У час канікулаў вучні 1 — 6 класаў нашай школы наведалі Дом рамёстваў у Пружанах.

  Цікавай і пазнавальнай стала сустрэча з майстрыхамі, якія займаюцца ткацтвам, салома- і бісерапляценнем, пляценнем з лазы.

   Вучні не толькі ўбачылі на свае вочы, як у карпатлівай працы нараджаюцца цудоўныя вырабы, але і паўдзельнічалі ў майстар-класе па саломапляценні.

   Наступным прыпынкам экскурсійнай групы стаў сквер, у якім знаходзіцца помнік, прысвечаны памяці воінаў-афганцаў. Уважліва слухалі вучні аповед І. М. Коверзневай пра подзвігі нашых землякоў; пра гісторыю стварэння гэтага памятнага месца.