У фокусе абмеркаванняў была маладзёжная палітыка ў Беларусі, міласэрнасць, дабрачыннасць, валанцёрская дзейнасць, валанцёрскія атрады, магчымасць самавызначэння і самарэалізацыі навучэнцаў, патрыятызм, ініцыятыўнасць, актыўная грамадзянская пазіцыя і грамадзянская адказнасць.

26 верасня ў рамках рэалізацыі інфармацыйна-адукацыйнага праекта «ШАГ» навучэнцы 8-10 класаў былі запрошаны на дыялогавую пляцоўку «Маладосць — час выбару. Нашы ініцыятывы тут і цяпер».   Навучэнцы мелі магчымасць выказаць сваё меркаванне аб дзейнасці вучнёўскага самакіравання, успомнілі аб працы студатрада ў перыяд летніх канікул, а таксама працу валанцёрскага атрада «ДОМ». На сустрэчу была запрошаная Бяляева І.Г., старшыня Шаняўского сельвыканкама, якая завастрыла ўвагу старшакласнікаў на такіх важных пытаннях, як самавызначэнне ў жыцці, актыўная грамадзянская пазіцыя, як стаць ініцыятыўным.

У рамках інфармацыйна-адукацыйнага праекта ШАГ «Радзіма мая Беларусь у асобах. Клопат аб сваім здароўі» навучэнцы 8,9,11 класаў былі запрошаны на сустрэчу з загадчыкам ФАП в.Чахец Жук С.В., якая расказала пра штодзённую нялёгкую працу фельчара. Святлана Вітальеўна ўспомніла свайго першага пацыента, падзялілася сакрэтамі сваёй працы, расказала пра якасці, якія неабходна выхоўваць, каб стаць добрасумленным медыцынскім работнікам.

ШАГ «Радзіма мая Беларусь у асобах. Адданыя справе і краіне» прайшоў 21 сакавіка для навучэнцаў 8-11 класаў. На першым этапе актуалізаваліся веды аб дзяржаўным кіраванні Рэспублікі Беларусь з дапамогай інтэрактыўнай віктарыны «Мы даведваемся». У фокусе абмеркавання: дзяржаўная ўлада ў Рэспубліцы Беларусь, правы выбаршчыка, маладзёжныя грамадскія аб’яднанні, работа Маладзёжнага парламента пры Нацыянальным сходзе Рэспублікі Беларусь, маладзёжная кадравая палітыка, праект «Школа кіравання» Акадэміі кіравання пры Прэзідэнце Рэспублікі Беларусь. Госцем мерапрыемства стала старшыня Шаняўскога сельскага Савета Бяляева І.Р., якая ў фармаце «Сто пытанняў даросламу» адказала на хвалюючыя пытанні падлеткаў, распавяла пра сваю працу, захапленні і сям’ю. Дзеці зрабілі выснову, што ад актыўнай жыццёвай пазіцыі ў грамадстве залежыць наша далейшае жыццё.

У рамках праекта «ШАГ» у 5-7 класах прайшлі класныя гадзіны па тэме «Я і мая малая Радзіма» . Дзеці разважалі аб значэнні малой радзімы ў жыцці чалавека, аб тым, што ў кожнага яна свая. Усе прыйшлі да высновы, што ў іх ёсць любімыя месцы, якія неабходна цаніць і берагчы.

Школа Актыўнага Грамадзяніна «Радзіма мая ў асобах. Захавальнікі прыгожага» (пра дзеячаў культуры і мастацтва) для старшакласнікаў прайшла з удзелам кіраўніка гуртка сольных спеваў «Вясёлыя ноткі» Шаняўскога сельскага клуба-бібліятэкі Чэчка Н.У. З мэтай актывізацыі ведаў аб культуры і мастацтве Беларусі вучні адказвалі на пытанні інтэрактыўнай віктарыны. У ходзе адкрытай размовы яны пазнаеміліся са знакамітымі дзеячамі культуры і мастацтва Беларусі. Чэчка Наталля Уладзіміраўна пазнаеміла прысутных са сваёй работай, запрасіла наведаць бібліятэку і знайсці справу па душы.