Для навучэнцаў пачатковай школы быў праведзенф інфарм-дайджэст «Калі хочаш быць здаровым — правільна харчуйся». Ён садзейнічаў засваенню ведаў пра правільнае, карыснае харчаванне школьніка. Гульнёвыя моманты падчас мерапрыемства спрыялі пазітыўнаму настрою і прадуктыўнай працы.
У рамках рэалізацыі прафілактычнага праекта «Школа — тэрыторыя здароўя» ў 4 класе прайшла гадзіна карысных парад «Здаровая кухня». Мэтай мерапрыемства было паглыбленне ўяўлення дзяцей аб правільным харчаванні, працяг фарміравання пазітыўнай ацэнкі здаровага ладу жыцця. Хлопцы і дзяўчаты зрабілі выснову аб тым, што ў сучасным свеце модна быць здаровым і весці актыўны лад жыцця.
У рамках рэалізацыі прафілактычнага праекта «Школа — тэрыторыя здароўя» для вучняў 4 класа быў праведзены ўрок здароўя «Вітамінка і яе сакрэты». Разам з Втіамінкай дзеці здзеснілі падарожжа ў Краіну здароўя. Для іх былі прапанаваны шматлікія конкурсы: адгадаць загадкі пра прадметы асабістай гігіены, адабраць карысныя і некарысныя прадукты, скласці «Азбуку здароўя» і г.д. Які ж урок здароўя без зарадкі? Яна таксама прысутнічала для школьнікаў. Усе адзінагалосна прыйшлі да высновы, што неабходна весці здаровы лад жыцця, есці больш свдавіны і гародніны, займацца спортам.
З мэтай пашырэння ведаў аб правілах здаровага харчавання, накіраваных на захаванне і ўмацаванне здароўя, для вучняў 5 класа арганізаваны факультатыўныя заняткі “Размова пра культуру здаровага харчавання”. Уся інфармацыя падаецца ў форме сюжэтных гульняў, конкурсаў, рэбусаў, загадак. Вучні з цікавасцю ўключаюцца ў работу. Такія формы работы с дзецьмі спрыяюць павышэнню матывацыі да вядзення культуры здаровага харчавання, прымушаюць задумацца аб сваім харчаванні і хваробах, звязаных з няправільным харчаваннем.
Вучні 1-4 класаў з вялікай ахвотай прынялі ўдзел у конкурсе «Юны кулінар». Для іх была падрыхтавана цікавая насычаная кулінарнымі пытаннямі і заданнямі праграма. Каб атрымаць тытул «Юны кулінар», вучні павінны былі адгадаць стравы, назваць прадукты, перабраць крупы, прэзентаваць газету «Здаровае харчаванне». Падчас конкурсу панаваў дух зацікаўленасці, жадання перамагчы, паказаць свае здольнасці, суперажывання за вынік.
У рамках рэалізацыі Комплекснай сістэмы мер ДУА «Шаняўская СШ імя Міколы Засіма», накіраванай на прапаганду карыснага харчавання і фарміравання правільных харчовых паводзін навучэнцы 1-4 класаў прынялі ўдзел у квэст-гульні «У гасцях у доктара Здаровае Харчаванне». Рабятам неабходна было выконваць заданні на кожнай станцыі, вырашаць лагічныя задачкі. Пасля праходжання ўсіх станцый кожны навучэнец атрымліваў памятку з парадамі па здаровым харчаванні, якое з’яўляецца неабходнай умовай ЗЛЖ.
Наступіла восеньская пара — закружылася лісце ў вальсе, у агародах паспелі гародніна і прыйшоў час збіраць ураджай. Насельнікі градак, самай мудрагелістай формы і памеру, не толькі смачныя і карысныя, але яны падштурхоўваюць да творчасці, будзяць фантазію і ўяўленне, выхоўваюць уменне бачыць незвычайнае ў звычайным. У школе быў арганізаваны вітамінны кірмаш «Вясёлыя вітаміны» з мэтай арганізацыі сумеснай стваральнай дзейнасці навучэнцаў, педагогаў і бацькоў, развіцця творчай і пазнавальнай актыўнасці, экалагічнай культуры і мастацка-эстэтычнага густу ўдзельнікаў. Бацькі, навучэнцы і педагогі з задавальненнем прынялі ўдзел у кірмашы, стварылі вельмі цікавыя вырабы з гародніны, прыдумалі арыгінальныя назвы сваім «шэдэўрам». Члены валанцёрскага атрада «ДОМ» растлумачылі малодшым школьнікам карысць гародніны ў нашым харчаванні.
У рамках інфармацыйна-асветніцкай акцыі «Мы — здаровае пакаленне Брэстчыны!» члены валанцёрскага атрада «ДОМ» правялі інтэрактыўны занятак «Гародніна і садавіна — карысныя прадукты» для вучняў 4 класа. Валанцёры не толькі разам з вучнямі малявалі малюнкі, адгадвалі рэбусы, але і пазнаёмілі з важнай інфармацыяй аб правільным харчаванні.
