3 чэрвеня наша краіна адзначае галоўнае дзяржаўнае свята — Дзень Незалежнасці Рэспублікі Беларусь. Яно яднае ўсіх, хто ганарыцца сваёй краінай, памятае яе гісторыю, хто сваёй працай і талентам уносіць штодзённы ўклад у працвітанне роднай зямлі.
На пярэдадні Дня Незалежнасці Рэспублікі Беларусь дзеці сабраліся каля кутка Дзяржаўнай сімволікі і прынялі ўдзел у гульнёвай праграме «Збяры Беларусь у сваім сэрцы».
Вось і прыйшоў час развітацца. У апошні дзень ў аздараўленчым летніку прайшлі конкурсы, забаўляльныя і спартыўныя мерапрыемствы. Дзеці паказалі свае ўменні і таленты. Яны спявалі, танцавалі, разыгралі сцэнкі. Пасля адбылося закрыццё змены. Ва ўрачыстай абстаноўцы быў узняты Дзяржаўны сцяг Рэспублікі Беларусь, прагучаў Дзяржаўны гімн Рэспублікі Беларусь. Кіраўніком аздараўленчага лагера Жэдзік Г.М. адзначаны найбольш актыўныя ўдзельнікі мерапрыемстваў лагера.
Да сустрэчы наступным летам!
22 чэрвеня, у Дзень усенароднай памяці ахвяр Вялікай Айчыннай вайны і генацыду беларускага народа, каля помніка ахвярам фашызму ў аграгарадку Шані прайшоў мітынг-рэквіем. З трагічнай даты для ўсяго нашага народа прайшоў 81 год, але памяць пра яе жыве. Даніну гераізму і мужнасці нашага народа ў гады вайны аддалі выхаванцы аздараўленчага лагера «Дружба». Подзвіг, які застаецца ў сэрцы кожнага, ушанавалі хвілінай маўчання. Удзельнікі мітынгу памяці і смутку ўсклалі кветкі да помніка. Дзякуй за мір тым героям-вызваліцелям, хто загінуў, і тым, хто жыве!
У рамках Года гістарычнай памяці вучні 9 класа здзейснілі пазнавальны велапаход па Пружанскім раёне. Яны наведалі адзінага ў мікрараёне школы ветэрана Вялікай Айчыннай вайны Бабрук Марыю Аляксандраўну ў вёсцы Шубічы, якая расказала аб тым часе, калі яна была вывезена ў Германію. Далей шлях прывёў турыстаў у Свята-Мікалаеўскую царкву ў в. Засімавічы. На яе тэрыторыі знаходзіцца мемарыяльны знак у гонар загінуўшых у гады Вялікай Айчыннай вайны. Таксама вучні наведалі помнік ахвярам фашызму ў аг. Стараволя.
Адпачынкам на прыродзе быў прадоўжаны турыстычны велапаход. Цудоўныя ўспаміны застануцца ў памяці дзевяцікласнікаў.
Лета — час паходаў. Выхаванцы аздараўленчага лагера «Дружба» адправіліся ў паход у вёску Шубічы, дзе пражывае ветэран Вялікай Айчыннай вайны Бабрук Марыя Аляксандраўна.
У рамках Года гістарычнай памяці і святкавання 77-годдзя Перамогі савецкіх воінаў у Вялікай Айчыннай вайне ў аздараўленчым лагеры прайшла лінейка «Памяці героеў будзем годныя», арганізавана прэзентацыя «Піянеры-героі ў нашым строі» і прагляд кінафільма «Мы ведаем не ўсё пра вайну». Не абышлося ў гэты дзень і без спартыўных спаборніцтваў, гульнявых праграм, футболу, піянерболу.
Выхаванцы школьнага аздараўленчага лагера «Дружба» здзейснілі захапляючае і пазнавальнае падарожжа па Пружанскім раёне. Рабяты мелі магчымасць пабываць на месцы гібелі генерала Бахарава, на месцы дыслакацыі партызанскага атрада імя Чкалава, каля памятнага знака на радзіме славутага земляка Р.Р. Шырмы, каля капліцы загінуўшым у баях пад Гарадзечна ў 1812 годзе, у Нікольскім скіце Ражства-Багародзічнага жаночага манастыра в. Вяжное Пружанскага раёна. Зусім іншы, асобны свет, далёкі ад мітусні, са сваімі правіламі жыцця сустрэў дзяцей у манастыры, на тэрыторыі якога размешчана Свята-Мікалаеўская царква, пабудаваная ў 1771 годзе. Яна з’яўляецца помнікам архітэктуры драўлянага дойлідства. #годисторическойпамяти
