Рэспубліканская прафілактычная акцыя
З 14 па 20 сакавіка ў Беларусі праходзіць міжведамасная рэспубліканская акцыя «Разам за здаровае будучае». Мэта акцыі — спыненне распаўсюджвання, ужывання і збыту псіхатропных рэчываў і іх аналагаў.
Кожную суботу разам
Чарговы дзень здароўя сабраў вучняў школы для ўдзелу ў спаборніцтвах па скачках. Пачаткоўцы адказалі на пытанне “Дзе хаваюцца вітаміны?”, вызначыўшы лепшых у квэст-гульні з адпаведнай назвай. Вучні 5 – 9 класаў спаборнічалі ў турніры знаўцаў “Формула здароўя”.
Кожную суботу разам
У суботні дзень пачаткоўцы спаборнічалі ў пазнавальнай гульні “Привычкам вредным скажем НЕТ! Здоровью шлём большой привет!” Вучні сярэдняга звяна вызначылі лепшых у камп’ютарнай гульні «Знаўцы здаровага ладу жыцця». Вучні 8, 9 класаў праглядзелі і абмеркавалі відэафільм “Складальнікі здароўя”, пасля чаго назвалі галоўныя правілы здаровага ладу жыцця.
Лес — найлепшы доктар
Акцябраты піянерскай дружыны імя Марата Казея працягнулі ўдзел у Рэспубліканскай квэст-гульні «Палескія рабінзоны». Удзельнікі каманды»Вясёлыя рабяты» паспяхова пераадолелі маршрут № 4 «Лясная аптэка», дзе пазнаёміліся з лекавымі раслінамі нашага лесу, даведаліся аб тым, што многія захворванні можна вылечыць пры дапамозе «Зялёнай аптэкі».
Пазнавальна, цікава, карысна!
Падчас зімніх канікулаў вучні школы наведалі музейны пакой воінаў-інтэрнацыяналістаў у Палацы культуры г. Пружаны. Шмат экспанатаў і цікавай інфармацыі расказаў і паказаў Гарахавіцкі В. М. Дзеці ўбачылі асабістыя рэчы воінаў, якія прымалі ўдзел у жудасных падзеях Афганскай вайны, мелі магчымасць даведацца аб лёсах воінаў-інтэрнацыяналістаў Пружаншчыны ў пасляваенны час.
Завяршылася падарожжа сеансам масавага катання ў Лядовым палацы. Экскурсія прайшла цікава і пазнавальна, весела і здорава!
Зарадка для ўсіх
З мэтай стварэння горада ці пасёлка, які жыве па прынцыпах здаровага ладу жыцця, у якім насельніцтва адказна ставіцца да ўласнага здароўя і здароўя навакольных, а таксама ў якіх маюцца ўмовы для захавання і ўмацавання здароўя, у Рэспубліцы Беларусь праводзіцца Дзяржаўны прафілактычны праект «Здаровыя гарады і пасёлкі». Педагагічны калектыў нашай установы таксама далучыўся да правядзення акцыі з элементамі конкурса «Зарадка для ўсіх!» #зарядкадлявсех
Кожную суботу разам
У суботні дзень пачаткоўцы прынялі ўдзел у пасяджэнні дапытлівых “Шкодныя звычкі нам не сястрычкі”. Вучні сярэдняга звяна былі запрошаны на прагляд і абмеркаванне кіналекторыя “Минздрав предупреждает!” (па прафілактыцы курэння). Вучні 8, 9 класаў стварылі калаж «Спорт – альтэрнатыва шкодным звычкам».
