Актывісты ГА БРСМ на чале з педагогам-арганізатарам правялі акцыю «Зробім» у рамках Месячніка па добраўпарадкаванні і навядзення парадку на тэрыторыі Пружанскага раёна «Зробім наш раён яшчэ лепш» і навялі парадак на прышкольнай тэрыторыі.
З прыходам вясновых канікул надыйшла пара добраўпарадкавання. У рамках грамадскай акцыі па аднаўленні беларускіх лясоў, прымеркаванай да Года добраўпарадкавання і 80-годдзя Вялікай Перамогі, вучні школы навялі парадак вакол аграгарадка Шані. Лясны масіў, тэрыторыя вакол вадаёма сталі аб’ектамі прыбірання. Стараннямі вучняў тэрыторыя стала чыстай і прыгожай. Квітней, наш аграгарадок!
2025 год – Год добраўпарадкавання. Па ўсёй краіне вядуцца работы па навядзенні парадку на зямлі, добраўпарадкаванні населеных пунктаў, вытворчых аб’ектаў, падтрыманні ў належным стане тэрыторый. Спрыяльнае і квітнеючае навакольнае асяроддзе здольна ўнутрана ўзбагаціць і актывізаваць асобасныя рэсурсы на далейшае развіццё ў розных сферах дзейнасці. Таму вучні 10 класа імкнуцца на ўроках працоўнага навучання падтрымліваць і аздобліваць тэрыторыю школы. Вялікая ўвага надаецца ўпрыгожванню малых архітэктурных форм. Каб раслі правільна дрэўцы і кусты, неабходны пастаянны кантроль і догляд за імі.
Да раённай акцыі «Падтрымаем птушак» праяўляюць інтарэс не толькі малодшыя школьнікі. Вучні 5-6 класаў сумесна з кіраўніком аб’яднання па інтарэсах Коверзневай І.М., настаўнікам біялогіі Жэдзік Г.М. і педагагам-арганізатарам Жырыкавай Н.І. арганізавалі творчую майстэрню, падчас якой вырабілі экакармушкі для птушак. У справу пайшлі яблыкі, батон, зерне, насенне. Майстар-клас, які арганізавала Ірына Міхайлаўна, прыйшоўся даспадобы творцам. Вынікам працы сталі розныя па стылі і напаўненні кармушкі, якія разам з настаўнікамі былі развешаны і замацаваны ў школьным садзе. Падтрымайце птушак зімой!
У мэтах прыцягнення ўвагі да праблем зімуючых птушак, захавання іх колькасці і відавой разнастайнасці, уцягвання вучняў у практычную дзейнасць па ахове прыроды, выхавання адказных адносін падрастаючага пакалення да праблем захавання птушак са снежня 2024 года па красавік 2025 года праводзіцца абласная акцыя «Падтрымаем птушак!». Пекун Станіслаў разам з кіраўніком аб’яднання па інтарэсах «Юны біёлаг» Коверзневай І.М. запрашаюць навучэнцаў і іх бацькоў прыняць актыўны ўдзел у акцыі, якая прадугледжвае развешванне кармушак у зімовы перыяд і домікаў у вясновы час, падкормку птушак, назіранне за імі, правядзенне конкурсаў.
Са снежня па сакавік праходзіць абласная экалагічная акцыя «Падтрымаем птушак!». Члены аб’яднання па інтарэсах «Юны біёлаг» далучыліся да акцыі і развесілі на тэрыторыі школьнага двара кармушкі для птушак, якія самі змайстравалі. Рабяты штодня будуць правяраць корм у кармушках для птушак. Хай птушкам будзе лягчэй суровай зімой!
Карысная сумесная праца на свежем паветры падарыла пазітыўныя эмоцыі і магчымасць уласнымі сіламі зрабіць добрую справу. Такія акцыі важныя і каштоўныя, бо разам мы аднаўляем і захоўваем наша прыроднае багацце.
Добрай традыцыяй стаў удзел усяго калектыву ДУА «Шаняўская сярэдняя школа імя Міколы Засіма» ў месячніку па добраўпарадкаванні. Сумеснымі намаганнямі педагогі і тэхнічны персанал прыбралі школьны сад і сквер. Добрыя справы на карысць людзям і малой радзіме прыносяць задавальненне. Зробім наш раён яшчэ лепш разам!
Яна прыходзіць з лістападам і калейдаскопам рознакаляровых фарбаў. Восеньскае сонца радуе ўсіх сваім цяплом. Навучэнцы 4 класа вырашылі пакінуць на памяць аб гэтай пары года яркія фарбы лісця і пажадаць усім выдатнага восеньскага настрою.
