З мэтай выканання рашэння педагагічнага савета «Аб сучасных падыходах да кантрольна-ацэначнай дзейнасці» 18 кастрычніка на свой адкрыты ўрок у 5 класе педагогаў школы запрасіла І. М. Коверзнева.

      Настаўніца падзялілася вопытам выкарыстання розных форм і відаў кантрольна-ацэначнай дзейнасці.

      Урок атрымаў высокую ацэнку калег, асабліва каштоўны ён для пачынаючых педагогаў.

      Месячнік па навядзенні парадку на зямлі ў разгары. Апошні раз у сезоне праведзена абкошванне тэрыторыі, паступова ўбіраецца прышкольна-вопытны ўчастак, ускопваюцца клумбы.

      Штодзённа вядзецца ўборка тэрыторыі ад апалага лісця.

      15, 16 кастрыніка вучні школы прынялі ўдзел ў восеньскім першынстве раёна па лёгкай атлетыцы.

      Найбольш парадавалі  сваімі выступленнямі  С. Гержый (ІІІ месца ў бегу), Я. Несцяровіч (ІІ і ІІІ месцы ў кіданні кап’я і дыска),  А. Варажбіцкая (два ІІ месцы ў бегу), А. Тунчык (ІІ месца ў бегу).

      А самым удалым было выступленне вучня 10 класа П. Ануфрыенкі, які заваяваў І і ІІ месцы на дыстанцыях 1000 і 800 метраў.

Віншуем і жадаем новых удалых стартаў!

    Шчырая размова «Радасць мацярынства: як яе не азмрочыць?» з удзелам дзяўчынак старшых класаў адбылася ў Дзень маці. Яна прайшла пад дэвізам «Самая прекрасная из женщин — женщина с ребёнком на руках».

      Мэтай мерапрыемства было выхаванне павагі да жанчыны-маці. Дзяўчаты разам са сваімі педагогамі адкрыта выказваліся аб праблемах палавога выхавання, аб складаемых шчасця мацярынства, аб тым, як жанчыне падрыхтавацца да нараджэння здаровага дзіцяці.

      Члены гуртка «Эколагі-краязнаўцы» прынялі ўдзел у акцыі «Наш чысты лес», аб’яўленай Пружанскім лясгасам.

      Гурткоўцамі прыбрана бытавое смецце на ўчастку лесу, які прылягае да вёскі Шані.

      Двойчы ў тыдзень па серадах і пятніцах вучні школы змогуць наведаць заняткі па плаванні. Першы заезд старшакласнікаў у гэтым навучальным годзе у Водны палац г. Пружаны адбыўся 11 кастрычніка.

      У школе прайшоў педагагічны кансіліум па тэме «Пераемнасць у навучанні паміж пачатковай школай і сярэднім звяном». Настаўнікамі былі выпрацаваны рэкамендацыі па рабоце з вучнямі 5 класа.

     5 кастрычніка група педагогаў школы была запрошана на раённае свята, прысвечанае Дню настаўніка. На свяце ўшаноўваліся лепшыя педагогі раёна. Цёплыя і шчырыя словы прагучалі пра педагагічныя дынастыі, сярод якіх  дынастыя Якімавец — Грышкевіч — Пасько. Прыемным сюрпрызам стала ўзнагароджанне школы ў намінацыі «Школа — наш утульны дом» акустычнай мультымедыйнай сістэмай, сродкі на якую выдаткавалі нашы шэфы — ААТ «Шані-аграпрадукт».

     Напярэдадні Дня настаўніка члены атрада «Міласэрнасць» павіншавалі са святам былых настаўнікаў пенсіянераў Салапура Я. М., Сцяпанаву М. М., Петруковіч Т. У. і Петруковіча М. М.

      А школьнае свята, прысвечанае Дню настаўніка, было падрыхтавана сумеснымі намаганнямі работнікаў сельскага клуба і школьных гурткоў творчай накіраванасці. На свяце гучалі цудоўныя словы падзякі настаўнікам, душэўныя песні ў выкананні Таццяны Кабрынец, Наталлі Чэчка і вучняў школы. 

      Настаўніца нямецкай мовы Н. І. Жырыкава атрымала Ганаровую грамату аддзела адукацыі за шматгадовую добрасумленную працу.

      Вучні старэйшых класаў удзельнічалі ў працоўным дэсанце па нарыхтоўцы бульбы для школьнай сталоўкі.

      Бульба нарыхтавана і для патрэб сталовай ААТ “Шані-аграпрадукт”, а таксама адзінокіх жыхароў сельсавета.