нам ёсць што берагчы!»
З мэтай фарміравання ў вучняў уяўленняў аб дасягненнях і каштоўнасцях беларускага народа, пачуцця гонару і адказнасці за сваю краіну ва ўсіх класах прайшоў першы ўрок «Нам ёсць чым ганарыцца, нам ёсць што берагчы!». У Год якасці і 80-годдзя вызвалення Беларусі ад нямецка-фашысцкіх захопнікаў размова ішла аб дасягненнях беларускага народа, якімі мы па праву ганарымся, аб тых каштоўнасцях, якія важна захаваць у імя будучыні.
Давайце разам захоўваць памяць аб подзвігах нашых продкаў і імкнуцца да міру і працвітання нашай роднай краіны!
Гады Вялікай Айчыннай вайны на целе Пружанскага раёна пакінулі незагойныя раны: спалена 134 населеныя пункты, 43 з якіх не адноўлены… За гады акупацыі было расстраляна і закатавана амаль 20 тысяч чалавек. На катаржныя работы вывезена больш за 4 тысячы жыхароў. 80 гадоў таму, у ноч з 16 на 17 ліпеня 1944-га, часткамі 1-га Беларускага фронту горад Пружаны быў вызвалены. Няхай гэты значны дзень будзе напоўнены гонарам за нашу краіну, павагай да ветэранаў і памяццю аб тых, хто не вярнуўся з поля бою. Няхай кожны з нас беражэ мір і згуртаванасць, каб ніколі не паўтарылася гэтая страшная старонка гісторыі.
