Навучэнцы 8-9 класаў пад кіраўніцтвам кіраўніка па ваенна-патрыятычным выхаванні Чыбісавай М.В. здзейснілі пешаходную экскурсію па памятных мясцінах г. Пружаны. Яны аддалі даніну павагі загінуўшым у гады Вялікай Айчыннай вайны каля помніка спаленым вёскам, пабывалі каля помніка жыхарам горада, якія ўнеслі ўклад у памяці абаронцаў горада, памятнага знака ў гонар заснавання Пружан, новага помніка ў гонар стратэгічных ракетчыкаў каля школы мастацтваў. Незабыўныя ўражанні засталіся ў памяці падлеткаў!

Сямейна-патрыятычны суботнік «Іх подзвіг у памяці нашчадкаў захаваем»  у рамках месячніка па добраўпарадкаванні і навядзенні парадку на зямлі прайшоў у суботу.  Вучні разам з бацькамі прыбіралі тэрыторыю вакол помніка ахвярам фашызму, аддаючы тым самым даніну павагу тым, хто падараваў нам мірнае неба над зямлёй.

21 кастрычніка — Дзень тат. Татам таксама патрэбна наша любоў і клопат. Навучэнцы 1-4 класаў прынялі ўдзел у арт-калажы «Свет прафесій», а таксама змайстравалі выдатныя паштоўкі для любімых тат.

Вучні 5-7 класаў наведалі мехдвор ААТ «Шані-аграпрадукт»  і даведаліся шмат новага аб прафесіях сваіх бацькоў. Выдатную экскурсію для дзяцей арганізавала спецыяліст па ідэалагічнай рабоце Асіпчук К.В. Інжынер-механік па машынна-трактарным парку Каляда У.С. паказаў дзецям працоўныя месцы, рамонтную майстэрню, пляцоўку захоўвання і рамонту аўтатранспарту і распавёў пра працоўныя будні работнікаў сельскай гаспадаркі.

Мама — самае прыгожае слова на зямлі. У мамы самае добрае і ласкавае сэрца. І толькі мамы дораць нам любоў, дабро, пяшчоту і ласку.  суботу, менавіта ў Дзень маці, у школе прайшло святочнае мерапрыемства, на якім гучалі песні, дзеці чыталі вершы, дарылі мамам кветкі. З вялікім задавальненнем мамы і навучэнцаў 1-4 класаў прынялі ўдзел у гульні-пошуку «Мазаіка здароўя». Дарослыя і дзеці выдатна правялі час і даведаліся шмат новага пра тое, як умацаваць сваё здароўе.