Віншуем!
Ганаровай граматай аддзела па адукацыі Пружанскага райвыканкама ўзнагароджана Менжынская Г. А., настаўніца матэматыкі, за шматгадовую добрасумленную працу.
Падведзены вынікі
У конкурсе-выставе традыцыйных народных страў і зборнікаў рэцэптаў «Бабуліна кухня» VII абласнога адкрытага фестывалю фальклорнага мастацтва «Радавод» Дзянісік Анастасія і Германовіч Аліна ўзнагароджаны Дыпломам ІІІ ступені УА «Брэсцкі дзяржаўны абласны цэнтр маладзёжнай творчасці».
Выконваем законы дарог
Падведзены вынікі раённага этапу абласнога конкурсу «Соблюдаем законы дорог». Малюнак вучаніцы 4 класа» Бульц Наталлі «Помогает с давних пор детям, друг наш – СВЕТОФОР» адзначаны Дыпломам ІІІ ступені.
Віншуем
Дыпломамі ІІІ ступені ўзнагароджаны Ніпарка Ганна, прызёр раённай алімпіяды па нямецкай мове, і Курыльчук Аліна, прызёр раённай алімпіяды па беларускай мове і літаратуры.
Птушкі ў цэнтры ўвагі
Пераможцамі раённага этапа абласнога конкурсу «Птушкі ў цэнтры ўвагі» у намінацыі «Топ-5» сталі вучаніцы 7 класа Парфенюк Ганна і Ніпарка Аляксандра (ІІІ месца). Другое месца ў намінацыі «Птушкі на кармушцы» атрымалі члены гуртка «Юны біёлаг» Парфенюк Ганна і Бойдзіч Валерыя (кіраўнік Граб В. М.).
Віншуем!
Шмат гадоў вучні нашай школы прымаюць удзел у разнастайных конкурсах, якія арганізуе і праводзіць Беларуская асацыяцыя «Конкурс».
Вучаніцы школы Ягорава Карына, Парфенюк Ганна і Дзянісік Анастасія атрымалі прызы ІІІ ступені за ўдзел у конкурсах «Олимпионок-2017» і «Глобусёнок-2018».
Лепшая ў раёне
Аддзелам па адукацыі Пружанскага райвыканкама ўзнагароджана Курыльчук Аліна, вучаніца 5 класа, якая заняла І месца ў раённых спаборніцтвах па шашках сярод навучэнцаў устаноў агульнай сярэдняй і дадатковай адукацыі.
Падведзены вынікі
23 лютага вучаніцы 10 класа Дзянісік Настасся і Германовіч Аліна разам са сваім кіраўніком Ханіла В. С. прынялі ўдзел у VII раённым этапе адкрытага абласнога фестывалю фальклорнага мастацтва “Радавод”.
У намінацыі «Традыцыйныя стравы Берасцейшчыны» было прадстаўлена 9 страў нашай мясцовасці.
У намінацыі «Народнае дэкаратыўна-прыкладное мастацтва» шырока прадстаўлены вырабы абрэзкавага шыцця: кампазіцыя «Калыска» з дзіцячай пасцельнай бялізнай, падушкі, кухонныя прылады (сурвэткі, рукавічкі, мяшэчкі, чахлы на стульчыкі), тэкстыльнае пано, дыванкі і, у вялікім асартыменце, дзіцячыя цацкі.
Па выніках конкурсу вучаніцы ўзнагароджаны Дыпломамі І ступені ў абедзвюх намінацыях і прымуць удзел у занальным аглядзе VII адкрытага абласнога фестывалю фальклорнага мастацтва “Радавод” у г. Брэсце 30 сакавіка 2019 года.
Віншуем!
Малой радзіме прысвячаем
Галоўнае ўпраўленне па адукацыі Брэсцкага аблвыканкама ўзнагародзіла Арабей Алену Якаўлеўну, настаўніка беларускай мовы і літаратуры, Вашчук Алену Віктараўну, настаўніка рускай мовы і літаратуры, Каляду Алу Георгіеўну, педагога-арганізатара, пераможцаў абласнога конкурсу «Усё сэрцу міла на малой радзіме».
Мы сярод лепшых у вобласці
Дыпломам ІІІ ступені Галоўнага ўпраўлення па адукацыі Брэсцкага аблвыканкама ўзнагароджана вучаніца 10 класа Бойдзіч Паліна, пераможца абласной канферэнцыі даследчых работ навучэнцаў «З навукай у будучае».
