Рухомыя гульні не толькі развіваюць у дзяцей сілу, спрыт, кемлівасць, выпрацоўваюць хуткую рэакцыю, але і дастаўляюць ім велізарную радасць. А рухомыя гульні на свежым паветры ў гарачае надвор’е прыносяць яшчэ і карысць здароўю, радасць зносін.
Усе дзеці любяць мультфільмы і ні для каго не сакрэт, што гэты жанр кінамастацтва з’яўляецца адным з самых любімых не толькі ў дзяцей, але і ў дарослых. Бо добры мультфільм вучыць сябраваць і спачуваць, дапамагаць таварышам і абараняць слабога, быць шчодрым і велікадушным, любіць і паважаць родных і блізкіх. У іх маленькі глядач знойдзе яшчэ адно пацверджанне таго, што зло будзе пакарана, а дабро заўсёды пераможа. Для дзяцей з рознаўзроставага атрада в. Кацёлкі кіраўнік па ваенна-патрыятычным выхаванні Пекун Н.А. правяла мультывіктарыну. Падзяліўшыся на дзве каманды «Супер-героі» і «Чып і Дэйл», дзеці актыўна адказвалі на пытанні віктарыны, спявалі песні, успаміналі назвы мультфільмаў і іх асноўных герояў, размалёўвалі размалёўкі і рабілі маскі. У выніку ўсё паказалі выдатныя веды ў галіне мультыплікацыі і атрымалася выдатная мультыплікацыйная стужка з самых яркіх момантаў любімых мультфільмаў.
Вельмі сімвалічна ў Год міру і стварэння ўспомніць тых, хто захаваў мірнае неба над нашай галавой. Кіраўнік па ваенна-патрыятычным выхаванні Пекун Н.А. правяла для дзяцей цікавы квэст «Партызанскімі сцежкамі». Удзельнікам квэста неабходна было прайсці 6 станцый, выканаць на кожнай станцыі заданне і сабраць 6 запаветных літар «П», «Е», «Р», «А», «М», «О», «Г»,«А». Станцыі «Трапны стралок», «Піянеры-героі», «Міннае поле», «Гэтых дзён не змоўкне слава» выклікалі ў дзяцей масу станоўчых эмоцый. Навучэнцы ўспомнілі важныя даты, падзеі і імёны, якія прынеслі ў гады Вялікай Айчыннай вайны радасць перамог і горыч паражэнняў. Веданне гісторыі краіны і раёна, інфармацыя пра герояў вогненных гадоў, а таксама спартыўны спрыт спатрэбіліся дзецям. Заключным момантам мерапрыемства стала выкананне ваенных песень пад гітару.
Кіраўнік гуртка Шаняўскога сельскага клуба-бібліятэкі Чэчка Н. У. ператварылася ў сапраўдную знахарку. Навучэнцы ўважліва слухалі інфармацыю Наталлі Уладзіміраўны аб лекавых травах, якія растуць у нашай мясцовасці, аб іх лячэбных уласцівасцях, як іх ужываюць у народнай медыцыне і ветэрынарнай практыцы. Педагог-арганізатар школы Каляда А. Г. падрыхтавала для дзяцей інтэрактыўную гульню «Адгадай, што тут расце», дзе яны ў чарговы раз замацавалі свае веды аб лекавых раслінах роднага краю.
Надвор’е дазволіла правесці марафон спартыўных гульняў «Будзь здаровы!» і творчае асарці «Фарбы лета». Усе навучэнцы прынялі актыўны ўдзел і паказалі выдатны вынік. Творчае асарці выклікала вялікую цікавасць. Хлопчыкі і дзяўчынкі стварылі з прыроднага матэрыялу кампазіцыю. Зарад бадзёрасці, аптымізму і добрага настрою дзеці атрымалі на ўсе надыходзячыя выхадныя!
Гульнявая праграма «Лета-гэта маленькае жыццё» ў Шаняўскім сельскім клубе-бібліятэцы — гэта крута! Загадчык клуба-бібліятэкі Кабрынец Т.Ф. запрасіла рабят прыняць удзел у літаратурных і музычных конкурсах, у летнім конкурсе малюнкаў «Ах, лета, лета». Разам з педагогам — арганізатарам Калядой А. Г. навучэнцы выдатна выканалі песні пра лета, пра сяброўства, прачыталі вершы. Усе ўдзельнікі мерапрыемства атрымалі шмат пазітыўных эмоцый і станоўчых уражанняў.
Летнімі вечарамі праходзяць не толькі спартыўныя мерапрыемствы. Сёння навучэнцы прынялі ўдзел у пазнавальным экспрэсе «Сімвалы смутку і жалю». На мерапрыемстве прагучалі страшныя лічбы аб колькасці загінуўшых у выніку генацыду на тэрыторыі БССР, аб тым, колькі населеных пунктаў было знішчана разам з жыхарамі, аб самай вялікай трагедыі Вялікай Айчыннай вайны — аб Хатыні, гісторыю якой забываць нельга.
Хатынь-гэта адно з найбольш шанаваных месцаў Беларусі, сімвал трагедыі беларускага народа. Многія з дзяцей былі на экскурсіі ў гэтым гістарычным месцы. Вучні прыйшлі да высновы, што неабходна памятаць пра трагічныя падзеі, пра гора тых дзён, пра жахі фашызму, таму што толькі памяць пра вайну заклікае да адказнасці за мір на зямлі.
Каля помніка ахвярам фашызму дзеці ўспомнілі прозвішчы загінуўшых аднавяскоўцаў, усклалі кветкі і ўшанавалі памяць хвілінай маўчання.
З мэтай арганізацыі актыўнага адпачынку і развіцця экалагічнай культуры навучэнцы з рознаўзроставага атрада в. Кацёлкі прынялі ўдзел у экалагічным марафоне. У ходзе мерапрыемства дзеці пазнаёміліся з асноўнымі правіламі паводзін у прыродзе, даведаліся пра ўзаемасувязь жывых арганізмаў. Заключным этапам мерапрыемства было стварэнне малюнкаў. Самае галоўнае тое, што дзеці зразумелі: трэба любіць і паважаць прыроду, быць ёй сябрам!
Летнія канікулы працягваюць радаваць школьнікаў сонцам і радаснымі момантамі. Сустрэцца з сябрамі, весела і карысна правесці час далі магчымасць «Дваровыя гульні», якія ў чарговы раз сабралі рабят. Заняткі на трэнажорах, рухомыя гульні, валейбол, конкурсы, музыка і танцы, жывыя зносіны — выдатныя складнікі добрага летняга вечара. А сюрпрызы, салодкія прызы і ўсмешкі — узнагарода самым актыўным!
Пад такой назвай для школьнікаў на дзіцячай пляцоўцы прайшоў квэст, дзе дзеці падарожнічалі па станцыях і выконвалі розныя заданні: удзельнічалі ў гульнях, спявалі песні і танцавалі, з задавальненнем адгадвалі загадкі, рашалі рэбусы, збіралі казачныя кветкі. Усе ўдзельнікі атрымалі мора ўражанняў, станоўчых эмоцый, зарадзіліся добрым настроем на цэлы вечар!
