Прафілактычнае мерапрыемства «Правілы электрабяспекі дома і на вуліцы» для вучняў малодшых класаў правяла старшы інспектар Пружанскай раённай энергагазінспекцыі Кныш Н.Г. Яна расказала дзецям аб правілах карыстання электрапрыборамі, газавай плітой, паказала прафілактычны відэаролік з мэтай недапушчэння няшчасных выпадкаў.
Мама — самае прыгожае слова на зямлі. У мамы самае добрае і ласкавае сэрца. І толькі мамы дораць нам любоў, дабро, пяшчоту і ласку. суботу, менавіта ў Дзень маці, у школе прайшло святочнае мерапрыемства, на якім гучалі песні, дзеці чыталі вершы, дарылі мамам кветкі. З вялікім задавальненнем мамы і навучэнцаў 1-4 класаў прынялі ўдзел у гульні-пошуку «Мазаіка здароўя». Дарослыя і дзеці выдатна правялі час і даведаліся шмат новага пра тое, як умацаваць сваё здароўе.
У мэтах прафарыентацыі школу наведаў прадстаўнік УА «Віцебская ордэна» Знак Пашаны» Дзяржаўная акадэмія ветэрынарнай медыцыны.» Ён расказаў выпускнікам аб навучальнай установе, факультэтах, умовах паступлення, адказаў на хвалюючыя пытанні вучняў.
Кіраўнік па ваенна-патрыятычнаму выхаванню Чыбісава М. В. правяла экскурсію па матэрыялах выставы. Марына Валер’еўна расказала дзецям пра страты, якія панесла наша краіна ў гады Вялікай Айчыннай вайны, факты генацыду на тэрыторыі Пружанскага раёна, работу органаў пракуратуры па ўстанаўленні фактаў генацыду, лёс савецкіх ваеннапалонных на тэрыторыі Пружанскага раёна.
14 кастрычніка для вас прапануюцца наступныя мерапрыемствы:
Дзень прапаганды здаровага ладу жыцця
900 – 945 Спартыўныя спаборніцтвы “Самыя спрытныя і ўмелыя” (5 – 9 класы)
Месца правядзення – стадыён
Адказныя Сахарэвіч М.М., класныя кіраўнікі
900 – 945 Гульня-пошук “Мазаіка здароўя” 91 — 4 класы)
Месца правядзення – школа
Адказныя Тарасава М.Б., класныя кіраўнікі
955 – 1040 Спартыўны калейдаскоп “Падлетак. Стыль жыцця – здаровы” з запрашэннем фельчара ФАПа (5 – 7 класы)
Месца правядзення – кабінет № 7
Адказныя Семянчук В.М., класныя кіраўнікі
950 – 1130 Наведванне заняткаў па праграме “Юны армеец” (8,9 класы)
Месца правядзення – СШ № 1 г. Пружаны
Адказныя Чыбісава М.В., класныя кіраўнікі
7 кастрычніка навучэнцы 8-9 класаў пад кіраўніцтвам настаўніка па дапрызыўнай падрыхтоўцы Сахарэвіча М.М. наведалі заняткі ў Цэнтры патрыятычнага выхавання па праграме «Юны армеец» на базе СШ № 1 г.Пружаны. Заняткі будуць праводзіцца па суботах на працягу месяца.
7 кастрычніка вучні 1-4 класаў прынялі ўдзел у святочнай праграме «Давайце ганарыцца, што мы беларусы». Яны пазнаёміліся з паданнем аб паходжанні назвы нашай краіны, новымі беларускімі гульнямі, узгадвалі славутых людзей роднай зямлі. Гучалі беларускія песні, прыказкі, загадкі.
З мэтай фарміравання і развіцця паважлівых адносін да роднай мовы, пачуцця гонару за дасягненні Радзімы, выхавання паважлівых адносін да традыцый, дзяржаўнай сімволікі вучням 5-7 класаў была прапанавана квэст-гульня «Твая зямля, твая Радзіма названа светла: Беларусь». Яны паспяхова прайшлі станцыі “Рэліквія”, “Народная мудрасць”, ”Загадкавая”, “Геаграфічная”, “Музычная”. Самай запамінальнай стала станцыя “Збор бульбы”, дзе кожны паказаў свае фізічныя здольнасці і атрымаў асалоду ад працэсу збірання “другога хлеба”.
Самы вялікі Ўрок па тэме «Мэты ўстойлівага развіцця» прайшоў для вучняў з мэтай фарміравання ў іх разумення значнасці Мэт устойлівага развіцця ў вырашэнні глабальных праблем сучаснасці і ўсведамлення ролі кожнага жыхара планеты ў працэсах дасягнення Мэт. Ён садзейнічаў выхаванню экалагічнай культуры, грамадзянскасці, пачуцця дакранання да сучаснасці сваёй краіны і адказнасці за яе будучыню.
У намінацыі «Субота — майстэрня сямейнага вольнага часу» за распрацаваны праект «ШАБ: Школа Актыўных Бацькоў» дыпломам I ступені галоўнага ўпраўлення па адукацыі Брэсцкага аблвыканкама ўзнагароджана Граб Вольга Мікалаеўна, намеснік дырэктара па выхаваўчай рабоце дзяржаўнай установы адукацыі «Шаняўская сярэдняя школа імя Міколы Засіма». Віншуем з перамогай!
