Кожную суботу разам
У завочную экспедыцыю “Зямля мая бой прымала” адправіліся ў суботні дзень пачаткоўцы. Інтэрактыўная пляцоўка “А памяць жыве ў нас” чакала вучняў 5 – 7 класаў.
Гісторыка-патрыятычны аўтапрабег «Дарогамі Перамогі. Сувязь пакаленняў»
Удзельнікі аўтапрабегу, навучэнцы школы, настаўнікі, аднавяскоўцы сабраліся каля помніка «ахвярам фашызму», каб аддаць даніну памяці загінулым у гады Вялікай Айчыннай вайны. З прывітальным словам да ўдзельнікаў мітынгу звярнуўся намеснік старшыні Пружанскага райвыканкама Руслан Васільевіч Супрыновіч. Ад імя маладога пакалення выступіла вучаніца 10 класа Батура Ксенія. Удзельнікі мітынгу ўсклалі кветкі да помніка, ушанавалі памяць салдат, якія загінулі ў гады Вялікай Айчыннай вайны, хвілінай маўчання.
Нам гэты мір завешчана берагчы
Пад такой назвай ва ўсіх класах установы прайшлі адзіныя ўрокі памяці, прысвечаныя 78-й гадавіне Перамогі ў Вялікай Айчыннай вайне. Школьнікі гаварылі пра каштоўнасць міру, пра важнасць захавання памяці аб мінулых трагічных старонках айчыннай гісторыі, каб ніколі не паўтарылася вайна, каб захаваць мірнае неба над галавой.# годмираисозидания2023
Кветкі Перамогі ветэранам
Напярэдадні свята Вялікай Перамогі ветэран Вялікай Айчыннай вайны Бабрук Марыя Аляксандраўна і вязень Гарэйка Алена Лявонцьеўна прымалі віншаванні. Песні ваенных гадоў і словы бясконцай падзякі гучалі ў адрас ветэранаў, якія гасцінна сустракалі і прымалі гасцей, дзякавалі за праяўленую ўвагу. На жаль, усё менш застаецца ветэранаў Вялікай Айчыннай вайны. Але з кожным годам мы ўсё больш цэнім гэты бязмежны подзвіг і памятаем, што мы ў неаплатным абавязку перад людзьмі, якія цаной свайго жыцця прынеслі нам доўгачаканую Перамогу.
Сімвалы памяці і смутку Беларусі
80 гадоў прайшло з таго часу, як у невялічкай вёсцы Хатынь абарвалася жыццё 149 мясцовых жыхароў, сярод якіх было 75 дзяцей, знікла 26 дамоў. Але боль не сціхае. З гэтай нагоды была арганізавана экскурсія ў мемарыяльны комплекс «Хатынь», які размешчаны ў Лагойскім раёне. Дзеці, іх бацькі і педагогі ўбачылі адзіныя ў свеце «Могілкі вёсак» , «Сцяну памяці», дзе знаходзяцца мемарыяльныя пліты з назвамі канцэнтрацыйных лагераў і месцаў масавага знішчэння людзей на тэрыторыі Беларусі. Хатынь стала сімвалам трагедыі беларускага народа, старонкай смутку ў гісторыі Вялікай Айчыннай вайны і нагадвае ўсім нам, які каштоўны дар — чалавечае жыццё. Навучэнцы ўважліва слухалі кожнае слова экскурсавода, былі ўражаны тым, што давялося перажыць людзям у гады Вялікай Айчыннай вайны. Таксама наведалі мемарыяльны комплекс «Курган Славы», дзе пазнаёміліся з гісторыяй узнікнення Кургана, падняліся на гэтую вышыню і ацанілі веліч беларускага народа, які ўнёс вялікі ўклад у Перамогу над нямецка-фашысцкімі захопнікамі! Экскурсія пакінула ў душах дзяцей, бацькоў і падагогаў незабыўныя ўражанні і засталася ў сэрцах, як памяць: памяць аб загінуўшых, памяць пра гора і пакуты перажыўшых вайну, памяць пра зверствы фашызму, памяць пра герояў, якія адстаялі сваю зямлю. Паездка спрыяла фарміраванню ў падрастаючага пакалення пачуцця прыналежнасці да беларускай дзяржавы і грамадства, фарміраванню грамадзянскай пазіцыі і патрыятызму.
Трагедыя беларускага народа
22 сакавіка для вучняў 1-10 класаў прайшлі адзіныя ўрокі «Аб чым звоняць званы Хатыні», прысвечаныя 80-й гадавіне трагедыі, якая стала сімвалам усіх беларускіх вёсак, спаленых у гады Вялікай Айчыннай вайны. Трагедыя Хатыні — адзін з тысяч фактаў, якія сведчаць аб мэтанакіраванай палітыцы генацыду ў адносінах да насельніцтва Беларусі, якую ажыццяўлялі нацысты падчас Вялікай Айчыннай вайны на працягу ўсяго перыяду акупацыі. «Звоняць званы Хатыні» — мітынг-рэквіем з такой назвай прайшоў каля помніка ахвярам фашызму ў аг. Шані. Навучэнцы школы, настаўнікі, аднавяскоўцы сабраліся, каб аддаць даніну памяці загінуўшым жыхарам вогненнай вёскі і ўсім ахвярам страшнай вайны. Удзельнікі мітынгу ўсклалі кветкі да помніка, ушанавалі памяць загінуўшых у гады Вялікай Айчыннай вайны хвілінай маўчання.
