З 22 па 24 мая праводзіўся раённы этап Рэспубліканскага творчага конкурсу юных чытальнікаў «Жывая класіка», у якім прыняў удзел 21 навучэнец. Дыпломам 3 ступені ўзнагароджваецца навучэнка 7 класа Сіліна Сняжана. Віншуем Сняжану і настаўніка беларускай мовы і літаратуры Сунік Алену Мікалаеўну!
Лета — гэта самая доўгачаканая і любімая пара года для ўсіх дзяцей. У школьнікаў пачынаецца пара канікул, калі шчаслівыя дзеткі цешацца бесклапотнаму баўленню часу, гарэзуе на свежым паветры, грэецца пад цёплымі сонечнымі прамянямі. 28 мая навучэнцы 4 класа адправіліся ў захапляльнае падарожжа па маршруце «Бяспечнае лета», дзе іх пільнавалі розныя выпрабаванні. Дзеці пазнаёміліся з правіламі бяспечных паводзін на дзіцячых пляцоўках, у лесе, на пляжы, ля вадаёма, на дарогах. Рабяты паўтарылі агульныя правілы паводзін дома, на вуліцы, з незнаёмцамі – яны аднолькава значныя ў любую пару года і выконваць іх трэба няўхільна.
25 мая для навучэнцаў 9,11 класаў прайшла ўрачыстая лінейка «Апошні званок», прысвечаная заканчэнню навучальнага года. Заканчэнне школы — незабыўны, хвалюючы момант у жыцці кожнага чалавека. Школьны двор напоўніўся водарам кветак, прыгожымі выпускнікамі, гукамі школьнага вальса. Атмасфера панавала адначасова радасная і крыху сумная. Бо менавіта тут нашы выпускнікі развітваліся з дзяцінствам. Са словамі на дарогу да выпускнікоў звярнуліся дырэктар школы Ярмашэвіч А.М. і старшыня Шаняўскога сельскага выканаўчага камітэта Бяляева І.Р. Выпускнікі, прыгожыя і сумныя, на развітанне сказалі трапяткія словы сваім настаўнікам, бацькам, пацешыўшы ўсіх прысутных выдатным танцам і песнямі. Свята атрымалася вельмі добрым і кранальным. Усім нашым выпускнікам мы жадаем удачы ў будучыні. У добры шлях, выпуск-2024!
Выдатнікі вучобы, дыпламанты прадметных алімпіяд і творчых конкурсаў, пераможцы спартыўных спаборніцтваў, члены Маладзёжнага парламента і ваенна-патрыятычных клубаў — больш за 2,6 тысячы чалавек (700 з абласцей і Мінска плюс амаль дзве тысячы брэсцкіх выпускнікоў) сабраліся сёння, 24 мая, у Брэсце на рэспубліканскае свята «Апошні званок». Усяго 4 выпускнікі з Пружанскага раёна прымаюць удзел у гэтым мерапрыемстве. У іх ліку выпускніца нашай школы Міранюк Анастасія. За гады вучобы ў школе Анастасія неаднаразова станавілася пераможцам не толькі раённых, абласных, але і рэспубліканскіх творчых конкурсаў.
На працягу двух гадоў навучэнцы 11 класа асвойвалі веды і ўменні па прафесіі «працоўны зялёнага будаўніцтва». Пасля заканчэння навучання 20 мая навучэнцы паспяхова здалі экзамен і атрымалі прафесію «працоўны зялёнага будаўніцтва» другога разраду. Веды і ўменні дзяцей ацэньвалі педагогі ўстановы адукацыі, а таксама галоўны аграном ААТ «Шані — аграпрадукт» Наджафава Т.І. Віншуем рабят з паспяховай здачай экзамена!
Напярэдадні Дня піянерыі з мэтай прапаганды дзейнасці дзіцячых арганізацый і аб’яднанняў, фарміравання ідэйна-маральнай і грамадзянска-патрыятычнай культуры падрастаючага пакалення, патрыятычнага выхавання навучэнцаў, папулярызацыі грамадскага дзіцячага руху, абмену вопытам работы дзіцячых арганізацый і аб’яднанняў у працэсе рознабаковых зносін дзіцячых лідэраў 18 мая 2024 года на базе дзяржаўнай установы адукацыі «Сярэдняя школа № 1 г.Пружаны імя Чырванасцяжнай Беларускай ваеннай акругі» прайшоў раённы злёт прадстаўнікоў грамадскага аб’яднання «Беларуская рэспубліканская піянерская арганізацыя».
6 самых актыўных членаў ГА «БРПА» нашай дружыны сталі ўдзельнікамі гэтага мерапрыемства. Злёт быў сапраўдным святам: актывісты спявалі, танцавалі, прымалі віншаванні, а лепшыя піянеры і піянерскія дружыны раёна атрымалі заслужаныя ўзнагароды.
19 мая — Дзень піянерыі! Праходзіць час, мяняюцца людзі, перакананні і сама гісторыя, а піянерскі рух жыве і застаецца патрэбным для юнага пакалення. Сёння на ўрачыстым піянерскім зборы наша піянерская дружына папоўнілася новымі членамі. 7 чацвёртакласнікаў школы былі прыняты ў піянеры. На зборы вучні перад сваімі сябрамі далі ўрачыстае абяцанне любіць сваю Радзіму, быць сумленнымі і справядлівымі, прытрымлівацца традыцый БРПА. Піянераў-навічкоў павіншавалі прысутныя піянеры і іх класны кіраўнік Ханіла І.В.
