13 чэрвеня з выхаванцамі аздараўленчага лагера «Дружба» праведзены мерапрыемствы па вывучэнні правілаў карыстання электраэнергіяй і правілаў паводзін на выпадак узнікнення надзвычайных сітуацый.

Цікавыя конкурсы, віктарыны, спартыўныя гульні і шмат іншага дазваляюць наведвальнікам аздараўленчага лагера «Дружба» адпачыць з карысцю.

Адзвінеў апошні званок. Вучні 11 класа здалі дзяржаўныя экзамены.

9 выпускнікоў сёлета  развіталіся са сваёй роднай школай 9 чэрвеня, атрымаўшы ва ўрачыстай абстаноўцы з рук дырэктара атэстаты аб сярэдняй адукацыі. Адна з выпускніц, Вярэніч Кацярына, скончыла школу з пахвальным лістом. Сур’ёзныя юнакі і вясёлыя дзяўчаты дзякавалі школе за веды, атрыманыя тут, за дапамогу і падтрымку сваіх настаўнікаў.

3 чэрвеня для выхаванцаў лагера «Дружба» былі арганізаваны і праведзены малыя алімпійскія гульні. Дзеці спаборнічалі ў бегу на дыстанцыі 30 метраў, вісе на перакладзіне, кіданні мяча і іншых відах спорту. Найбольш спрытныя былі ўзнагароджаны граматамі.

3 чэрвеня выпускнікі 11 класа здалі другі па ліку экзамен — пісьмовы пераказ па беларускай мове.

2 чэрвеня адбылося ўрачыстае адкрыццё лагера «Дружба». Выхаванцы прынялі ўдзел у цікавых конкурсах, забавах, інсцэніроўках. Для іх гучалі вясёлыя музычныя нумары. Пасля мерапрыемства іх чакала дыскатэка.

31 мая ў школе прайшоў дзень алімпійца. Школа ў гэты дзень пераўтварылася ў сапраўдны алімпійскі гарадок. На агульнашкольнай лінейцы былі вынесены Алімпійскі агонь і сцяг. Вучні дэманстравалі свае спартыўныя эмблемы, гучалі дэвізы, крычалкі. Пасля лінейкі ўсе рушылі на стадыён. Там іх чакалі інструктары з ліку настаўнікаў і старэйшых вучняў. Спаборнічалі ў бегу на розныя дыстанцыі, кіданні мяча і гранаты, скачках у даўжыню і вышыню. Пераможцаў было шмат, і ўсе яны былі адзначаны граматамі на выніковай лінейцы.

30 мая ў школе празвінеў апошні званок — сімвал заканчэння выдатнай школьнай пары для выпускнікоў 11 класа. У гэтым годзе школа выпускае 9 вучняў. Урачыстае віншаванне намесніка старшыні Пружанскага райвыканкама А. Х. Лапыка, старшыні Шаняўскога сельскага савета С. І. Лапукі, намесніка дырэктара ААТ «Шані-аграпрадукт» А. К. Станкевіча  і спецыяліста па маркетынгу В. А. Камінскай, дырэктара А. М. Ярмашэвіч, пажаданні настаўнікаў, кранальныя прамовы бацькоў і словы ў адказ не менш усхваляваных выпускнікоў закранулі ўсіх прысутных. І, вядома ж, словы-пажаданні першакласнікаў, якія з зайдрасцю глядзелі на выпускнікоў.

Мы жадаем нашым выпускнікам поспехаў у вучобе і працы, чыстага неба, яркага сонца, добрага настрою! Мы верым, што школа заўсёды будзе для іх родным домам!

30 мая вучні пачатковых класаў адправіліся ў цікавае падарожжа па сцежках роднага краю. Яны наведалі маёнтак Дзяконскіх у в. Каштанаўка, даведаліся аб гісторыі ўзнікнення ў парку трону, паназіралі за раслінным багаццем, атрымалі шмат станоўчых эмоцый.

25-26 мая вучні 5 класа здзейснілі паход у горад Пружаны, дзе наведалі памятныя мясціны, пабывалі ў ЗАТ «Белснабпадшыпнік» і КУП «Пружанскае раённае ўпраўленне капітальнага будаўніцтва».