Сёння навучэнцы школы прынялі ўдзел у рухомых гульнях. Падзяліўшыся на 2 каманды, змагаліся ў розных конкурсах: «Перадай іншаму», «Перадаў — сядай!», «Упартыя баранчыкі», «Мыльныя бурбалкі». Пераможцам у мерапрыемстве стала сяброўства!️
Маляваць каляровымі крэйдамі, ды яшчэ не на паперы, а на асфальце — гэта шчасце для любога дзіцяці. Менавіта таму ў рамках работы рознаўзроставага атрада ў вёсцы Кацёлкі прайшоў конкурс малюнка на асфальце.
Тэматыка конкурсу кіраўніком па ваенна-патрыятычным выхаванні Пекун Н.А. была абраная не выпадкова. У наш няпросты час менавіта з дзяцінства павінна прывівацца любоў да ўсяго роднага: да бацькавай хаты, да краіны, у якой нарадзіўся.
У гэты дзень асфальт для хлопцаў ператварыўся ў палатно, а фантазія дзяцей не ведала межаў.
Дзеці вельмі стараліся, акуратна размалёўваючы свае малюнкі, ніхто не сумаваў, усе былі занятыя творчасцю, а ў выніку атрымалася цэлая карціна. Асфальт пакрыўся дзіўнымі фарбамі.
Летнімі вечарамі актыўна наведваюць навучэнцы школьны стадыён і дзіцячую гульнявую пляцоўку, дзе іх з нецярпеннем чакаюць педагогі і праводзяць цікавыя пазнавальныя і спартыўныя мерапрыемствы. Сёння дзеці прынялі ўдзел у пазнавальнай гадзіне «Скарбы роднага краю» з удзелам загадчыка Шаняўскім сельскім клубам — бібліятэкай Кабрынец Т.Ф, пазаймаліся на трэнажорах і турніках, а таксама пагулялі ў гульню «Забі гол».
11 старшакласнікаў падчас летніх канікул аддаюць перавагу актыўнай працы. Нашы дзеці, натхніўшыся працай у студатрадзе, ужо трэці тыдзень індывідуальна працаўладкаваны і працуюць у ААТ «Шані-аграпрадукт». Хлопчыкі і дзяўчынкі вырашылі з карысцю правесці летнія канікулы і дапамагчы роднай гаспадарцы. Дзеці поўныя запалу, працуюць з энтузіязмам, ім цікава ўласнымі сіламі зарабляць грошы. Школьнікі вучацца дысцыпліне, адказнасці, хутчэй сталеюць, вызначаюцца з выбарам прафесіі. Першы працоўны вопыт дае ім магчымасць прыгледзецца да прафесій у сельскай вытворчасці.
З мэтай далучэння навучэнцаў да матэрыяльнай і духоўнай культуры беларускага народа і да яскравага свету народных гульняў на гульнявой пляцоўцы вёскі Кацёлкі кіраўніком па ваенна-патрыятычным выхаванні Пекун Н.А. праведзены творчы мікс «Я люблю Беларусь». У ходзе мерапрыемства дзеці пазнаёміліся з правіламі і пагулялі ў беларускія народныя гульні «Гусі-лебедзі», «Золата», «Лянок», «Ручаёк». З добрым настроем яны адправіліся дадому.
Спякотнымі летнімі вечарамі члены атрада «ДОМ» пад кіраўніцтвам кіраўніка па ваенна-патрыятычным выхаванні Пекун Н.А. праводзяць спартыўныя гульні на школьным стадыёне. Пекун Сяргей і Кот Яўгеній запрасілі дзяцей паўдзельнічаць у разнастайных гульнях. Усе члены каманд паказалі сваю сілу, хуткасць і спрытнасць, атрымалі зарад бадзёрасці і масу станоўчых эмоцый.
Пад такой назвай для школьнікаў прайшло мерапрыемства, арганізаванае сумесна з Шаняўскім клубам-бібліятэкай. Самая смачная віктарына нікога не пакінула абыякавым. Салодкія прызы для ўдзельнікаў — што можа быць лепш?
Гарачымі летнімі вечарамі любяць вучні школы бавіць час на школьным стадыёне. Сёння яны шукалі скарб, які быў схаваны некалі старым герцагам (легенда скарба). Дзве каманды спаборнічалі ў спрытнасці, хітрасці і ўменні знаходзіць схаваныя часткі. На тэрыторыі стадыёна, у парку кожны сантыметр, падобны да апісання, быў абгледжаны шукальнікамі. Шмат станцый прыйшлося прайсці ў пошуках скарбаў, але вынік не заставіў сябе чакаць. Акрамя смачнай знаходкі, вучні атрымалі «мора задавальненняў» і адчулі сябе сапраўднымі дэтэктывамі.
