Яна праводзіцца з 18 па 21 кастрычніка і накіравана на папярэджанне ДТЗ з удзелам пешаходаў і веласіпедыстаў, папулярызацыю выкарыстання святлоадбівальных элементаў і адзення павышанай бачнасці ў цёмны час сутак. Флікер у ДАІ нагадалі, што флікер робіць пешахода больш прыкметным у святле фар на цёмнай дарозе на адлегласці да 400 метраў. Гэта дае кіроўцу дадатковы час на прыняцце найбольш правільнага рашэння, каб пазбегнуць наезду. За парушэнне правілаў дарожнага руху пешаходамі прадугледжаны штраф ад 1 да 3 базавых велічынь, за знаходжанне пешаходаў у нецвярозым стане на праезнай частцы – штраф ад 3 да 5 базавых велічынь.

     У сацсетках вірусіцца новы небяспечны трэнд «храмаванне», арыентаваны на дзяцей і падлеткаў! У відэароліках у TikTok іх вучаць дыхаць таксічнымі парамі бытавых прадметаў, каб атрымаць ап’яненне. Гэтыя відэа набіраюць больш за 25 млн. праглядаў, што кажа аб іх папулярнасці ў падлеткаў. У большасці ролікаў фігуравалі маркеры, на другім месцы — балончыкі са сціснутым паветрам, а на трэцім — лак для пазногцяў. Хваля дэструктыўнага кантэнту можа прывесці да павышэння цікавасці і нармалізацыі ўспрымання такіх паводзін. Для падлетка, які вырашыў далучыцца, усё можа скончыцца атручваннем, у тым ліку са смяротным зыходам або сур’ёзнымі захворванням. Асаблівую трывогу выклікае тое, што выкарыстоўваюцца прадметы, якія ёсць дома ў кожнай сям’і, і дзіця лёгка можа іх узяць. Таксікаманію па відавочным прычынах нельга папярэдзіць забаронамі і выключэннямі, таму будзьце ўважлівымі да вашых дзяцей, фармуйце крытычнае мысленне і навыкі лічбавай гігіены.