І.Мэта і задачы школьнай бібліятэкі

Мэта: садзейнічаць працэсу навучання і выхавання навучэнцаў, ажыццяўленне інфармацыйнага суправаджэння адукацыйнага працэсу.

Задачы:

— забеспячэнне доступу да інфармацыі ўдзельнікам адукацыйнага працэсу праз выкарыстанне інфармацыйных рэсурсаў бібліятэкі;

— аказанне інфармацыйнай падтрымкі педагагічным работнікам установы ў павышэнні прафесійнай кампетэнтнасці;

— правядзенне мерапрыемстваў па захаванасці мастацкага, метадычнага і навучальнага фондаў бібліятэкі;

— арганізацыя работы па камплектаванні, уліку, выдачы дакументаў і вучэбных выданняў бібліятэчнага фонду;

— правядзенне мерапрыемстваў па прапагандзе чытання, з выкарыстаннем сучасных тэхналогій і форм працы;

— аказанне кансультацыйнай дапамогі навучэнцам, педагагічным работнікам і іншым катэгорыям карыстальнікаў у атрыманні інфармацыі;

— выхаванне нацыянальнай самасвядомасці, адраджэнне духоўных каштоўнасцей, любові да сваёй Радзімы, фарміраванне грамадзянскасці і патрыятызму.

II. Асноўныя функцыі школьнай бібліятэкі:

Інфармацыйная – прадастаўленне магчымасці выкарыстання інфармацыі незалежна ад яе віду, фармату і носьбітаў.

Выхаваўчая – спрыяе развіццю пачуцця патрыятызму ў адносінах да дзяржавы, свайго краю і школы.

Культуралагічная – арганізацыя мерапрыемстваў, якія выхоўваюць культурную і сацыяльную самасвядомасць, садзейнічаюць эмацыйнаму развіццю навучэнцаў.

Адукацыйная – падтрымка і забеспячэнне адукацыйных мэт, сфарміраваных у задачах развіцця школы і ў адукацыйных праграмах па прадметах.

III. Напрамкі дзейнасці бібліятэкі:

• работа з навучэнцамі;
• інфармацыйныя і іншыя агляды літаратуры;
• гутаркі аб навыках работы з кнігай;
• падбор літаратуры для пазакласнага чытання;
• удзел у раённых і абласных конкурсах;
• выкананне бібліяграфічных запытаў;
• падтрымка агульнашкольных мерапрыемстваў.