18 студзеня шосты школьны дзень запрасіў вучняў пазнаёміцца з прафесіямі і папрацаваць самым. Для вучняў 1-4 класаў была арганізавана экскурсія ў сельскую бібліятэку “Кніжнае царства запрашае”. Загадчык Шаняўскога сельскага клуба-бібліятэкі Кабрынец Т.Ф. правяла інтэрактыўны занятак, пазнаёміла з дзіцячымі выданнямі і арганізавала выставу да 85-годдзя Пружанскага раёна, з якой дзеці мелі магчымасць пазнаёміцца таксама. Творчая майстэрня “Экакармушкі для птушак”  прыйшлася даспадобы вучням 5-6 класаў. Сумесна з кіраўніком аб’яднання па інтарэсах Коверзневай І.М., настаўнікам біялогіі Жэдзік Г.М. і педагагам-арганізатарам Жырыкавай Н.І.  вырабілі розныя па стылі і напаўненні кармушкі,  разам з настаўнікамі яны былі развешаны і замацаваны ў школьным садзе. А літаратурны вечар “Вобразная, вольная, пявучая…” быў арганізаваны для 7-10 класаў і ўключаў у сябе чытанне вершаў, разгадванне рэбусаў, запіс самых прыгожых выразаў на беларускай мове, нават танцы пад гукі беларускіх мелодый.

     У суботу 21 снежня ў рамках работы занальнага цэнтра навучэнцы 1-4 класаў наведалі ДУА «Ліноўская сярэдняя школа». Рабяты пазнаёміліся з выставай «Генацыд беларускага народа», здзейснілі экскурсію ў музей вылічальнай тэхнікі і сталі пераможцамі гульні «Аб прафесіях важных і патрэбных». Вучні 5-7 класаў пагулялі ў інтэрактыўную гульню «Лабірынт прафесій». Члены драматычнага гуртка актыўна рыхтаваліся да навагодняга вечара. Навучэнцы 8-10 класаў прынялі ўдзел у кірмашы прафесій «Зрабі правільны выбар» з удзелам студэнткі 1 курса біятэхналагічнага факультэта УА «Гродзенскі дзяржаўны аграрны універсітэт» Краўчук Вікторыі.

     У суботу 14 снежня навучэнцы 5-9 класаў прынялі ўдзел у гімнастычнай эстафеце «Свае перамогі мы героям прысвячаем». Навучэнцы 1-4 класаў у ходзе выканання заданняў квэста пабудавалі «Маршрут здароўя». У ходзе сумеснай творчай працы навучэнцы 5-9 класаў стварылі «Лепбук здароўя». Усе ўдзельнікі засталіся задаволенымі, атрымалі шмат уражанняў і зарад самых станоўчых эмоцый. Члены валанцёрскага атрада «Дом» сталі актыўнымі ўдзельнікамі пляцоўкі ЗЛЖ «Шануй сваё жыццё».

     7 снежня навучэнцы 5-10 класаў ДУА «Шаняўская сярэдняя школа імя Міколы Засіма» пад кіраўніцтвам класных кіраўнікоў Вашчук А.В. і Семянчук В.М. наведалі музей першага Героя Беларусі У.М. Карвата ў ДУА «СШ №8 г. Брэста». Экскурсаводы падрабязна распавялі пра лётчыка-знішчальніка, пра тое, як просты хлапчук марыў пра самалёты першага класа, як мары ўвасобіліся ў рэальнасць. Вытокамі дабрыні для Карвата былі сям’я, школа. У. М. Карват- гэта увасабленне мужнасці стойкасці, самаахвярнай вернасці свайму абавязку.

    Члены гуртка «Драматычны» пад кіраўніцтвам Вашчук А.В. пабывалі ў Брэсцкім тэатры лялек на спектаклі па «Казцы пра цара Салтана» А.С. Пушкіна. Зачаравальная атмасфера тэатра, касцюмы, спецэфекты, гульня акцёраў, дэкарацыі, яркая дынаміка сцэны не пакінулі абыякавымі рабят.

    Навучэнцы 1-4 класаў прынялі ўдзел у квэст-круізе «Пазнай Беларусь». Для навучэнцаў 5-9 класаў быў арганізаваны адкрыты мікрафон «Ганаруся сваёй краінай».