Сёння ў школе прайшоў другі дзень здароўя ў гэтым навучальным годзе. Гэта была сапраўдная спартыўная падзея, якая аб’яднала навучэнцаў ДУА «Шаняўская сярэдняя школа імя Міколы Засіма» і навучэнцаў ДУА «Шчарчоўская сярэдняя школа» ў імкненні да здаровага ладу жыцця. Спартыўныя спаборніцтвы сталі галоўным элементам праграмы. У таварыскім матчы па піянерболе перамагла каманда ДУА «Шаняўская сярэдняя школа імя Міколы Засіма». Усе ўдзельнікі атрымалі зарад бадзёрасці і пазітыву. Дзень здароўя стаў сапраўдным святам здароўя і спорту.

     Навучэнцы 5-7 класаў прынялі ўдзел у інтэрактыўным занятку «Здаровае сэрца — здаровы падлетак», якое правяла класны кіраўнік 5 класа Менжынская Г.А разам з фельчарам ФАП в. Чахец Жук С. В. Мерапрыемства прайшло ў форме інтэрактыўнай гульні, падчас якой рабяты выконвалі творчыя заданні, распавядалі аб згубных і станоўчых звычках, якія ўплываюць на здароўе сэрца, пра тое, які лад жыцця трэба весці, каб пазбегнуць хвароб сэрца і сасудаў.

    Навучэнцы 8,9 класаў наведалі музей і выставу ў ДУА «СШ № 1 г.Пружаны імя КБВА». Настаўнік гісторыі Макарчук Юрый Іванавіч пазнаёміў дзяцей з ваеннымі падзеямі на Пружаншчыне ў першыя дні Вялікай Айчыннай вайны. Навучэнцы даведаліся пра герояў танкістаў з 30-ай танкавай дывізіі, лётчыкаў 33-га знішчальнага палка і 74-га штурмавога авіяцыйнага палка, барацьбу партызан і падпольшчыкаў, жыццё мірных грамадзян на акупаванай тэрыторыі Пружанскага раёна, аперацыі «Баграціён», пра тых, чые імёны носяць вуліцы нашага горада. Экскурсія атрымалася цікавай і вельмі пазнавальнай. Пад кіраўніцтвам кіраўніка па ваенна-патрыятычным выхаванні Пекун Н.А.  рабяты наведалі заняткі ў цэнтры патрыятычнага выхавання па праграме «Юны армеец» на базе СШ № 1 г.Пружаны.

    Навучэнцы 1-4 класаў прынялі ўдзел у конкурсе малюнкаў  «Малюем разам любімую Беларусь», навучэнцы 5-8 класаў здзейснілі віртуальны тур «Сімвалы памяці і смутку». Старшакласнікі наведалі прафарыентацыйнае мерапрыемства з удзелам Бульц Дар’і, студэнткі 3 курса інжынернага факультэта УА «Палескі дзяржаўны ўніверсітэт». Навучэнцы 8,9 класаў сталі ўдзельнікамі спаборніцтваў па валейболе і з карысцю для здароўя правялі час.

     У рамках шостага школьнага дня, а таксама з мэтай арганізацыі здаровага адпачынку сям’і, прывіцця дзецям цікавасці да сістэматычных заняткаў фізічнай культурай і спортам, выхавання пачуцця калектывізму, добразычлівасці ў нашай школе прайшла спартыўная эстафета «Мама, тата, я – спартыўная сям’я». Удзел у эстафеце прынялі Казберовіч В.А. і Карпава А.У. Рабяты і мамы паказалі свае здольнасці, праявілі актыўнасць, цягавітасць і ўпартасць. Але галоўнае- гэта тое, што ўсе атрымалі зарад бадзёрасці і энергіі.

     У рамках абласной культурна — асветніцкай акцыі «Мы — здаровае пакаленне Брэстчыны» класным кіраўніком 9 класа Аблаушка І.М. быў арганізаваны сямейны паход навучэнцаў разам з мамамі Гац В.У. і Пекун Н.А. па маршруце «Шані — Каштанаўка-Шані». Пазітыўныя эмоцыі і ўспаміны аб добра праведзеным часе застануцца надоўга ў памяці не толькі дзяцей, але і мам.

     Навучэнцы 1-5 класаў здзейснілі экскурсію па аграгарадку Шані і даведаліся шмат новага і цікавага аб прафесіях сваіх бацькоў. Напярэдадні Сусветнага дня без аўтамабіля і ў рамках абласной інфармацыйна-прапагандысцкай акцыі «Мы здаровае пакаленне Брэстчыны!» навучэнцы 1-5 класаў, педагогі і члены валанцёрскага атрада «ДОМ» прынялі ўдзел у лёгкаатлетычным забегу. Рабяты і педагогі з карысцю правялі час: займаліся на трэнажорах, перацягвалі канат, спявалі песні. Што можа быць лепш, чым актыўны адпачынак на свежым паветры!

     Навучэнцы 6-10 класаў наведалі Рэспубліканскі турнір па дзюдо «Кубак адзінства» ў в. Клетнае, які праводзіцца з мэтай прапаганды здаровага ладу жыцця і ўмацавання здароўя, а таксама прыцягнення моладзі да актыўнага занятку спортам. Вялікае захапленне ў рабят выклікалі паказальныя выступленні ратавальнікаў МНС і парад выратавальны тэхнікі. З мэтай захавання гістарычнай памяці аб падзеях Вялікай Айчыннай вайны ў рамках рэспубліканскай героіка-патрыятычнай акцыі «Вялікай Перамозе-80!» навучэнцы 6-10 класаў наведалі брацкую магілу ў аг. Вялікае Сяло. Рабяты ўшанавалі памяць 56 загінуўшых салдат і партызан хвілінай маўчання.

     Сёння ў школе прайшоў першы Дзень здароўя ў 2024/2025 навучальным годзе. Гэта была сапраўдная спартыўная падзея, якая аб’яднала навучэнцаў ДУА «Шаняўская сярэдняя школа імя Міколы Засіма» і навучэнцаў ДУА «Шчарчоўская сярэдняя школа» ў імкненні да здаровага ладу жыцця. Спартыўныя спаборніцтвы сталі галоўным элементам праграмы. Навучэнцы прабеглі крос, а далей сустрэліся на футбольным полі. Усе ўдзельнікі атрымалі зарад бадзёрасці і пазітыву. Члены валанцёрскага атрада «ДОМ» сталі актыўнымі памочнікамі ў арганізацыі і судзействе спаборніцтваў. Дзень здароўя стаў сапраўдным святам здароўя і спорту. Мы дзякуем усім удзельнікам за актыўны ўдзел і спадзяемся, што такія мерапрыемствы стануць частай традыцыяй у нашай школе. Да новых сустрэч на спартыўных пляцоўках!