11 мая для вас прапануюцца наступныя мерапрыемствы:
09.00 — 09. 45 Турыстычная эстафета «Паласа перашкод» (5-9 класы)
Месца правядзення — стадыён
Адказныя класныя кіраўнікі 5-9 класаў
09.00 — 09.45 Гульня — падарожжа «От простой воды и мыла у микробов тают силы» (1-4 класы)
Месца правядзення — кабінет №14
Адказны Чыбісава М.В.
09.55 — 10.40 Прагляд і абмеркаванне відэафільма «Уплыў алкаголя на здароўе падлетка» (8,9 класы)
Месца правядзення — кабінет №8
Адказны Пекун Н.А.
Напярэдадні святкавання 79-й гадавіны Вялікай Перамогі актывісты БРСМ і БРПА, педагогі ДУА «Шаняўской сярэдняй школы імя Міколы Засіма» сумесна са старшынёй Шаняўскога сельвыканкама Бяляевай І.Р. прынялі ўдзел у акцыі «Абеліскі».
Добраўпарадкаванне памятных месцаў — гэта тая малая частка нашых спраў, з дапамогай якіх мы выказваем сваю падзяку ўсім тым, хто аддаў сваё жыццё дзеля нас, дзеля мірнага неба над галавой. І наша галоўная задача — як мага даўжэй пранесці гэтую памяць.
Педагогі ДУА «Шаняўская сярэдняя школа імя Міколы Засіма» правялі ў рамках занальнага цэнтра на базе ДУА «Ліноўская сярэдняя школа» інтэрактыўную пляцоўку «Святыя сімвалы Радзімы» для навучэнцаў 5-7 класаў. Кожная каманда павінна была выканаць заданні на 6 пляцоўках: «Дапытлівая», «Інтэлектуальная», «Беларуская», «Дзяржаўная», «Музычная», «Святочная». Дзеці ўcпомнілі карту Беларусі, беларускіх пісьменнікаў, пазнаёміліся з гербамі гарадоў раённых цэнтраў Брэстчыны, узгадалі, што абазначаюць сімвалы на дзяржаўным гербе, знакавыя даты дзяржаўных свят, праспявалі гімн Рэспублікі Беларусь. З прапанаванымі заданнямі каманды справіліся паспяхова. Гульня атрымалася цікавай і захапляльнай.
Віншуем Хоміча Анатолія з рэкордам на адкрытых рэспубліканскіх спаборніцтвах па лёгкаатлетычных кіданнях памяці заслужанага трэнера СССР А.М. Шукевіча. Мы табой ганарымся!
З мэтай фарміравання ў моладзі грамадзянска-патрыятычнай пазіцыі, захавання гістарычнай памяці аб гераічным подзвігу беларускага народа ў гады Вялікай Айчыннай вайны прайшоў раённы конкурс інсцэніроўкі ваенна-патрыятычнай песні «Мы памятаем Ваш подзвіг». Члены аб’яднання па інтарэсах «Драматычны» ДУА «Шаняўская сярэдняя школа імя Засіма» пад кіраўніцтвам педагога Вашчук А.В. прынялі ўдзел у конкурсе і былі ўзнагароджаны дыплом 3 ступені і салодкім падарункам. Віншуем вучняў і Алёну Віктараўну з паспяховым выступленнем!
3 мая 2024 года ў рамках Усебеларускага патрыятычнага праекта «Памяць пакаленняў у імя будучыні» навучэнцы 1-9 класаў ДУА «Шаняўская сярэдняя школа імя Міколы Засіма» напісалі Усебеларускі дыктант «Я раскажу аб Перамозе», прысвечанага 80-й гадавіне вызвалення Рэспублікі Беларусь ад нямецка — фашысцкіх захопнікаў.
Дыктант праводзіўся з мэтай захавання памяці аб Вялікай Айчыннай вайне, павышэння гістарычнай пісьменнасці і патрыятычнага патэнцыялу дзяцей.
Вучні 7-9,11 класаў пад кіраўніцтвам кіраўніка па ваенна-патрыятычным выхаванні Чыбісавай М.В. наведалі прэм’еру ваенна-гістарычнай драмы Нацыянальнай кінастудыі «Беларусьфільм» «ЧАС ВЯРНУЦЦА» ў кінатэатры «Спадарожнік» г.Пружаны. Фільм прымеркаваны да 80-годдзя вызвалення Беларусі ад нямецка-фашысцкіх захопнікаў і ахоплівае эпізоды баявых дзеянняў беларускіх партызан, дзякуючы якім стала магчымым паспяховае правядзенне аперацыі «Баграціён». Гэты фільм дапамагае ўявіць, што на самай справе перажыў наш народ падчас Вялікай Айчыннай вайны, колькі пакут выпала на долю мірных людзей, як мужна змагаліся прадстаўнікі ўсіх савецкіх народаў за мірную будучыню, як хацелася ўсім вярнуцца жывымі з вайны, але, на жаль, Перамога заваявана вялізнай цаной мільёнаў жыццяў.
У мэтах падтрымкі ініцыятывы дзяцей і навучэнскай моладзі ўстаноў адукацыі раёна па ўдасканаленні грамадзянска — патрыятычнага і ідэйна — маральнага выхавання навучэнцаў, захаванню і памнажэнню культурнай спадчыны свайго краю, у рамках абласнога праекта «Памяць аб героях у сэрцы захаваем» прайшоў раённы этап абласной выставы — конкурс «Перамогу памятае Беларусь». У намінацыі «Салдат-пераможца» дыпломам 2 ступені ўзнагароджаны навучэнец 4 класа Ханіла Яўгеній. Віншуем Яўгенія і педагога Ірыну Васільеўну!
У рамках рэалізацыі прафілактычнага праекта «Школа — тэрыторыя здароўя» ў 4 класе прайшла гадзіна карысных парад «Здаровая кухня». Мэтай мерапрыемства было паглыбленне ўяўлення дзяцей аб правільным харчаванні, працяг фарміравання пазітыўнай ацэнкі здаровага ладу жыцця. Хлопцы і дзяўчаты зрабілі выснову аб тым, што ў сучасным свеце модна быць здаровым і весці актыўны лад жыцця.
