23 снежня перад вучнямі 1 — 4 класаў выступіла старшы інспектар сектара прапаганды і ўзаемадзеяння з грамадскасцю Ліпко В.В. Вольга Васільеўна нагадала пачаткоўцам аб правілах паводзін падчас святкавання навагодніх мерапрыемстваў, карыстання піратэхнічнымі сродкамі, як правільна запускаць феерверкі і прыбіраць ёлку. Акрамя гэтага яна звярнула ўвагу на тое, на колькі небяспечны тонкі лёд і што варта рабіць у выпадку небяспекі. Затым навучэнцы паглядзелі і абмеркавалі відэафільм пад назвай «Бяспечны Новы год!».

Напярэдадні навагодніх свят лепшыя вучні школы, якія прынялі актыўны ўдзел у разнастайных творчых конкурсах, навукова-даследчых канферэнцыях, спартыўных спаборніцтвах раённага і абласнога ўзроўняў, а таксама прызёры раённых прадметных алімпіяд узнагароджаны салодкімі падарункамі, якія ім уручылі Дзядуля Мароз і Снягурка.

19 снежня для вучняў 8, 9, 11 класаў будзе праводзіцца адзіны дзень інфармавання «ШАГ» – «Школа Актыўнага Грамадзяніна» па тэме «Традыцыі маёй краіны», «Бяспечныя і адказныя паводзіны  – наш асэнсаваны выбар».

У рамках дэкады прававых ведаў у школе адбылася сустрэча вучняў 8, 9, 11 класаў з інспектарам ІСН Анур’евым Я. В. на тэму «Адміністратыўная адказнасць непаўналетніх».

У суботу, 7 снежня, пачаткоўцы прынялі ўдзел у гульні-падарожжы “Краіна парадку”. Вучні 5 — 7 класаў спаборнічалі ў інтэрактыўнай гульні “Азбука права”. Вучні 8 і 9 класаў удзельнічалі ў пазнавальнай гульні “У свеце права”. Са старшакласнікамі праведзены трэнінг “Няведанне закона не вызваляе ад адказнасці”.

З 2 па 11 снежня ў школе праходзіць дэкада прававых ведаў, падчас якой вучні атрымліваюць добрыя веды аб правах і абавязках вучняў, знаёмяцца з дзіцячым прававым сайтам, прымаюць удзел у конкурсах, падарожжах, калейдаскопах на прававую тэматыку.

Вучні школы прынялі ўдзел ва ўрачыстай цырымоніі закрыцця працоўнага семестра-2019, якая прайшла ў Палацы культуры г. Пружаны.