Мітынг-рэквіем «Званяць калакалы Хатыні» прайшоў 22 сакавіка каля помніка ахвярам фашызму аг.Шані. Загадчык Шаняўскім сельскім клубам-бібліятэкай Кабрынец Т.Ф. і старшыня Шаняўскога сельвыканкама Бяляева І.Р. расказалі прысутным аб злачынствах  фашыстаў падчас Вялікай Айчыннай вайны, аб мэтанакіраванай палітыцы генацыду беларускага народа, напомнілі, якой цаной мы здабывалі Перамогу, колькі ахвяр засталося пасля каральных акцый гітлераўцаў. Памяць забыць нельга, яе немагчыма знішчыць, яе тэба шанаваць!

З мэтай паглыблення ведаў вучняў аб гістарычных падзеях мінулага, генацыдзе беларускага народа ў гады Вялікай Айчыннай вайны, фарміравання разумення каштоўнасці чалавечага жыцця, асуджэння дзеянняў фашыстаў, якія прывялі да смерці мноства людзей, 14 студзеня ў школе прайшлі ўрокі Памяці, прысвечаныя трагедыі в. Ала. Падзеі, якія капіравалі трагедыю в. Хатынь, прымушалі вучняў задумацца над сэнсам жыцця, прыйсці да высновы, што нявінныя людзі загінулі безсэнсоўна, без ніякай прычыны. Дзеці з жалем слухалі настаўнікаў, якія імкнуліся данесці да кожнага сэнс урока. Мы павінны памятаць і ніколі не забываць тыя пакуты і жахі, якія выпалі на лёс людзям эпохі вайны, каб памяць аставалася назаўсёды ў нашых сэрцах.

     Кіраўнік па ваенна-патрыятычным выхаванні Пекун Н.А. правяла для вучняў 5-6 класаў прэзентацыю кнігі «Генацыд беларускага народа ў гады Вялікай Айчыннай вайны». У кнізе сабраны ўспаміны дзяцей, чыё дзяцінства прыйшлося на ваенныя гады, архіўныя фатаграфіі. Асаблівая ўвага надаецца дзяржаўнай палітыцы ў галіне захавання гістарычнай памяці аб тых страшных падзеях. На старонках выдання навучэнцы пазнаёміліся з актуальнымі звесткамі, атрыманымі ў ходзе расследавання Генеральнай пракуратурай Рэспублікі Беларусь крымінальнай справы аб генацыдзе беларускага народа. Дзеці прыйшлі да высновы, што гэты вучэбны дапаможнік з’яўляецца крышталёва чыстай крыніцай гістарычнай праўды, якая фарміруе культурную і нацыянальную ідэнтычнасць беларусаў.