У школе стартавала акцыя «Падтрымаем птушак!»
У школе стартавала акцыя «Падтрымаем птушак!», якая прадугледжвае выраб і развешванне кармушак, падкорм птушак, назіранне за імі. Далучайцеся да акцыі! Давайце разам дапаможам нашым птушкам перазімаваць!
Навучэнцы 1-3 класаў прынялі ўдзел у адукацыйнай экскурсіі па вучэбным прадмеце «Чалавек і свет»
Навучэнцы 1-3 класаў прынялі ўдзел у адукацыйнай экскурсіі па вучэбным прадмеце «Чалавек і свет» і пабывалі ў нацыянальным парку «Белавежская пушча». Дзеці даведаліся аб тым, што Белавежская пушча — гэта непаўторная прыгажосць прыроды, багаты свет жывёл і птушак. Шмат уражанняў экскурсанты атрымалі ад наведвання музея прыроды — аднаго з самых наведвальных на Брэстчыне, у якім знаходзіцца больш за тысячу экспанатаў, дзе на фоне гісторыі Белавежскай пушчы прадстаўлена яе ўнікальная і такая разнастайная прырода.
Прымаем удзел у патрыятычнай акцыі «Пасадзім дрэвы разам»
У рамках патрыятычнай акцыі «Пасадзім дрэвы разам» і ў памяць аб земляках, якія загінулі ў гады Вялікай Айчыннай вайны, навучэнцы і педагогі ДУА «Шаняўская сярэдняя школа імя Міколы Засіма» не толькі ачысцілі ад апалай лістоты тэрыторыю каля памятнага месца ў аграгарадку Шані, але і разам з работнікамі Шаняўскога сельвыканкама пасадзілі маладыя дрэўцы. Добраўпарадкаванне памятных месцаў — гэта наш абавязак перад загінуўшымі ў гады ВАВ.
У рамках інфармацыйна-адукацыйнай акцыі «Беларусь — энергаэфектыўная краіна» ва ўсіх класах прайшлі класныя гадзіны
У рамках інфармацыйна-адукацыйнай акцыі «Беларусь — энергаэфектыўная краіна» ва ўсіх класах прайшлі класныя гадзіны. Сучаснае жыццё неймавернае без электрычнасці, яно акружае нас паўсюль. Чаму трэба берагчы энергію і што трэба рабіць? На гэтыя пытанні хлопцы атрымалі адказы і шмат пазнавальнай інфармацыі. Будзем спадзявацца, што атрыманыя веды дзеці будуць выкарыстоўваць у паўсядзённым жыцці.
Экалагічная акцыя «Чыстая пляцоўка»
Работнікі Шаняўскога сельскага клуба-бібліятэкі правялі экалагічную акцыю «Чыстая пляцоўка». Да акцыі далучыліся навучэнцы ДУА»Шаняўская сярэдняя школа імя Міколы Засіма». Дзеці ачысцілі дзіцячую пляцоўку ад бытавога смецця і сухой лістоты. Яны яшчэ раз нагадалі сваім аднагодкам, дзецям малодшага школьнага ўзросту і адпачывальнікам аб экалагічнай культуры чалавека. Няхай гэтая акцыя стане прыкладам для ўсіх!
«З клопатам аб прыродзе»
З мэтай фарміравання экалагічнай культуры і беражлівых адносін да прыродных рэсурсаў, зніжэння забруджвання навакольнага асяроддзя з дапамогай паасобнага збору адходаў і папулярызацыі адукацыйнага праекта «Зялёныя школы» члены аб’яднання па інтарэсах «Юны біёлаг» прынялі ўдзел у абласным мерапрыемстве па ўборцы смецця «З клопатам аб прыродзе». Дзеці збіралі смецце ў лясным масіве аграгарадка Шані.
Экскурсія ў лес
«У гасцях у Берандзея» пабывалі выхаванцы прышкольнага лагера. Гуляючы па лесе, яны знаёміліся з прыродай свайго краю, назіралі за раслінамі, птушкамі, казуркамі. Прагулка скончылася правядзеннем рухомых гульняў на прыродзе. Экалагічныя экскурсіі даюць дзіцяці шмат новай цікавай інфармацыі, уражанняў і станоўчых эмоцый. Акрамя таго, падобныя экскурсіі дапамагаюць выхаваць у дзецях любоў да прыроды, вучаць беражлівым адносінам да яе багаццяў, расліннага і жывёльнага свету.
Канікулы з карысцю
4 студзеня вучні пачатковых класаў наведалі Бярозаўскае лясніцтва Пружанскага лясгаса. Экскурсію праводзіў ляснічы Варчук Аляксандр Аркадзьевіч. Дзеці з вялікай цікавасцю паназіралі за работай ў шышкасушылцы, прагуляліся па дэндрапарку. Але найбольшае задавальненне атрымалі ад наведвання музея, створанага на тэрыторыі лясніцтва. Увагу дзяцей прыцягнулі шматлікія экспанаты як залы, прысвечанай прыродзе роднага краю, так і этнаграфічнай залы. Пасля было наведванне гадавальніка маленькіх елачак, сосен, лістоўніц, агляд лесанарыхтоўчай тэхнікі. Усе ўдзельнікі экскурсіі атрымалі шмат задавальнення і станоўчых эмоцый.
Кожную суботу разам
Дзень экалогіі пад дэвізам «Только вместе, только дружно, помогать природе нужно!» дазволіў вучням даведацца шмат цікавага, пашырыць свой кругагляд і галоўнае, самім актыўна прыняць удзел ва ўсіх мерапрыемствах, падарыць кавалачак свайго сэрца і дабрыні прыродзе, зразумець, як правільна пра яе клапаціцца і любіць.
