30 кастрычніка ў школе прайшоў педагагічны кансіліум «Камфортнае навучанне — умова паспяховай адаптацыі», на якім педагогі абмеркавалі працэс адаптацыі вучняў 5 класа да навучання на другой ступені агульнай сярэдняй адукацыі і выпрацавалі рэкамендацыі па рабоце з вучнямі ў адаптацыйны перыяд.
У рамках Тыдня ведаў ПДР пад дэвізам «Мы — за бяспечныя канікулы!» ва ўсіх класах прайшлі прафілактычныя мерапрыемствы. Класныя кіраўнікі нагадалі дзецям аб асноўных правілах бяспечных паводзін на дарозе, у дварах жылых дамоў, у салоне транспартных сродкаў, аб бяспечным кіраванні веласіпедам. Асаблівую ўвагу педагогі надалі неабходнасці выкарыстання ў цёмны час сутак святлоадбівальных элементаў, а таксама важнасці захавання правілаў пераходу праезнай часткі.
З раённых спаборніцтваў па лёгкай атлетыцы ў праграме раённай спартакіяды школьнікаў нашы вучні вярнуліся са шматлікімі ўзнагародамі.
Краўчук Юлія — 1 месца на дыстанцыі 3 км.
Пекун Кірыл — 1 месца на дыстанцыі 300 м.
Батура Ксенія — 1 месца ў кіданні кап’я.
Краўчук Юлія — 2 месца на дыстанцыі 1,5 км.
Краўчук Вікторыя — 2 месца ў штурханні ядра.
Андрухін Ягор — 2 месца на дыстанцыі 1 км.
Андрухін Ягор — 2 месца ў кіданні мяча.
Бабей Ягор — 2 месца на дыстанцыі 3 км.
Бабей Ягор — 3 месца на дыстанцыі 1,5 км.
Бульц Наталля — 3 месца ў кіданні дыска.
Краўчук Вікторыя — 3 месца ў кіданні дыска.
Віншуем дзяцей і іх настаўніка Сахарэвіча М. М.!
Навучэнцы 8-9 класаў пад кіраўніцтвам кіраўніка па ваенна-патрыятычным выхаванні Чыбісавай М.В. здзейснілі пешаходную экскурсію па памятных мясцінах г. Пружаны. Яны аддалі даніну павагі загінуўшым у гады Вялікай Айчыннай вайны каля помніка спаленым вёскам, пабывалі каля помніка жыхарам горада, якія ўнеслі ўклад у памяці абаронцаў горада, памятнага знака ў гонар заснавання Пружан, новага помніка ў гонар стратэгічных ракетчыкаў каля школы мастацтваў. Незабыўныя ўражанні засталіся ў памяці падлеткаў!
Сямейна-патрыятычны суботнік «Іх подзвіг у памяці нашчадкаў захаваем» у рамках месячніка па добраўпарадкаванні і навядзенні парадку на зямлі прайшоў у суботу. Вучні разам з бацькамі прыбіралі тэрыторыю вакол помніка ахвярам фашызму, аддаючы тым самым даніну павагу тым, хто падараваў нам мірнае неба над зямлёй.
28 кастрычніка навучэнцы 8-9 класаў пад кіраўніцтвам кіраўніка па ваенна-патрыятычным выхаванні Чыбісавай М.В. У рамках работы Цэнтра патрыятычнага выхавання па праграме «Юны армеец» наведалі Пружанскі РАНС. Дзецям расказалі аб службе вогнеборцаў, рабочых буднях, прывялі прыклады надзвычайных сітуацый, найбольш спалучаных з рызыкай для жыцця, прадэманстравалі пажарна-выратавальнае абсталяванне. Таксама жадаючыя змаглі прымерыць пажарную вопратку, адчуўшы сябе на імгненне сапраўднымі ратавальнікамі.
Навучэнцы 8,9 класаў наведалі школьную фотавыставу «Генацыд беларускага народа». Дзеці пазнаёміліся з інфармацыяй аб фактах генацыду на тэрыторыі Пружанскага раёна, рабоце органаў пракуратуры па ўстанаўленні фактаў генацыду, лёсе савецкіх ваеннапалонных на тэрыторыі Пружанскага раёна.
Па выніках інтэрнэт-галасавання ў рамках дыстацыйнага фестывалю інфармацыйных рэсурсаў выхаваўча-аздараўленчых устаноў адукацыі «Лета анлайн-2023», які быў накіраваны на на выяўленне найбольш змястоўных інфармацыйных рэсурсаў выхаваўча-аздараўленчых устаноў адукацыі, папулярызацыю рацыянальнага выкарыстання сучасных інфармацыйна-камунікатыўных тэхналогій у іх дзейнасці, распаўсюджванне перадавога вопыту работы па фарміраванні інфармацыйнай культуры педагогаў, выхаванцаў і іх законных прадстаўнікоў, у намінацыі «Інтэрнэт-рэсурс выхаваўча-аздараўленчай установы адукацыі» дыпломам ІІІ ступені НДЦ «Зубраня» узнагароджаны аздараўленчы лагер ДУА «Шаняўская СШ імя Міколы Засіма». Віншуем!!
Прафарыентацыйная сустрэча навучэнцаў 9,11 класаў з прадстаўніком УА «Пінскі дзяржаўны аграрны тэхналагічны каледж». Ён расказаў пра спецыяльнасці, якія можна атрымаць у каледжы. Гэта «Вытворчасць прадукцыі жывёльнага паходжання», «Тэхнічная эксплуатацыя абсталявання харчовых вытворчасцей», «Вытворчасць малочных прадуктаў», «Вытворчасць мясной і мясаўтрымліваючай прадукцыі», «Фельчар ветэрынарнай медыцыны». Для выпуснікоў 9 і 11 класаў сустрэча была актуальнай і карыснай.
З 16 па 21 кастрычніка ў школе прайшоў Тыдзень матэматыкі. Для вучняў была прапанавана насычаная праграма мерапрыемстваў. Навучэнцы старэйшых класаў прынялі ўдзел у матэматычным турніры «КВМ — клуб вясёлых матэматыкаў», пазнавальнай гульні «Поле матэматычных цудаў», наведалі «Матэматычнае кафэ», правялі «Вясёлую статыстыку» навучальнай установы. Навучэнцы 1-4 класаў з вялікім задавальненнем вырашалі займальныя задачы, адгадвалі рэбусы і галаваломкі, прынялі ўдзел у творчай майстэрні «Займальныя лічбы і фігуры», «Матэматычным турніры», гульні «Гадзіна вясёлай матэматыкі». Нават фізкультхвілінка прайшла з выкарыстаннем песень пра лікі і лічбы!
