У суботні дзень мерапрыемствы, праведзеныя ў школе, былі прысвечаны дню юнага героя-антыфашыста. Пачаткоўцы былі запрошаны ў падарожжа “Не для славы – для жыцця”. Вучні сярэдняга звяна адправіліся ў гістарычнае падарожжа “Яны змагаліся за Радзіму”. Гадзіна мужнасці “Я памятаю і ганаруся!” сабрала вучняў 8, 9 класаў.
3 лютага вучні 9 класа зноў сабраліся на занятак школы актыўнага грамадзяніна — «ШАГ». Падчас мерапрыемства дзеці даведаліся пра рух Супраціўлення, які разгарнуўся па ўсёй Еўропе, высветлілі асаблівасці партызанскай і падпольнай барацьбы ў СССР, адказалі на пытанне аб прычынах такога масавага адпору фашысцкім захопнікам.
Пад такой назвай у рамках праекта «ШАГ» для вучняў 8-9, 11 класаў прайшла інфармацыйная гадзіна, падчас якой старшакласнікі даведаліся аб прыярытэтах канфесійнай палітыкі ў Рэспубліцы Беларусь, якія канфесіі ў краіне з’яўляюцца гістарычна традыцыйнымі, што прадпрымаецца ў Беларусі для падтрымкі міжнацыянальнай стабільнасці, як звязаны такія паняцці, як «талерантнасць» і «міжнацыянальныя адносіны».
Падчас правядзення інфармацыйных гадзін у школе вучні высветлілі, что такое рэферэндум, колькі іх прайшло ў нашай краіне, якія рашэнні былі на іх прынятыя, а таксама даведаліся, калі будзе праходзіць рэферэндум у лютым і якія змены ў Канстытуцыю ён прадугледжвае. Таксама змяненні і дапаўненні ў Канстытуцыю Рэспублікі Беларусь былі абмеркаваны і ў педагагічным калектыве.
З нагоды 130-годдзя з дня нараджэння беларускага фалькларыста, дырыжора, грамадскага і музычнага дзеяча, славутага земляка Р.Р. Шырмы ў школе прайшлі святочныя мерапрыемствы, падчас якіх музычныя творы ў выкананні навучэнцаў і педагогаў былі «сплецены» ў вянок песень.
6 студзеня вучні 5-7 класаў наведалі візітную картку горада Пружаны — музей-сядзібу «Пружанскі палацык». Там яны пазнаёміліся з гістарычнымі знаходкамі раёна. Падчас экскурсіі школьнікі мелі магчымасць пазнаёміцца з мінулым сядзібы, даведацца, як ствараўся музей і чым ён зараз жыве, заглянуць у экспазіцыйныя залы і музейныя фонды, атрымаць звесткі аб паслугах музея.
Падчас зімніх канікулаў вучні школы наведалі музейны пакой воінаў-інтэрнацыяналістаў у Палацы культуры г. Пружаны. Шмат экспанатаў і цікавай інфармацыі расказаў і паказаў Гарахавіцкі В. М. Дзеці ўбачылі асабістыя рэчы воінаў, якія прымалі ўдзел у жудасных падзеях Афганскай вайны, мелі магчымасць даведацца аб лёсах воінаў-інтэрнацыяналістаў Пружаншчыны ў пасляваенны час.
Завяршылася падарожжа сеансам масавага катання ў Лядовым палацы. Экскурсія прайшла цікава і пазнавальна, весела і здорава!
Цікава вабяць час на канікулах вучні школы. 30 снежня паклікала ў госці музычная гадзіна “Песенны калейдаскоп”. Пачаткоўцы адправіліся ў цікавае падарожжа ў г. Пружаны, дзе наведалі пакой памяці воінаў-інтэрнацыяналістаў, музей-сядзібу «Пружанскі палацык», даведаліся шмат карыснага і цікавага.
Гульнёвая праграма “Спортлато”, конкурс малюнкаў “Сімвал 2022 года” дазволілі вучням праявіць свае творчыя здольнасці 29 снежня. Але самым цікавым для школьнікаў стала не толькі віртуальнае падарожжа “Як сустрэнем Новы год?” і завочная экскурсія ў Беларускі нацыянальны мастацкі музей “Шэдэўры беларускага жывапісу”, але і наведванне залы гісторыі міліцыі ў г. Пружаны (Пружанскі РАУС), пакою памяці воінаў-інтэрнацыяналістаў і музея-сядзібы “Пружанскі палацык”. У Пружанскім палацыку вучням прапанавалі акрамя традыцыйнай экскурсіі наведаць выставу мастакоў і навагодніх цацак і паштовак. Зала гісторыі міліцыі найбольш уразіла хлопцаў, бо на выставачным матацыкле ім дазволілі пасядзець і адчуць сябе інспектарам ДАІ. Шмат экспанатаў і цікавай інфармацыі расказаў і паказаў Гарахавіцкі В. М. у пакоі воінаў-інтэрнацыяналістаў. Невыносныя і цяжкія ўмовы жыцця салдат, жудасы вайны і вялікія страты — усё гэта не магло не ўразіць падлеткаў.
3 лістапада група навучэнцаў старшых класаў Шаняўской СШ імя Міколы Засіма наведала г. Брэст. Самым яскравым момантам паездкі стала наведванне Брэсцкай крэпасці. Рабяты з непадробнай цікавасцю слухалі аповед экскурсавода аб гераічнай абароне Цытадэлі. Памяць яе абаронцаў ушанавалі хвілінай маўчання ля Вечнага агню. Пазнавальным было наведванне музея выратаваных каштоўнасцей, дзе вучні ўбачылі мноства экспанатаў, якія з’яўляюцца нацыянальным здабыткам нашай краіны.
