У пятніцу, 27 лютага, у школе прайшло мерапрыемства, прысвечанае 80-годдзю з Дня нараджэння Рыгора Барадуліна.
Вучні пазнаёміліся з біяграфіяй паэта — апошняга беларуса, які атрымаў званне Народнага паэта Беларусі, яго вершамі.
Карпінчык Таццяна і Маршалок Ганна прадставілі на раённы конкурс “Падтрымаем птушак!” у намінацыі “Лепшы інфармацыйны прадукт” свой буклет “Дапаможам пярнатаму сябру разам!” і атрымалі дыплом І ступені.
Таксама на базе нашай школы працуе аб’яднанне па інтарэсах “Юны эколаг” ЦТДМ г. Пружаны, кіраўніком якога з’яўляецца Дзенісюк Вольга Мікалаеўна. У дадзеным конкурсе яна таксама атрымала дыплом І ступені ў намінацыі “Лепшы занятак пра птушак” за распрацоўку інтэрактыўнай гульні “У свеце птушак”.
Віншуем з перамогай !!!
З мэтай прыцягнення ўвагі дзяцей да праблемы аховы і захавання навакольнага асяроддзя, павышэння экалагічнай культуры вучняў з 6 лютага па 1 сакавіка праходзіць раённы конкурс “Лепшая шпакоўня”. Вучні 7 — 9 класаў прадставілі на конкурс 3 шпакоўні.
У Дзень абаронцаў Айчыны і Узброеных Сіл Рэспублікі Беларусь у школе адбыўся конкурс інсцэніраванай песні. У гэтым годзе ён быў прысвечаны 70-годдзю Перамогі над нямецка-фашысцкімі захопнікамі.
На працягу некалькіх тыдняў ішла штодзённая падрыхтоўка да конкурсу, таму журы, у склад якога ўвайшлі педагогі школы, было складана вызначыцца з пераможцамі.
І ўсё ж перамогу святкавалі вучні 4 і 6 класаў, ІІ месца атрымалі вучні 5 і 7 класаў, а ІІІ месца было аддадзена вучням 3, 8, 9 і 11 класаў.
Віншуем з перамогай!
21 лютага ў школе адзначаўся Міжародны дзень роднай мовы. Якая прыгожая, мілагучная, мяккая і ў той жа час яскравая наша мова.
У гэты дзень для вучняў 1 — 4 класаў праводзілася літаратурна-музычная кампазіцыя «Гучы, мая родная мова!» Вучні мелі магчымасць чытаць вершы, размаўляць, спяваць песні на роднай беларускай мове.
Старшакласнікаў запрасілі на інтэлектуальную гульню «Родная мова». Дзеці ў групах працавалі над заданнямі, складалі крыжаванкі.
Цікава прайшла гульня для вучняў сярэдняга звяна «Поле цудаў». Вучні пазнаёміліся са словамі, якія мала ўжываюцца ў сучаснай мове. Вялікую падтрымку аказалі гледачы.
19 лютага ў школе прайшоў Адзіны дзень здароўя «Дзень прафілактыкі інфекцый, якія перадаюцца палавым шляхам.
Вучні пазнаёміліся з найбольш распаўсюджанымі інфекцыямі ў Брэсцкай вобласці і Рэспубліцы Беларусь, з сімптомамі і мерамі прафілактыкі інфекцый, якія перадаюцца палавым шляхам, а таксама даведаліся, куды звяртацца ў выпадку захворвання.
Напярэдадні Міжнароднага дня роднай мовы з вучнямі 8 і 11 класаў была праведзена гульня «Родная мова».
У ходзе гульні навучэнцы паказалі добрае веданне беларускай мовы, прыгадалі вершы з буквара, песні беларускіх аўтараў.
Пад такой назвай 16 лютага ў нашай школе прайшлі інфармацыйныя гадзіны, прысвечаныя чарговай гадавіне вываду войск з Афганістана. На мерапрыемствах вучні здзейснілі завочнае падарожжа ў гістарычнае мінулае, успомнілі імёны загінуўшых землякоў, ушанавалі памяць герояў хвілінай маўчання.
14 лютага вучняў зноў паклікаў Дзень здароўя. Пачаткоўцы ўдзельнічалі ў эстафеце, турніры ў гульні ў даміно і шашкі, вучні старэйшых класаў змагаліся за першае месца ў валейболе.
Таксама вучні старэйшых класаў і сярэдняга звяна ўдзельнічалі ў конкурснай праграме “Палавінка мая” і гадзіне творчасці “Валянцінка сваімі рукамі”, прысвечаных Дню закаханых, а навучэнцы пачатковых класаў рыхтавалі віншавальныя паштоўкі сваім татам да Дня абаронцы Айчыны.
З усёй сур’ёзнасцю ў суботні дзень адзінаццацікласнікі рыхтуюцца да выпускнога экзамену па гісторыі на стымулюючых занятках.
Са снежня 2014 года па красавік 2015 года ў раёне праводзіцца экалагічная акцыя «Падтрымаем птушак!». Вучні нашай школы актыўна далучыліся да ўдзелу ў гэтай акцыі.
13 лютага для вучняў 5 – 7 класаў была арганізавана інтэрактыўная гульня “У гасцях у птушак”. Вучні адгадвалі рэбусы, загадкі, выконвалі заданні, якія “прынёс бусел”, слухалі спевы птушак, абмяркоўвалі карысныя і шкодныя прадукты для птушак. Пераможцамі сталі Паляшук Андрэй, Бойдзіч Паліна і Крысевіч Яўгеній (вучні 6 класа), якія былі ўзнагароджаны дыпломамі і салодкімі падарункамі.
Наведвальнікі гуртка “Юны эколаг” пад кіраўніцтвам Дзенісюк В.М. зрабілі і развесілі кармушкі ў школьным садзе, і кожны дзень вучні не забываюць папаўняць іх свежым кормам. Многія вучні вывесілі кармушкі каля сваіх дамоў.
Таксама навучэнцы нашай школы прымалі ўдзел у раённым конкурсе «Падтрымаем птушак!». У намінацыі “Лепшы інфармацыйны прадукт” прынялі ўдзел Маршалак Ганна і Карпінчык Таццяна, якія падрыхтавалі буклет “Дапаможам пярнатаму сябру разам!”. Чакаем вынікаў.
