На вуліцы яшчэ ляжыць снег, а на календары ўжо вясна! А гэта значыць, што ў пачатку сакавіка мы адзначаем самае вясновае, самае пяшчотнае і самае прыгожае свята. Гэты дзень сагрэты прамянямі сонца, жаночымі ўсмешкамі і ўпрыгожаны россыпам кветак.  Напярэдадні жаночага свята ў святочнай атмасферы старшыня прафсаюзнай арганізацыі ўстановы адукацыі Пракаповіч В.В. павіншавала ўсіх жанчын. якія працуюць у школе. Прафсазная арганізацыя віншуе ўсіх жанчын з гэтым выдатным святам! Будзьце заўсёды здаровыя, маладыя душой, жыццярадасныя і паспяховыя ва ўсім. Жадаем святочнага настрою, ласкавага сакавіцкага сонейка і выканання самых запаветных жаданняў!

Свята Дзень абаронцы Айчыны  — гэта свята ўсіх людзей, якія стаяць на варце нашай Радзімы. Гэта свята сапраўдных мужчын — смелых і адважных, спрытных і надзейных. Прафсаюзны камітэт школы не застаўся ў баку ад гэтага святочнага дня. З нагоды свята быў праведзены святочны збор, на якім прагучалі  словы віншавання мужчынам-работнікам школы і ўручаны сувеніры да Дня абаронцы Айчыны.

Пярвічная прафсаюзная арганізацыя заўсёды клапоціцца аб сваіх работніках. 12 лютага адсвяткавала свой юбілей настаўнік пачатковых класаў Тарасава М.Б. Члены прафсаюза школы падрыхтавалі святочную праграму з песнямі, танцамі, пераўтварэннямі ў казачных герояў. Зарад пазітыўных эмоцый атрымала не толькі Марына Браніславаўна, але і ўсе прысутныя. Віншуем, Марына Браніславаўна!

 Пярвічная прафсаюзная арганізацыя ва ўстанове адукацыі — гэта не толькі стабільнасць працоўных адносін, далучэнне да кіравання ўстановамі праз пагадненні і калектыўныя дагаворы, матэрыяльная дапамога работнікам, але і падтрымка і развіццё творчага і прафесійнага патэнцыялу, арганізацыя і правядзенне культурных мерапрыемстваў. 11 лютага святкавала свой юбілей работнік школы Ярашук Ірына Мар’янаўна. Творча, яскрава, з запалам павіншавала прафсаюзная арганізацыя калегу і пажадала плёну, здароўя і дабрабыту ў сям’і. Віншуем, Ірына Мар’янаўна!