Старшакласнікі ДУА “Шаняўская сярэдняя школа імя Міколы Засіма” прынялі ўдзел у свяце і атрымалі грашовыя ўзнагароды за сваю працу.
Заняцца карыснай справай, якая прынясе яшчэ і першы заробак, – такую магчымасць дае навучэнцам ААТ «Шані-аграпрадукт». Сёння хлопчыкі і дзяўчынкі выконвалі работы па добраўпарадкаванні аграгарадка.
10 дзён праляцелі неўзаметку. Рабяты атрымалі не толькі працоўны досвед, але і масу прыемных уражанняў. Спецыяліст па ідэалагічнай рабоце Асіпчук К.В. павіншавала будатрадаўцаў з заканчэннем працоўнага семестра. Хрысціна Вячаславаўна падзякавала хлопцам за добрую працу, уручыла памятныя падарункі, выдатныя фатаграфіі, што выклікала шквал станоўчых эмоцый. У нядзелю хлопчыкаў і дзяўчынак чакае цудоўны сюрпрыз ад ААТ «Шані-аграпрадукт». Многія з дзяцей будуць індывідуальна працаўладкаваны і прадоўжаць далей працаваць на карысць роднай гаспадаркі.
#карысныя канікулы
Старшакласнікі ДУА «Шаняўская сярэдняя школа імя Міколы Засіма» прадаўжаюць працаваць у складзе студэнцкага атрада ў ААТ «Шані — аграпрадукт» і дапамагаюць роднай гаспадарцы ў захаванні ўраджаю. Дзеці не толькі добра працуюць, але і знаходзяць час для арыгінальных фотаздымкаў.
#моладзьзараджай #эфектыўнаелета
31 мая ў ДУА «Шаняўская сярэдняя школа імя Міколы Засіма» прайшла ўрачыстая лінейка, прысвечаная заканчэнню навучальнага года. Дырэктар школы Ярмашэвіч А.М. урачыста ўручыла членскія білеты БРСМ Бабею Ягору і Гацу Канстанціну. Віншуем хлопцаў з уступленнем у шэрагі грамадскага аб’яднання і жадаем поспехаў, дасягнення новых вынікаў. Спадзяемся, што жыццё кожнага з вас у БРСМ будзе цікавым. Канюшык Вікторыі было ўручана падарункавае выданне»Я — грамадзянін Рэспублікі Беларусь».
З мэтай папулярызацыі сярод моладзі дзяржаўнай сімволікі праходзіў раённы фотаконкурс «Сцяг Перамогі – радасці сцяг!», прымеркаваны да Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. Віншуем Міранюк Насцю і Шаламіцкую Паліну з перамогай у конкурсе!
Выдатнікі вучобы, дыпламанты прадметных алімпіяд і творчых конкурсаў, пераможцы спартыўных спаборніцтваў, члены Маладзёжнага парламента і ваенна-патрыятычных клубаў — больш за 2,6 тысячы чалавек (700 з абласцей і Мінска плюс амаль дзве тысячы брэсцкіх выпускнікоў) сабраліся сёння, 24 мая, у Брэсце на рэспубліканскае свята «Апошні званок». Усяго 4 выпускнікі з Пружанскага раёна прымаюць удзел у гэтым мерапрыемстве. У іх ліку выпускніца нашай школы Міранюк Анастасія. За гады вучобы ў школе Анастасія неаднаразова станавілася пераможцам не толькі раённых, абласных, але і рэспубліканскіх творчых конкурсаў.
20 снежня грамадскае аб’яднанне “БРСМ” папоўнілася 6 новымі маладымі энергічнымі людзьмі. З гэтай радаснай падзеяй павіншавала педагог-арганізатар і пажадала ім актыўнасці, ініцыятыў, захаванне традыцый і новых здзяйсненняў на карысць Радзіме.
13 снежня адбыўся сход членаў ГА БРСМ «Вучоба — наш галоўны абавязак». На сходзе абмяркоўваліся адносіны да вучобы членаў арганізацыі. Удзельнікі шукалі адказ на пытанне “Для чаго ж неабходна адукацыя?”
Дзень настаўніка – цёплае і кранальнае свята. Гэта дзень, калі вучні кажуць шмат цёплых слоў сваім настаўнікам. Сёння з самай раніцы ў школе пануе па-асабліваму святочная і ўрачыстая атмасфера. Члены ГА БРСМ падрыхтавалі для педагогаў віншавальныя сертыфікаты і пажадалі 365 дзён здароўя, 8760 гадзін добрага настрою, 525600 хвілін усмешак і 31536000 секунд удачы.
