З мэтай азнаямлення з асаблівасцямі работы супрацоўнікаў РАНС і фарміравання бяспечных паводзін выхаванцаў аздараўленчага летніка была арганізавана экскурсія ў Пружанскі РАНС. Падчас экскурсіі дзеці пагутарылі з інспектарам МНС аб правілах паводзін у экстрэмальных сітуацыях, пазнаёміліся з усталяваннем і работай пажарнай тэхнікі. Асаблівую цікавасць выклікалі разнастайныя прыстасаванні для работы ў надзвычайных сітуацыях. Наведаўшы адкрытае акцыянернае таварыства «Пружанскі льнозавод», дзеці змаглі не толькі асабіста паназіраць за працэсам вытворчасці льнянога валакна і даведацца аб прафесіях работнікаў ільнозавода, але і пазнаёміцца з умовамі працы на прадпрыемстве.