У першы дзень канікул нашу ўстанову адукацыі наведалі вучні ДУА «Сярэдняя школа № 3 г.Пружаны». Педагог-арганізатар пазнаёміла навучэнцаў з экспазіцыяй, прысвечанай паэту-земляку Міколу Засіму. Каля помніка ахвярам фашызму рабяты ўшанавалі памяць загінуўшых хвілінай маўчання.
Ва ўстанове адукацыі падчас вясенніх канікул арганізавана часовая занятасць старшакласнікаў па добраўпарадкаванні тэрыторыі.
На канікулах школьнікі актыўна рыхтуюцца да ўдзелу ў раённым злёце юных інспектараў дарожнага руху.
Цікавыя спартландыі, відэасеансы, кіналекторыі, гадзіны перасцярогі вабяць школьнікаў падчас зімовых канікул.
Падчас экскурсіі ў г. Пружаны вучні 5 — 7 класаў наведалі у Палацы культуры пакой баявой славы воінаў-інтэрнацыяналістаў, прысвечаны вайне ў Афганістане. Даведаліся шмат новага і цікавага аб жыцці маладых, жыццярадасных рабят, хто з гонарам выконваў свой воінскі абавязак. Незабыўныя ўражанні засталіся ў школьнікаў і ад наведвання музейнага пакоя «Зала Перамогі», размешчанага ў Пружанскім дзяржаўным аграрна-тэхнічным каледжы. Вучні пазнаёміліся з экспазіцыямі музея, даведаліся аб вялікім подзвігу нашых суайчыннікаў падчас вайны, узгадалі рэальныя гісторыі жыцця і барацьбы беларускага народа ў цяжкія гадзіны, змаглі патрымаць у руках зброю часоў ваеннага ліхалецця.
4 студзеня вучні пачатковых класаў наведалі Бярозаўскае лясніцтва Пружанскага лясгаса. Экскурсію праводзіў ляснічы Варчук Аляксандр Аркадзьевіч. Дзеці з вялікай цікавасцю паназіралі за работай ў шышкасушылцы, прагуляліся па дэндрапарку. Але найбольшае задавальненне атрымалі ад наведвання музея, створанага на тэрыторыі лясніцтва. Увагу дзяцей прыцягнулі шматлікія экспанаты як залы, прысвечанай прыродзе роднага краю, так і этнаграфічнай залы. Пасля было наведванне гадавальніка маленькіх елачак, сосен, лістоўніц, агляд лесанарыхтоўчай тэхнікі. Усе ўдзельнікі экскурсіі атрымалі шмат задавальнення і станоўчых эмоцый.
Вучні 10 класа прынялі ўдзел у раённым прафарыентацым мерапрыемстве «У свеце прафесій». Дзеці мелі магчымасць пазнаёміцца з магчымасцямі і патэнцыялам арганізацый і прадпрыемстваў раёна. У ходзе наведвання Пружанскага РАНС старшакласнікаў расказалі аб тактыцы дзеянняў пажарных у розных надзвычайных сітуацыях, аб спосабах эвакуацыі пацярпелых. Таксама яны маглі памераць амуніцыю і адчуць сябе сапраўдным выратавальнікам.
Таварыская сустрэча па валейболе ў ДУА «Шарашоўская сярэдняя школа» атрымалася захопліваючай. Спартыўны дух дапамог удзельнікам атрымаць ад спаборніцтваў шмат задавальнення. Яшчэ доўга гэтая гульня будзе выклікаць усмешку і прыемныя ўспаміны.
