Навучэнцы 1-5 класаў здзейснілі экскурсію па аграгарадку Шані і даведаліся шмат новага і цікавага аб прафесіях сваіх бацькоў. Напярэдадні Сусветнага дня без аўтамабіля і ў рамках абласной інфармацыйна-прапагандысцкай акцыі «Мы здаровае пакаленне Брэстчыны!» навучэнцы 1-5 класаў, педагогі і члены валанцёрскага атрада «ДОМ» прынялі ўдзел у лёгкаатлетычным забегу. Рабяты і педагогі з карысцю правялі час: займаліся на трэнажорах, перацягвалі канат, спявалі песні. Што можа быць лепш, чым актыўны адпачынак на свежым паветры!

     Навучэнцы 6-10 класаў наведалі Рэспубліканскі турнір па дзюдо «Кубак адзінства» ў в. Клетнае, які праводзіцца з мэтай прапаганды здаровага ладу жыцця і ўмацавання здароўя, а таксама прыцягнення моладзі да актыўнага занятку спортам. Вялікае захапленне ў рабят выклікалі паказальныя выступленні ратавальнікаў МНС і парад выратавальны тэхнікі. З мэтай захавання гістарычнай памяці аб падзеях Вялікай Айчыннай вайны ў рамках рэспубліканскай героіка-патрыятычнай акцыі «Вялікай Перамозе-80!» навучэнцы 6-10 класаў наведалі брацкую магілу ў аг. Вялікае Сяло. Рабяты ўшанавалі памяць 56 загінуўшых салдат і партызан хвілінай маўчання.

     Сёння ў школе прайшоў першы Дзень здароўя ў 2024/2025 навучальным годзе. Гэта была сапраўдная спартыўная падзея, якая аб’яднала навучэнцаў ДУА «Шаняўская сярэдняя школа імя Міколы Засіма» і навучэнцаў ДУА «Шчарчоўская сярэдняя школа» ў імкненні да здаровага ладу жыцця. Спартыўныя спаборніцтвы сталі галоўным элементам праграмы. Навучэнцы прабеглі крос, а далей сустрэліся на футбольным полі. Усе ўдзельнікі атрымалі зарад бадзёрасці і пазітыву. Члены валанцёрскага атрада «ДОМ» сталі актыўнымі памочнікамі ў арганізацыі і судзействе спаборніцтваў. Дзень здароўя стаў сапраўдным святам здароўя і спорту. Мы дзякуем усім удзельнікам за актыўны ўдзел і спадзяемся, што такія мерапрыемствы стануць частай традыцыяй у нашай школе. Да новых сустрэч на спартыўных пляцоўках!

     Навучэнцы 1-4 класаў прынялі ўдзел у інтэрактыўнай гульні «Сакрэты беларускай мовы». Навучэнцы 5-7 класаў наведалі інтэрактыўную пляцоўку «Беларуская пісьменнасць» з удзелам загадчыка Шаняўскім сельскім клубам-бібліятэкай Кабрынец Т. Ф. Выдатным завяршэннем Тыдня спорту і здароўя стаў турнір па валейболе ў рамках работы занальнага цэнтра на базе ДУА «Ліноўская сярэдняя школа». Каманда навучэнцаў ДУА «Шаняўская сярэдняя школа імя Міколы Засіма» была ўзнагароджана дыпломам 1 ступені. Віншуем рабят і настаўніка фізічнай культуры і здароўя Сахарэвіча М.М. з перамогай!

Турыстычная эстафета — гэта вельмі цікава! Трэба ўмець распаліць вогнішча, паставіць палатку, пераадолець мноства перашкод, у тым ліку «балота» і паветраную пераправу, забяспечыць перанос пацярпелага, трэба здолець завязаць розныя турыстычныя вузлы. З усімі гэтымі выпрабаваннямі на выдатна справіліся вучні 5-9 класаў!