Любімы вугалок – наш аграгарадок
Дзеці з задавальненнем наведалі сацыяльныя аб’екты аграгарадка, малочна-таварны комплекс і механізаваны двор.
Лета, адпачынак, паходы
19 чэрвеня наведвальнікі аздараўленчага лагера адправіліся ў паход у вёску Каштанаўка.
Паэту-земляку прысвячаем
18 чэрвеня – дзень, які быў прысвечаны нашаму паэту-земляку М. Засіму. Дзеці сустрэліся з жыхарамі вёскі Ханіла В. С. і Каробка М. А., якія расказалі аб Міколе Засіму і паказалі, дзе стаяла хата паэта. У час сустрэчы Ханіла В. С. чытала вершы М. Засіма, якія яна чула ад сваіх бацькоў.
Падарожжы па памятных мясцінах Пружаншчыны
Выхаванцы летніка «Дружба» наведалі памятныя мясціны Пружаншчыны. Падчас наведвання яны ўшанавалі памяць герояў, якія аддалі сваё жыццё дзеля міру на роднай зямлі, хвілінай маўчання.
Умелыя рукi не ведаюць суму
Дзеці прышкольнага аздараўленчага лагера “Дружба” наведалі мясцовую майстрыху Фурсовіч Надзею Леанідаўну і пазнаёміліся з яе вышыўкамі. Прыгожыя ручнікі і сурвэткі вельмі спадабаліся дзецям. Надзея Леанідаўна расказала і паказала, як з-пад яе ўмелых рук выходзіць такі цудоўны выраб. Дзеці захапіліся не толькі прыгажосцю ўзораў на ручніках, але і прыгажосцю кветак каля дома.
МНС папярэджвае
15 чэрвеня выхаванцы аздараўленчага лагера пабывалі на ўроку бяспекі, які быў праведзены работнікамі Пружанскага РАНС. Змястоўная гутарка перарасла ў зацікаўлены дыялог інспектара РАНС з вучнямі па праблеме пажарнай бяспекі. Асаблівую цікавасць дзяцей выклікала тэхніка: сучасная пажарная машына і разнастайныя прыстасаванні для работы ў надзвычайных сітуацыях.
Экскурсія ў Брэст
13 чэрвеня выхаванцы летніка «Дружба» пабывалі на экскурсіі ў г. Брэсце. Яны наведалі Брэсцкую крэпасць, музей «Бярэсце» і многа іншых цікавых месцаў.
Заняткі па інтарэсах
Выхаванцы прышкольнага лагера «Дружба» знаходзяць занятак сабе па душы.
