Падчас правядзення мерапрыемства ў рамках адукацыйнага праекта «ШАГ» вучні 8 — 10 класаў пазнаёміліся з дасягненнямі ў сферы сучаснай энергасістэмы, рэсурсазберажэння, энергазберагальных тэхналогій, атамнай энергетыкі, узнаўляемых крыніц энергіі, рацыянальнага выкарыстання энергарэсурсаў.
Гвоздзік Раман Раманавіч, электрык ААТ «Шані-аграпрадукт» расказаў аб энергазберагальных мерапрыемствах, якія выкарыстоўваюцца ў гаспадарцы.
Адзіны дзень інфармавання для вучняў VIII-X класаў у рамках інфармацыйна-адукацыйнага праекта «ШАГ» – «Школа актыўнага грамадзяніна» — адбудзецца 23 лютага 2023 года. Тэма адзінага дня інфармавання: «Гонар за Беларусь. Энергія для стварэння, энергія для будучыні » (забеспячэнне энергабяспекі краіны).
Падчас правядзення мерапрыемства ў рамках адуацыйнага праекта «ШАГ» вучні 8 — 10 класаў пазнаёміліся з дасягненнямі ў навукова-даследчай дзейнасці, інавацыйным развіцці ў сферы эканомікі Беларусі. Школьнікі бліжэй пазнаёміліся са структурай, функцыянаваннем і інавацыйнымі распрацоўкамі Акадэміі навук РБ і індустрыяльнага парка «Вялікі камень». Студэнтка 1 курса інжынернага факультэта Бульц Дар’я расказала пра Палескі дзяржаўны ўніверсітэт, умовы паступлення, сферу дзейнасці, магчымасці ўстановы і цікавыя праекты студэнтаў ПДУ.
У рамках адукацыйнага праекта вучні 5 класа былі запрошаны на дзелавую гульню «Я і закон», дзе мелі магчымасць паразважаць над паняццямі «свавольства», «учынак», «праступак», «правапарушэнне».
Сацыяльны педагог Арабей А.Я. у ходзе дыялогу пазнаёміла дзяцей з відамі адказнасці падлеткаў за супрацьпраўныя паводзіны. Школьнікі адзначылі, што вельмі важна з падлеткавага ўзросту захоўваць і паважаць законы сваёй краіны.
Адзіны дзень інфармавання для вучняў VIII-X класаў у рамках інфармацыйна-адукацыйнага праекта «ШАГ» – «Школа актыўнага грамадзяніна» — адбудзецца 26 студзеня 2023 года .
Тэма адзінага дня інфармавання: «Гонар за Беларусь. Навука і інавацыі – сучаснасць і будучыня нашай эканомікі» (дасягненні ў навукова-тэхнічнай дзейнасці, інавацыйным і тэхналагічным развіцці).
Тэма «Гордость за Беларусь. Храним прошлое, ценим настоящее, строим будущее” стала важным пытаннем падчас сустрэчы вучняў 8 – 10 класаў з намеснікам Пружанскага райвыканкама Ханавец С.М. Святлана Мікалаеўна дапамагла вучням паглядзець на краіну, Пружанскі раён, падзеі і людзей у свеце мінулага, сучаснага, будучага, акцэнтавала ўвагу прысутных на неабходнасць захавання гераічнага мінулага, падзялілася ўражаннямі ад мерапрыемстваў, якія праходзілі ў раёне ў бягучым годзе, а таксама пажадала поспехаў і міру ў будучым.
Пад кіраўніцтвам намесніка дырэктара школы Граб В.М. вучні мелі магчымасць здзейсніць падарожжа па сайце школы, а менавіта наведалі рубрыку “Год гістарычнай памяці”. З гонарам успомнілі свае дасягненні за год, запланавалі экскурсію на мемарыяльны комплекс “Хатынь”.
У рамках адукацыйнага праекта ў 5 — 7 класах прайшлі класныя гадзіны па тэме «Я і малая радзіма». Вучні разважалі аб значэнні ў жыцці кожнага чалавека, аб тым, якая яна для іх, адзначалі, што ва ўсіх яна свая і вельмі важна ведаць яе, любіць і берагчы.
У ходзе гутаркі навучэнцы прыйшлі да высновы, што ў іх ёсць любімыя мясціны, і яны павінны захоўваць іх, удзельнічаць у мерапрыемствах і акцыях па навядзенні і падтрыманні парадку.
Адзіны дзень інфармавання для вучняў VIII-X класаў у рамках інфармацыйна-адукацыйнага праекта «Школа актыўнага грамадзяніна» адбудзецца 22 снежня 2022 года.
Тэма «Гордость за Беларусь. Храним прошлое, ценим настоящее, строим будущее”.
У рамках праекта вучні 5 — 7 класаў былі запрошаны на адкрыты дыялог «Я і мая сям’я», дзе мелі магчымасць расказаць пра свае сямейныя традыцыі, асноўныя сямейныя каштоўнасці.
Падчас гутаркі школьнікі прыйшлі да высновы, што захаванне сямейных каштоўнасцяў з’яўляецца асноўнай задачай падрастаючага пакалення.
24 лістапада для вучняў старшых класаў праведзена інфармацыйная гадзіна на тэму «Гонар за Беларусь. Наша прамысловасць — надзейны падмурак незалежнасці». Падчас размовы былі разгледжаны пытанні эканамічнага развіцця краіны: машынабудаванне, хімічная і горна-здабываючая прамысловасць.
