Гісторыя нашай краіны багатая традыцыямі. Калядкі, або шчадруха, як іх яшчэ называюць, адны з яркіх святаў зімы. Здаўна лічылася, што гэтае свята звязана ў першую чаргу з днём зімовага сонцастаяння і сімвалізаваў пачатак новага года. Працягваючы традыцыі беларускага народа, навучэнцы 3-5 класаў пакалядавалі ў школе і павіншавалі ўсіх З Новым годам і Калядамі.
Для вучняў 1-4 класаў прайшоў конкурс эрудытаў на лепшага знаўцу беларускай мовы. Падчас конкурсу рабяты паказалі свае здольнасці ў веданні роднай мовы. Навучэнцы 5-7 класаў прынялі ўдзел у адкрытай размове «Беларусь гераічная» і акцыі «Абеліскі». Навучэнцы 8,9 класаў прагледзелі і абмеркавалі фільм «Я родам з дзяцінства» у рамках рэспубліканскага кінамарафона «Глядзі і памятай».
У рамках святкавання 85-годдзя Пружанскага раёна навучэнцы 5-7 класаў пад кіраўніцтвам класных кіраўнікоў Менжынскай Г.А. і Пекун Н.А. адправіліся на экскурсію ў горад Пружаны. Першы прыпынак маршруту — ААТ «Пружанскі завод радыёдэталяў». Навучэнцы змаглі наведаць некалькі цэхаў, даведаліся, вытворчасцю якіх дэталяў займаецца завод. Падобныя экскурсіі — выдатная магчымасць для школьнікаў убачыць, як арганізуецца прамысловая вытворчасць, якое абсталяванне выкарыстоўваецца, пазнаёміцца з прафесіямі і «прымерыць» іх на сябе. Другі прыпынак — рэдакцыя газеты «Раённыя будні». Рабяты пазнаёміліся з галоўным рэдактарам газеты, карэспандэнтамі, бухгалтарамі і аператарам электроннага набору і вёрсткі. Супрацоўнікі расказалі аб працэсе падрыхтоўкі і выпуску газеты, падзяліліся сваімі прафесійнымі навыкамі. Трэці прыпынак маршруту экскурсіі — Лядовы палац г.Пружаны. Дзеці прынялі ўдзел у масавым катанні і атрымалі зарад бадзёрасці, сіл і добрага настрою.
У рамках святкавання 85-годдзя Пружанскага раёна кіраўнік па ваенна-патрыятычным выхаванні Пекун Н.А. сумесна з педагогам-арганізатарам Калядой А.Г. правялі для навучэнцаў 5-7 класаў інтэрактыўную піянерскую гульню «Памяць пакаленняў». Атрыманы досвед садзейнічаў фарміраванню пачуцця гонару за нашу гісторыю, за дасягненні беларускага народа. Вучні 1-4 класаў пагулялі ў рухомыя гульні на свежым паветры. Навучэнцы 8-10 класаў прынялі ўдзел у квэст-гульні «Новы год у розных краінах свету».
У рамках акцыі «Карысныя канікулы» і святкавання 85-годдзя Пружанскага раёна навучэнцы 1-4 класаў адправіліся на экскурсію ў горад Пружаны. Першы прыпынак маршруту — ДУА «Дзіцячая школа мастацтваў імя Р.Р. Шырмы». Дзеці змаглі разгледзець работы выхаванцаў мастацкіх класаў, а таксама наведаць музей школы мастацтваў. Другі прыпынак маршруту — Пружанская раённая дзіцячая бібліятэка імя А. Лось. Рабяты змаглі азнаёміцца з навінкамі літаратуры. Трэці прыпынак — ДЮСШ№1. Асаблівы гонар дзеці адчулі, калі ўвайшлі ў залу, дзе на сцяне размешчаны велізарны плакат з фотаздымкамі выпускнікоў школы Хоміча Анатоля і Літвіновіча Андрэя, якія сталі прызёрамі Другіх еўрапейскіх гульняў.
З самай раніцы ў школе панавала сапраўдная святочная атмасфера. Весела і забіяцка прайшоў навагодні ранішнік. Навучэнцы 1-6 класаў адправіліся разам з казачнымі героямі за навагоднімі прыгодамі ў Дзедамарозаўку. Дзед Мароз і Снягурка віншавалі ўсіх з Новым годам, гулялі з рабятамі ў вясёлыя гульні і дарылі прысмакі.
Навучэнцы 7-8 класаў прынялі ўдзел у гульні па беларускай мове. Шчаўкунова Ганна наведала прафілактычнае мерапрыемства ў Пружанскім РАУС і музей-сядзібу «Пружанскі палацык».
Члены драматычнага гуртка пад кіраўніцтвам Вашчук А.В. падрыхтавалі і правялі цікавую навагоднюю праграму. Усе атрымалі порцыю добрага настрою і пазітыву ад добрай музыкі, танцаў, вясёлых конкурсаў і гульняў. Весяліліся так, што школа звінела ад музыкі, весялосці, добрага настрою, пазітыву.
Члены ГА БРПА абмеркавалі за кубкам гарбаты вынікі трэцяга працоўнага семестра. Навучэнцы 1-4 класаў прынялі ўдзел у гадзіне памяці каля помніка «Ахвярам фашызму» аг. Шані «Яны жывыя, пакуль мы іх памятаем». Навучэнцы 5-7 класаў прагледзелі прэзентацыю «Незабыўныя подзвігі нашых землякоў». На працягу дня рабяты гулялі ў настольны тэніс і стваралі аплікацыі на паперы.
Навучэнцы 4-6 класаў прынялі ўдзел у мерапрыемствах, прысвечаных святкаванню 85-годдзя Брэсцкай вобласці.
У рамках святкавання 85-годдзя Брэсцкай вобласці навучэнцы 8-10 класаў здзейснілі экскурсію ў горад Брэст. Першым пунктам маршруту стаў мемарыяльны комплекс «Брэсцкая крэпасць-герой». Падчас экскурсіі па тэрыторыі крэпасці рабяты наведалі цэнтральную частку мемарыяла, прысвечанага абароне 1941 года. Пачынаючы ад галоўнага ўваходу ў выглядзе зоркі, прайшлі па цэнтральнай алеі, якая вядзе ў Цытадэль, дзе знаходзяцца асноўныя помнікі, Вечны агонь і казармы XIX стагоддзя. Па дарозе ўбачылі аплаўлены цэгла-гэта вынік дзеяння агнямётаў падчас вайны. Столькі часу прайшло з тых часоў, ужо няма ў жывых абаронцаў крэпасці, а людзі ўсё ідуць і ідуць у крэпасць, каб пакланіцца мужнасці яе абаронцаў. Памятаць, каб такое не паўтарылася, памятаць, каб расказаць нашчадкам, памятаць, каб жыць. Другім пунктам маршруту стаў музей «Выратаваныя мастацкія каштоўнасці». Падчас экскурсіі дзеці пазнаёміліся з унікальнымі экспанатамі, якія распавядаюць пра дзейнасць Брэсцкай мытні па прадухіленні кантрабанды культурных каштоўнасцяў. Убачылі шырокую экспазіцыю музея: калекцыю рускага іканапісу, антыкварную мэблю, вырабы з бронзы і фарфору. У рамках спецыяльнага комплекснага мерапрыемства «Падлетак» навучэнцы наведалі ўпраўленне Дзяржаўнага камітэта судовых экспертыз Рэспублікі Беларусь па Брэсцкай вобласці. Начальнік упраўлення тэхнічных экспертыз Сяргей Анатольевіч Шука распавёў рабятам пра гісторыю стварэння экспертнага ведамства, відах экспертыз, што выконваюцца абласным упраўленнем, а таксама больш дэталёва аб экспертных даследаваннях, якімі займаюцца непасрэдна яго падначаленыя. Прыводзячы прыклады з экспертнай практыкі, Сяргей Анатольевіч звярнуў увагу юнакоў і дзяўчат на тое, што Інтэрнэт – гэта не толькі вялікі аб’ём карыснай інфармацыі, але і велізарная небяспека: ашуканцы выкарыстоўваюць сусветную павуціну ў сваіх мэтах. Сяргей Анатольевіч даў некалькі карысных саветаў, якія дазволяць школьнікам не трапіцца на вуду зламыснікаў, а таксама парэкамендаваў ім мець розныя паролі ад акаўнтаў у сацыяльных сетках і электронных скрынь.
У рамках прафілактычнай акцыі «Карысныя канікулы» і святкавання 85-годдзя Брэсцкай вобласці навучэнцы 5-7 класаў пад кіраўніцтвам класных кіраўнікоў Семянчук В.М. і Пекун Н.А. адправіліся на экскурсію ў аг. Бездзеж Драгічынскага раёна. Першы пункт маршруту- унікальны музей народнай творчасці «Бездзежскі фартушок». Патрапіўшы на тэрыторыю музея, рабяты акунуліся ў яго неверагодную атмасферу. У кожнай зале навучэнцы палюбаваліся ўнікальнымі экспанатамі, створанымі рукамі мясцовых рукадзельніц, паўдзельнічалі ў майстар-класах народнага промыслу, паспрабавалі сябе за ткацкім станком. У завяршэнне экскурсіі ўсе дзеці прынялі ўдзел у дэгустацыі традыцыйнай бездежскай кухні. Навучэнцы мелі магчымасць пазнаёміцца са славутасцямі аграгарадка. Адной з асноўных славутасцяў Бездзежа з’яўляецца Траецкая драўляная царква, пабудаваная ў 1784 годзе. Таксама рабяты палюбаваліся веліччу Траецкага касцёла, які быў пабудаваны ў 1820 годзе. У завяршэнні экскурсіі навучэнцы наведалі пункт геадэзічнай дугі Струвэ, якая ўваходзіць у спіс аб’ектаў Сусветнай спадчыны ЮНЕСКА, а таксама мелі магчымасць пастаяць і загадаць жаданне пад чорнай бярозай. Экскурсія атрымалася вельмі займальнай і пазнавальнай.
У рамках супрацоўніцтва з Беларускай праваслаўнай царквой навучэнцы 9,10 класаў разам з мамай Бабея Ягора і класнымі кіраўнікамі Вашчук А.У. і Аблаушка І.М. здзейснілі велапрабег па маршруце «аг.Шані- в. Засімавічы- аг. Шані». Рабяты не толькі наведалі Свята-Мікалаеўскую царкву, аказалі пасільную дапамогу, але і мелі магчымасць пагутарыць ля вогнішча з айцом Сергіем пра веру, жыццё і дабро.
