Актывісты ГА БРСМ на чале з педагогам-арганізатарам правялі акцыю «Зробім» у рамках Месячніка па добраўпарадкаванні і навядзення парадку на тэрыторыі Пружанскага раёна «Зробім наш раён яшчэ лепш» і навялі парадак на прышкольнай тэрыторыі.
БРСМаўцы напярэдадні свята 8 Сакавіка праявілі творчую ініцыятыву і з самай раніцы ўключыліся ў акцыю “Ад усёй душы!”. Сумесна з педагогам-арганізатарам яны павіншавалі настаўнікаў са святам. Кожны педагог школы атрымаў прыемны сюрпрыз з прыгожымі пажаданнямі да свята.
Сумесная акцыя ГА БРПА і ГА БРСМ па стварэнні падарункаў да 8 Сакавіка сваімі рукамі пачалася за тыдзень да свята. Актывісты БРСМ паказалі майстар-клас акцябратам і навучылі іх рабіць чароўны квецік-сяміквецік. Малодшыя школьнікі з творчым запалам падыйшлі да гэтай справы і на свята падаравалі настаўнікам прыгожыя кветачкі, каб іх запаветныя мары і жаданні здзейсніліся.
Сёння самая масавая маладзёжная арганізацыя Беларусі аб’ядноўвае найбольш актыўных прадстаўнікоў новага пакалення, тых, хто імкнецца прыкласці сілы і здольнасці, каб зрабіць сваё жыццё і сваіх аднагодкаў цікавей, ярчэй і сваімі рукамі будаваць маладую Беларусь. Рабоце з новымі ўдзельнікамі агульнай справы надаецца вялікая ўвага. У рамках інфармацыйнай гадзіны «Моладзь — будучае краіны» старшыня Шаняўскога сельвыканкама Бяляева І.Р. уручыла членскія білеты БРСМ вучням 8 і 9 класаў. Спадзяемся, што разам з імі жыццё ячэйкі зайграе новымі фарбамі. Віншуем!
Рабяты прадэманстравалі неверагодную кемлівасць, камандны дух і бліскучыя веды ў розных галінах. Інтэлектуальныя заданні былі вельмі разнастайнымі: ад гістарычных пытанняў да творчых выклікаў. Кожны ўдзельнік праявіў свае лепшыя якасці, а атмасфера спаборніцтва натхняла на новыя здзяйсненні. Такія мерапрыемствы аб’ядноўваюць, зараджаюць пазітывам і нагадваюць пра каштоўнасць каманднай працы. Не спыняйцеся на дасягнутым — наперадзе шмат новых мерапрыемстваў і магчымасцяў для самаўдасканалення!
Вучні ўспомнілі гісторыю стварэння, мэты і задачы, якія стаяць перад ГА «БРСМ», пагаварылі аб магчымасцях развіцця і самарэалізацыі членаў арганізацыі, дзейнасці Рэспубліканскага савета працоўнай моладзі і пераканаліся: лёс нашай краіны, развіццё Беларусі залежыць ад кожнага з нас. ГА «БРСМ» прадастаўляе магчымасці маладым людзям для самарэалізацыі і для рэалізацыі ініцыятыў , накіраваных на ўдасканаленне розных сфер жыццядзейнасці беларускага грамадства.
Вучні 9, 10 класаў з мэтай грамадзянскага і патрыятычнага выхавання наведалі ДУА «СШ №1 г.Пружаны» і пазнаёміліся з выставай «Генацыд беларускага народа» і выставай, прысвечанай 85-годдзю Брэсцкай вобласці.
Члены ГА «БРСМ» ДУА «Шаняўская сярэдняя школа імя Міколы Засіма», якія ў летні перыяд працавалі ў складзе студэнцкага атрада ў ААТ «Шані-аграпрадукт», прынялі ўдзел у закрыцці працоўнага семестра. Кожны з іх атрымаў падзяку ад першага сакратара Пружанскага раённага камітэта ГА «БРСМ» У. В.Апалейчук за значны ўклад у развіццё студатрадаўскага руху Пружанскага раёна, а Бульц Н. была ўзнагароджана Граматай за асабісты ўклад у развіццё студатрадаўскага руху.
Добраўпарадкаванне памятных месцаў — гэта тая малая частка нашых спраў, з дапамогай якіх мы выказваем сваю падзяку ўсім, хто аддаў сваё жыццё дзеля мірнага неба над намі. У рамках месячніка па добраўпарадкаванні «Зробім наш раён чысцей разам» члены ГА БРСМ ДУА «Шаняўская сярэдняя школа імя Міколы Засіма» сумесна са старшынёй Шаняўскога сельвыканкама Бяляевай І.Р. і педагогамі Вашчук А.У. і Калядой А.Г. прынялі ўдзел у аперацыі «Абеліскі».
У ходзе рэйду старшакласнікі нагадалі навучэнцам аб асноўных правілах карыстання падручнікамі і аб адказнасці за псаванне і страту падручнікаў. Ад таго, як сёння ставіцца да падручніка кожны з нас, залежыць, наколькі доўга пражыве гэтая кніга, і наколькі доўга яна будзе прыносіць карысць іншым.
