Дзіўны шлях даўжынёй у цэлы навучальны год пачаўся з першага званка, які 2 верасня паклікаў навучэнцаў школы ў займальны свет ведаў
Прыбраныя школьнікі са стракатымі букетамі кветак віталі адзін аднаго з усмешкамі і абдымкамі. Гэтай сустрэчы яны чакалі цэлае лета. Не хавалі хвалявання і радасці таксама бацькі і настаўнікі. На ўрачыстай лінейцы панавала святочная атмасфера. Дырэктар школы Ярмашэвіч Алена Мікалаеўна пажадала ўсім навучэнцам і педагогам здароўя, аптымізму, першакласнікам – добра вучыцца, старшакласнікам – выбраць верную дарогу ў жыцці і быць годнымі грамадзянамі сваёй краіны. Павіншаваць і падзяліць радасць з гэтай нагоды разам з вучнямі, іх бацькамі і настаўнікамі прыйшлі ганаровыя госці. Душэўна і цёпла павіншавала дзяцей, бацькоў і педагогаў кіраўнік спраў Пружанскага райвыканкама Валянцюк Іна Антонаўна. Са словамі пажадання да вучняў звярнулася старшыня Шаняўского сельвыканкама Бяляева Ірына Рыгораўна. Для ўсіх прысутных Дзень ведаў стаў святам сяброў, усмешак, дабра!
