Работнікі Шаняўскога сельскага клуба-бібліятэкі правялі экалагічную акцыю «Чыстая пляцоўка». Да акцыі далучыліся навучэнцы ДУА»Шаняўская сярэдняя школа імя Міколы Засіма». Дзеці ачысцілі дзіцячую пляцоўку ад бытавога смецця і сухой лістоты. Яны яшчэ раз нагадалі сваім аднагодкам, дзецям малодшага школьнага ўзросту і адпачывальнікам аб экалагічнай культуры чалавека. Няхай гэтая акцыя стане прыкладам для ўсіх!
З мэтай фарміравання экалагічнай культуры і беражлівых адносін да прыродных рэсурсаў, зніжэння забруджвання навакольнага асяроддзя з дапамогай паасобнага збору адходаў і папулярызацыі адукацыйнага праекта «Зялёныя школы» члены аб’яднання па інтарэсах «Юны біёлаг» прынялі ўдзел у абласным мерапрыемстве па ўборцы смецця «З клопатам аб прыродзе». Дзеці збіралі смецце ў лясным масіве аграгарадка Шані.
«У гасцях у Берандзея» пабывалі выхаванцы прышкольнага лагера. Гуляючы па лесе, яны знаёміліся з прыродай свайго краю, назіралі за раслінамі, птушкамі, казуркамі. Прагулка скончылася правядзеннем рухомых гульняў на прыродзе. Экалагічныя экскурсіі даюць дзіцяці шмат новай цікавай інфармацыі, уражанняў і станоўчых эмоцый. Акрамя таго, падобныя экскурсіі дапамагаюць выхаваць у дзецях любоў да прыроды, вучаць беражлівым адносінам да яе багаццяў, расліннага і жывёльнага свету.
4 студзеня вучні пачатковых класаў наведалі Бярозаўскае лясніцтва Пружанскага лясгаса. Экскурсію праводзіў ляснічы Варчук Аляксандр Аркадзьевіч. Дзеці з вялікай цікавасцю паназіралі за работай ў шышкасушылцы, прагуляліся па дэндрапарку. Але найбольшае задавальненне атрымалі ад наведвання музея, створанага на тэрыторыі лясніцтва. Увагу дзяцей прыцягнулі шматлікія экспанаты як залы, прысвечанай прыродзе роднага краю, так і этнаграфічнай залы. Пасля было наведванне гадавальніка маленькіх елачак, сосен, лістоўніц, агляд лесанарыхтоўчай тэхнікі. Усе ўдзельнікі экскурсіі атрымалі шмат задавальнення і станоўчых эмоцый.
Дзень экалогіі пад дэвізам «Только вместе, только дружно, помогать природе нужно!» дазволіў вучням даведацца шмат цікавага, пашырыць свой кругагляд і галоўнае, самім актыўна прыняць удзел ва ўсіх мерапрыемствах, падарыць кавалачак свайго сэрца і дабрыні прыродзе, зразумець, як правільна пра яе клапаціцца і любіць.
Акцябраты піянерскай дружыны імя Марата Казея працягнулі ўдзел у Рэспубліканскай квэст-гульні «Палескія рабінзоны». Удзельнікі каманды»Вясёлыя рабяты» паспяхова пераадолелі маршрут № 4 «Лясная аптэка», дзе пазнаёміліся з лекавымі раслінамі нашага лесу, даведаліся аб тым, што многія захворванні можна вылечыць пры дапамозе «Зялёнай аптэкі».
З 26 па 31 кастрычніка вучні 2, 8 і 10 класаў ўдзельнічалі ў міжнародным праекце “Лесаманія”. Наведванне школьнікамі мерапрыемстваў у рамках праекта дало магчымасць паглыбіць ім свае веды пра беражлівыя адносіны да лесу, засвоіць правілы бяспекі пры наведванні лесу, пазнаёміцца з правіламі рацыянальнага выкарыстання лясных рэсурсаў.
Цікава і змястоўна прайшоў тыдзень біялогіі ў нашай школе. Вучні з задавальненнем удзельнічалі ў інтэлектуальных і інтэрактыўных гульнях. Старшакласнікі наведалі кіналекторый “Запаведнымі сцяжынкамі беларускай зямлі”. Вынікам тыдня стала выстава-конкурс “Восеньскі букет”, дзе вучні з 1 па 10 клас разам са сваімі класнымі кіраўнікамі праявілі сваю фантазію, самастойнасць і творчасць.
Усе актыўныя ўдзельнікі адзначаны граматамі, падзячнымі пісьмамі і падарункамі.
