У суботу, 23 красавіка, настаўнікі і вучні школы сабраліся на дзень Зямлі. Настаўнікі, ў рамках рэспубліканскага суботніка, навялі парадак на прышкольнай тэрыторыі, стадыёне. Члены атрада «Міласэрнасць» ўдзельнічалі ў аперацыі «Абеліскі». Таксама не засталася без увагі і ветэран Вялікай Айчыннай вайны Гуга Л. В. Вучні аказалі ёй дапамогу ў добраўпарадкаванні тэрыторыі каля хаты.

Пачаткоўцаў запрасілі на конкурсную праграму «Усё пра ежу», дзе дзеці змаглі сябе паказаць у якасці добрых памочнікаў у хатніх справах. Навучэнцы 5 — 7 класаў прынялі актыўны ўдзел у працоўнай акцыі «Кветкавы сад», у ходзе якой было высаджана 9 відаў кветак на клумбы, якія размешчаны на прышкольнай тэрыторыі, і каля помніка ахвярам фашызму.