Са снежня па сакавік праходзіць абласная экалагічная акцыя «Падтрымаем птушак!». Члены аб’яднання па інтарэсах «Юны біёлаг» далучыліся да акцыі і развесілі на тэрыторыі школьнага двара кармушкі для птушак, якія самі змайстравалі. Рабяты штодня будуць правяраць корм у кармушках для птушак. Хай птушкам будзе лягчэй суровай зімой!
Карысная сумесная праца на свежем паветры падарыла пазітыўныя эмоцыі і магчымасць уласнымі сіламі зрабіць добрую справу. Такія акцыі важныя і каштоўныя, бо разам мы аднаўляем і захоўваем наша прыроднае багацце.
Добрай традыцыяй стаў удзел усяго калектыву ДУА «Шаняўская сярэдняя школа імя Міколы Засіма» ў месячніку па добраўпарадкаванні. Сумеснымі намаганнямі педагогі і тэхнічны персанал прыбралі школьны сад і сквер. Добрыя справы на карысць людзям і малой радзіме прыносяць задавальненне. Зробім наш раён яшчэ лепш разам!
Яна прыходзіць з лістападам і калейдаскопам рознакаляровых фарбаў. Восеньскае сонца радуе ўсіх сваім цяплом. Навучэнцы 4 класа вырашылі пакінуць на памяць аб гэтай пары года яркія фарбы лісця і пажадаць усім выдатнага восеньскага настрою.
Любоў да малой радзімы трэба прывіваць змалку, паказваючы дзецям прыгажосць і веліч роднай прыроды праз вывучэнне яе расліннага і жывёльнага свету. Экалагічная культура фарміруецца пры непасрэдных зносінах з прыродай.
Добрая традыцыя існуе ў ДУА «Шаняўская сярэдняя школа імя Міколы Засіма»: восенню і вясной рабяты выходзяць на ўборку школьнага двара і прылеглай тэрыторыі. Вялікая прышкольная тэрыторыя з мноствам кустоў і дрэў патрабуе ўборкі не толькі вясной, але і восенню. У рамках месячніка па добраўпарадкаванні навучэнцы 6 класа прынялі ўдзел у працоўным дэсанце па ўборцы апалага лісця. Дадзенае мерапрыемства даказала, што дзеці ўмеюць і любяць працаваць, а такія працоўныя дэсанты робяць школьную жыццё цікавей!
8 кастрычніка навучэнцы 1, 8, 9, 10 класаў пабывалі ў Нацыянальным парку «Белавежская пушча». Дзеці даведаліся, што Белавежская пушча- гэта непаўторная прыгажосць прыроды, багаты свет жывёл і птушак. Шмат уражанняў экскурсанты атрымалі ад наведвання музея прыроды — аднаго з самых наведвальных на Брэстчыне, у якім знаходзіцца больш за тысячу экспанатаў, дзе на фоне гісторыі Белавежскай пушчы прадстаўлена яе ўнікальная і такая разнастайная прырода.
На працягу двух гадоў навучэнцы 11 класа асвойвалі веды і ўменні па прафесіі «рабочы зялёнага будаўніцтва». Пасля заканчэння навучання 20 мая навучэнцы паспяхова здалі экзамен і атрымалі прафесію «рабочы зялёнага будаўніцтва» другога разраду. Веды і ўменні дзяцей ацэньвалі педагогі ўстановы адукацыі, а таксама галоўны аграном ААТ «Шані — аграпрадукт» Наджафава Т.І. Віншуем рабят з паспяховай здачай экзамена!
Добрай традыцыяй стаў удзел усяго калектыву ДУА «Шаняўская сярэдняя школа імя Міколы Засіма» у рэспубліканскім суботніку. Сумеснымі намаганнямі педагогі, тэхнічны персанал і вучні прыбралі школьны сквер, навялі парадак на дзіцячай пляцоўцы, а таксама каля помніка на месцы гібелі генерала Бахарава, на месцы дыслакацыі партызанскага атрада імя Чкалава, ля памятнага знака на радзіме Р.Шырмы. Добрыя справы на карысць людзям і малой радзіме прыносіць прыемнасць.
З мэтай фарміравання экалагічнай культуры і беражлівых адносін дзяцей і навучэнскай моладзі да прыроды праз уцягванне іх у практычную дзейнасць па ахове прыроды, захавання біяразнастайнасці арнітафауны каманда «Крылаты дазор» і вучаніца 11 класа Міранюк Анастасія прынялі ўдзел у абласным адкрытым спаборніцтве па фатаграфаванні птушак «Фотабердынг — вясна 2024».
Пажадаем дзецям поспехаў!🦆🦉🦆
