«Формулу здароўя» выводзілі сёння на зборы атрада вучні 8 класа. У кожнага яна свая. Але каб прытрымлівацца здаровага ладу жыцця, неабходна выконваць агульныя правілы, пра якія вучні як расказалі, так і складали прыказкі.
Сяброўства і згуртаванасць — верныя спадарожнікі піянераў. Беларуская рэспубліканская піянерская арганізацыя адзначыла сваё 33-годдзе. Для цікавых спраў піянерам нагода не патрэбна. Але дзень нараджэнне арганізацыі — асаблівы выпадак. Збор-старт «Па сцяжынках піянерыі» аб’яднаў нашых піянераў. Дзеці адправіліся ў займальнае падарожжа і здзейснілі прыпынкі на інтэлектуальнай, гістарычнай, рэкламнай, гульнявой і піянерскай станцыях. Піянеры праявілі свае веды, уменні, творчыя здольнасці.
У гэты святочны дзень адбыўся збор піянерскай дружыны “Я – піянер сваёй краіны”, на якім вучні 4 класа былі прыняты ў арганізацыю. У час збору піянеры-навічкі пазнаёміліся з законамі і правіламі ГА “БРПА”, перад сваімі сябрамі далі ганаровае абяцанне любіць сваю радзіму, быць добрымі і справядлівымі, добра вучыцца. Спадзяёмся, што гэты дзень навучэнцы будуць памятаць доўгія гады! Віншуем!
8 лютага 2023 года ў піянерскай дружыне імя Марата Казея прайшоў піянерскі збор «Огонёк памяти», прысвечаны дню памяці юнага героя-антыфашыста. У ходзе збора вучні расказалі аб піянерах-героях, аб барацьбе юных антыфашыстаў супраць захопнікаў у гады Вялікай Айчыннай вайны. Піянеры ўшанавалі памяць юных герояў хвілінай маўчання. У рамках дадзенага мерапрыемства школьнікі яшчэ раз упэўніліся ў тым, што подзвігу народа жыць у вяках.
Каманда «Арляняты» ДУА «Шаняўская сярэдняя школа імя Міколы Засіма» прыняла ўдзел у раённым этапе інтэлектуальна-забаўляльнай гульні «Акцябрацкі КВІЗ». Дзеці з вялікім задавальненнем падпявалі знакамітым выканаўцам, успаміналі змест любімых мультыплікацыйных фільмаў, адгадвалі загадкі і рэбусы. Віншуем нашых акцябрат з 3 месцам! #октябрятскийквиз
З мэтай грамадзянска-патрыятычнага выхавання ў школе прайшоў дружынны этап квэст-гульні «Па слядах Перамогі». Гульня ўключала ў сябе рух па маршруце, на якім былі размешчаны 5 гульнявых кропак. На кожным прыпынку іх чакалі заданні рознага характару. Акрамя таго, яны атрымлівалі фрагменты, з якіх у канцы склалі адзіную карціну «Брэсцкая крэпасць». Кожны з удзельнікаў атрымаў шмат станоўчых эмоцый, папоўніў свой багаж новымі ведамі па гісторыі Вялікай Айчыннай вайны.
Малодшыя школьнікі разам са старшакласнікамі адправіліся на пошук слоў для фінальнага задання ў квэст-гульні «Па слядах Перамогі». Рабятам спадабалася разгадваць рэбус, апранаць салдата, адказваць на пытанні акцябрацкага квіза, расшыфроўваць пасланні з дапамогаю люстэркаў, а таксама рашаць прыклады. У справядлівай гульні перамогу атрымала каманда 4 класа.
13 верасня — Дзень нараджэння БРПА. У піянерскай дружыне імя Марата Казея прайшоў збор-старт у форме квэст-гульні «З Днём нараджэння, піянерыя!» #деньбрпо
