11 лістапада 2021 года пройдзе абласная акцыя «Міжнародны дзень энергазберажэння» пад дэвізам «Праз эказвычкі да энергазберажэння».

Пад такой назвай з 8 па 12 лістапада ў Беларусі праходзіць рэспубліканская інфармацыйна-адукацыйная акцыя, якая накіравана на павышэнне дасведчанасці насельніцтва аб магчымых спосабах і метадах павышэння эфектыўнасці выкарыстання энергарэсурсаў, у тым ліку і ў паўсядзённым жыцці.

Завяршыў сваю работу аздараўленчы лагер “Дружба”. У гэты дзень выхаванцы прынялі ўдзел у розных творчых, спартыўных і забаўляльных мерапрыемствах. Наведванне прышкольнага лагера пакінула шмат прыемных уражанняў і стварыла добры настрой. Да сустрэчы, лагер «Дружба»!

У суботні дзень пачаткоўцы прынялі ўдзел у інтэрактыўнай гульні “Займальная граматыка”. Вучні 5 — 7 класаў змагаліся за перамогу ў гульні “Разумнікі і разумніцы”. Старшакласнікі спаборнічалі ў інтэлектуальным рынгу “Самы разумны”.

Вучні 5 — 7 класаў разам са сваімі класнымі кіраўнікам наведалі вёску Каштанаўка. Школьнікі адправіліся ў сядзібу Дзяконскіх, дзе пазнаёміліся з гісторыка-культурнай спадчынай свайго краю і проста весела правялі час.

5 лістапада выхаванцы прышкольнага лагера «Дружба» наведалі Палац Пуслоўскіх — помнік архітэктуры XIX стагоддзя. Размешчаны на ўзвышшы ў гарадку пад назвай Косава, ён прывабіў наведвальнікаў не толькі сваёй прыгажосцю, але і чароўнай навакольнай панарамай. Падчас экскурсіі дзеці даведаліся аб гісторыі будаўніцтва Палаца, архітэктуры яго галоўнай пабудовы, стылі і агульнай структуры ансамбля. Цікавым для школьнікаў стала і тое, што гэты Палац, як і многія іншыя, мае свае легенды.

Выхаванцы прышкольнага лагера наведалі Палацавы комплекс у Ружанах, які з’яўляецца адным з унікальных куткоў Беларусі. На працягу стагоддзяў найпрыгажэйшы архітэктурны ансамбль, які называюць беларускім Версалем, належаў магутнай дынастыі Сапегаў. Падчас экскурсіі пачаткоўцы пазнаёміліся з мінулым рэзідэнцыі, экспазіцыяй фрагментаў інтэр’ераў Палаца Сапегаў тых часоў і аўтэнтычнымі прадметамі. Таксама вучні пабывалі ў адной з залаў дынастыі Сапегаў, дзе праходзяць выставы беларускіх мастакоў.

На канікулах вучні школы прымаюць актыўны ўдзел у разнастайных мерапрыемствах. Падчас правядзення калектыўна творчай справы «Шкодныя звычкі нам не сябры» яны выпусцілі лістоўкі, якія заклікаюць усіх пазбавіцца ад шкодных звычак, калі такія ёсць, і весці здаровы лад жыцця.

4 лістапада вучні 5 — 7 класаў наведалі горад над Бугам. Рабяты адправіліся ў Брэсцкую крэпасць, пазнаёміліся з экспазіцыяй музея, здзейснілі экскурсію па тэрыторыі. Пасля адправіліся ў Музей чыгуначнай тэхнікі. Там дзеці ўбачылі рарытэтныя экзэмпляры беларускай чыгуначнай тэхнікі і нават мелі магчымасць адчуць сябе сапраўднымі машыністамі. Завяршылася падарожжа па горадзе Брэсце паходам у абласны краязнаўчы музей, дзе рабяты даведаліся шмат цікавых фактаў аб гісторыі роднай вобласці.