У суботні дзень вучні школы адпрвіліся на экскурсіі і ў паходы. Пачаткоўцы і вучні 5 — 7 класаў пабывалі ў лесе , дзе пазнаёміліся з таямніцамі асенняй прыроды і краявідамі малой радзімы. Вучні 8, 9 класаў здзейснілі паход у лес, дзе з задавальненнем адпачылі і атрымалі асалоду ад прыгажосці асенняй пары.
У рамках праекта «ШАГ» у 8, 9, 11 класах адбыўся адкрыты дыялог «Гонар Беларусі. Адукацыя ў імя будучыні краіны», дзе вучні абмеркавалі дасягненні сучаснай Беларусі ў галіне адукацыі».
У 7 класе прайшла гадзіна разважання па тэме «Я і Мы», дзе вучні мелі магчымасць паглядзець на сябе з боку і ўсвядоміць свае адмоўныя і станоўчыя рысы характару, павучыцца шукаць выйсце са складаных жыццёвых сітуацый.
З 16 па 22 верасня ў школе праходзіць Еўрапейскі тыдзень мабільнасці і экалагічная акцыя «Дзень без аўтамабіля». ВЫДАТКУЕМ АДЗІН ДЗЕНЬ НА КАРЫСЦЬ СВЕЖАГА ПАВЕТРА!
18 верасня ў нашай школе быў заяўлены як Дзень працы і адпачынку. Вучні сярэдняга звяна, негледзячы на кепскае надвор’е, пад кіраўніцтвам настаўніка зладзілі працоўную акцыю «Зберажэм прыроду разам!». Дзеці збіралі смецце каля вадаему і ў лесе аг. Шані. Кожны неабыякава ставіўся да свайго задання і ў выніку ўсе разышліся па дамах у добрым настроі з выкананай мэтай — родныя мясціны сталі крыху чысцей!
Цудоўным завяршаючым акордам Тыдня народнага адзінства стала ўрачыстая лінейка. Хоць з-за дажджлівага надвор’я яе прыйшлося перанесці ў школу, гэта не сапсавала святочнага настрою.
Урачыста і горда гучаў у выкананні ўсёй школы Гімн Беларусі. Святочнасць дабавілі любімыя песні пра нашу Радзіму, выступленне агітбрыгады і агульнашкольны флэшМоб “Мая Беларусь”.
Мы ганарымся спартыўнымі дасягненнямі вучня 7 класа Літвіновіча Андрэя, які з Восеньскага першынства Брэсцкай вобласці прывёз дыплом I ступені, а з лёгкаатлетычнага турніру памяці В.М. Мікалаенкі два дыпломы першай ступені і дыплом другой ступені.
Сваю маленькую ўзнагароду за ўдзел у конкурсе “ГлабусЯня” атрымала і вучаніца 9 класа Бойдзіч Валерыя.
У рамках Тыдня ва ўсіх класах прайшлі класныя гадзіны “Новае свята ў нашым календаы”, “Беларусь: учора, сёння, заўтра”, “Мы едины и непобедимы”, “Беларусь – краіна адзінства”, “У адзінстве наша сіла”.
Інфармацыйныя гадзіны, праведзеныя з нагоды Дня народнага адзінства, далі вучням магчымасць у поўнай меры асэнсаваць, што адзінства народа ва ўсе часы застаецца галоўнай нацыянальнай ідэяй краіны.
Да Тыдня народнага адзінства ва ўстанове аформлены стэнды “Моц Беларусі — у адзінстве народа”, кніжная выстава “Будучае Беларусі – у адзінстве”.
