21 красавіка для вучняў 9 класа быў праведзены занятак школы актыўнага грамадзяніна. Тэма: «Вызваленне Беларусі ад германскіх захопнікаў»
Дзеці ўзгадалі асноўныя этапы аперацыі «Баграціён»; у чым была сутнасць новай тактыкі «катлоў»; калі былі вызваленыя абласныя цэнтры; як вялася рэйкавая вайна.
У рамках адукацыйнага праекта «ШАГ» для старшакласнікаў прайшла адзіная інфармацыйная гадзіна «Беларусь — краіна міру, сяброўства і добрасуседства».
У ходзе мерапрыемства класны кіраўнік звярнула ўвагу вучняў на тое, што згодна артыкула 79 Канстытуцыі нашай краіны Прэзідэнт Рэспублікі Беларусь з’яўляецца Кіраўніком дзяржавы, гарантам Канстытуцыі Рэспублікі Беларусь, правоў і свабод чалавека і грамадзяніна. Таксама акцэнт зроблены на тое, што краіна і сёння робіць усё магчымае, каб дапамагчы іншым краінам знайсці выйсце ў рашэнні канфліктных пытанняў.
З мэтай фарміравання ў навучэнцаў уяўлення аб міры як мнагазначным паняцці, раскрыцця значымасці захавання і ўмацавання міру як вышэйшай каштоўнасці, фарміравання ў вучняў ўяўлення аб міралюбівай палітыцы Рэспублікі Беларусь у рамках адукацыйнага праекта «ШАГ» вучні 5 — 8 класаў былі запрошаны для ўдзелу ў адзінай інфармацыйнай гадзіне, падчас якой былі прагледжаны і абмеркаваны відэафрагменты на тэму «Беларускія ваенныя забяспечваюць бяспеку межаў», зроблены высновы, што мірнае неба над галавой — самае каштоўнае, што можа мець чалавецтва, што мы і ёсць тыя людзі, якія павінны прынесці шчасце і дабро ў гэты свет, зрабіць яго лепшым і святлейшым.
3 сакавіка для вучняў 9 класа быў праведзены занятак па тэме «Баявая, дыверсійная і агітацыйна-прапагандысцкая дзейнасць партызан». Вучні актуалізавалі веды пра «новы парадак», усталяваны акупацыйнай уладай, даведаліся пра асноўныя этапы «рэйкавай вайны», высветлілі асаблівасці вядзення партызанамі антыфашысцкай прапаганды.
У рамках праекта «ШАГ» для вучняў 8, 9, 11 класаў прайшла гадзіна асветы «Гонар за Беларусь. На варце нацыянальнай бяспекі і суверэнітэту», падчас якой старшакласнікі атрымалі інфармацыю аб складзе Узброеных сіл Рэспублікі Беларусь, аб асноўных задачах, якія вырашаюць органы пагранічнай службы. Дзеці даведаліся, чым займаецца мытная служба і якая роля ў забеспячэнні бяспекі адводзіцца беларускім выратавальнікам. Адзначылі, што прафесія воіна, абаронцы Айчыны заўсёды была, ёсць і будзе.
Чарговая сустрэча вучняў 9 класа з настаўнікам гісторыі адбылася 17 лютага ў рамках інфармацыйна-адукацыйнага праекта «Школа Актыўнага Грамадзяніна». Тэма: «Падпольная барацьба». Дзеці высветлілі, чым займаліся падпольшчыкі, пазнаёміліся з гістарычнымі дакументамі, якія рэгулявалі дзейнасць падпольнага руху, паглядзелі на тагачасныя газеты і ўлёткі.
3 лютага вучні 9 класа зноў сабраліся на занятак школы актыўнага грамадзяніна — «ШАГ». Падчас мерапрыемства дзеці даведаліся пра рух Супраціўлення, які разгарнуўся па ўсёй Еўропе, высветлілі асаблівасці партызанскай і падпольнай барацьбы ў СССР, адказалі на пытанне аб прычынах такога масавага адпору фашысцкім захопнікам.
Пад такой назвай у рамках праекта «ШАГ» для вучняў 8-9, 11 класаў прайшла інфармацыйная гадзіна, падчас якой старшакласнікі даведаліся аб прыярытэтах канфесійнай палітыкі ў Рэспубліцы Беларусь, якія канфесіі ў краіне з’яўляюцца гістарычна традыцыйнымі, што прадпрымаецца ў Беларусі для падтрымкі міжнацыянальнай стабільнасці, як звязаны такія паняцці, як «талерантнасць» і «міжнацыянальныя адносіны».
У рамках праекта «ШАГ» для вучняў 5–7 класаў прайшла дзелавая гульня «Закон суровы, але гэта закон». Падчас мерапрыемства навучэнцы гаварылі пра тое, што такое закон, і паводле якіх законаў жывуць грамадзяне Беларусі. Актыўнасць дзяцей выявілася і пры разгадванні рэбусаў па прававой тэматыцы. З вялікім задавальненнем вучні прынялі ўдзел у разглядзе паняццяў «правілы», «правапарушэнне» і «злачынства», а таксама ў разглядзе розных сітуацый, звязаных з парушэннем закона. Дзеці прыйшлі да высновы, што закон трэба ведаць і выконваць, а за кожнае парушэнне закона неабходна несці адказнасць.
23 снежня ў рамках праекта «ШАГ» вучні 5-7 класаў паказалі, наколькі яны неабыякавыя да таго, што адбываецца навокал, у іх акружэнні. Важнымі пытаннямі для абмеркавання сталі: значэнне малой радзімы ў жыцці кожнага грамадзяніна, веданне сваіх каранёў, асэнсаванне важнасці сваёй дзейнасці для развіцця малой радзімы.
