З 15 ліпеня па 20 ліпеня 2024 года пройдзе «Тыдзень нулявога траўматызму»
Праграмы «Рынак працы і садзейнічанне занятасці» на 2021 – 2025 гады ў частцы прасоўвання канцэпцыі «Нулявога траўматызму» («Vision Zero») у перыяд з 15 па 20 ліпеня 2024 года ў арганізацыях Пружанскага раёна будзе праходзіць «Тыдзень нулявога траўматызму».
Мэта правядзення: забеспячэнне бяспекі і здароўя работнікаў на працоўных месцах, прадухіленне выпадкаў вытворчага траўматызму шляхам аператыўнага выяўлення парушэнняў нормаў аховы працы і прымянення мер па іх ліквідацыі.
Ахова працы
Дарагія бацькі, будзьце пільныя падчас летніх канікул!
Гібель і траўміраванне дзяцей, асабліва ў летні перыяд, — гэта сур’ёзная сацыяльная праблема. Ад знешніх прычын, такіх як утапленне, дарожна-транспартныя здарэнні, выпадзенне з вокнаў, электратраўмы штогод у нашай краіне гіне каля 150 дзяцей. Толькі за 6 месяцаў 2024 года ў Брэсцкай вобласці ад знешніх прычын загінула 11 дзяцей: 4 у выніку суіцыду, 4 загінулі на пажары, 3 дзіцяці патанулі. На тэрыторыі Пружанскага раёна сёлета адбылося 2 пажары ў домаўладаннях, у якіх знаходзіліся непаўналетнія, 2 дзяцей выпалі з вокнаў жылых дамоў, 1 падлетак здзейсніў спробу суіцыду. На шчасце, усе непаўналетнія жывыя і здаровыя.
Бацькі павінны разумець, што дзіцячая бяспека – гэта перш за ўсё сукупнасць правілаў, па якіх жыве ўся сям’я і якія дазваляюць выхаваць у дзіцяці характар, засцерагчы яго ад здзяйснення неабдуманых учынкаў. Ад якасці выканання бацькамі прафілактычных і ахоўных мер залежыць бяспека дзяцей! Беражыце дзяцей!
Следчы камітэт у чарговы раз нагадвае, аб неабходнасці выканання элементарных правілаў паводзін і мер бяспекі падчас адпачынку на вадзе
- Не пакідайце маленькіх дзяцей адных ні на хвіліну;
- Не купайцеся ў забароненых месцах;
- Не заплывайце за буйкі;
- Не купайцеся ля крутых абрывістых берагоў з моцнай плынню, у забалочаных месцах, у штармавое надвор’е і падчас навальніцы;
- Не нырайце ў незнаёмых месцах;
- Не пакідайце дзяцей без нагляду, як на беразе ракі, так і ў вадзе;
- Не дазваляйце ўладкоўваць дзецям гульні ў вадзе, звязаныя з ныраннем і захопам ног і рук.
3 ліпеня ў Якуцку адбыўся заключны дзень лёгкаатлетычных спаборніцтваў у рамках VIII Міжнародных спартыўных гульняў «Дзеці Азіі»
3 ліпеня ў Якуцку адбыўся заключны дзень лёгкаатлетычных спаборніцтваў у рамках VIII Міжнародных спартыўных гульняў «Дзеці Азіі». Залатым эстафетным поспехам вызначыліся і нашы юнакі- Ягор Берашко, Кірыл Яшчук, Станіслаў Сцямасаў і Андрэй Літвіновіч. З першага этапу спартсмены захапілі лідарства і ўпэўнена фінішавалі першымі, прынёсшы ў скарбонку Беларусі яшчэ адно золата. Чатыры кругі па стадыёне хлопцы пераадолелі за 3:27.05. Віншуем! Андрэй, мы табой ганарымся!
Вучні школы наведалі ветэранаў Вялікай Айчыннай вайны
Напярэдадні Дня Незалежнасці і 80-годдзя вызвалення Беларусі ад нямецка-фашысцкіх захопнікаў ветэран Вялікай Айчыннай вайны Гуга Лідзія Васільеўна, ветэран Вялікай Айчыннай вайны Бабрук Марыя Аляксандраўна і вязень Гарэйка Алена Лявонцьеўна прымаюць віншаванні ад навучэнцаў. На жаль, усё менш застаецца ветэранаў Вялікай Айчыннай вайны, але з кожным годам мы ўсё больш шануем гэты бязмерны подзвіг і памятаем, што мы ў неаплатным абавязку перад людзьмі, якія коштам свайго жыцця прынеслі нам доўгачаканую Перамогу. #мыпомнім
Выдатнае свята для дзяцей у Дзень моладзі арганізавала адміністрацыя ААТ «Шані-аграпрадукт»
Галоўнымі героямі свята былі члены студатрада «Лідар» ДУА «Шаняўская сярэдняя школа імя Міколы Засіма». Вясёлыя конкурсы, запальныя песні і танцы, казачныя героі. Ну а потым адбылося дзейства, дзеля якога на дзіцячую пляцоўку прыйшлі дзеці — пенная вечарынка. Магутная гармата завуркатала і пачала выдаваць патокі пены, прыгожымі шматкамі клалася на галовы ўдзельнікаў вечарынкі. Здавалася, што надышла зіма і пляцоўка пакрылася снегам. Усіх ахапіла весялосць — рабяты гарэзавалі, танцавалі і літаральна купаліся ў пене. Усе прысутныя атрымалі мора яскравых і пазітыўных эмоцый. Выказваем падзяку дырэктару ААТ «Шані-аграпрадукт» Якімаўцу А.П. за цудоўнае свята для нашых навучэнцаў.
Былы выпускнік школы Андрэй Літвіновіч у VIII летніх гульнях «Дзеці Азіі» па бегу на 400 м стаў пераможцам
На стадыёне «Туймаада» ў Якуцку завяршыўся першы фінальны дзень для лёгкаатлетаў, якія бяруць удзел у VIII летніх гульнях «Дзеці Азіі». Сярод 180 спартоўцаў выбіралі лепшых па бегу на 100, 200, 400, 1500 і 2000 м з перашкодамі, а таксама па трайных і якуцкіх скачках. Сярод юнакоў па бегу на 400 м пераможцам стаў Андрэй Літвіновіч. Віншуем!!! Мы табой ганарымся!!!
Вось і завяршыў работу студэнцкі атрад «Лідар» ДУА «Шаняўская сярэдняя школа імя Міколы Засіма» ў ААТ «Шані-аграпрадукт»
10 дзён праляцелі неўзаметку. Рабяты атрымалі не толькі працоўны досвед, але і масу прыемных уражанняў. Спецыяліст па ідэалагічнай рабоце Асіпчук К.В. павіншавала будатрадаўцаў з заканчэннем працоўнага семестра. Хрысціна Вячаславаўна падзякавала хлопцам за добрую працу, уручыла памятныя падарункі, выдатныя фатаграфіі, што выклікала шквал станоўчых эмоцый. У нядзелю хлопчыкаў і дзяўчынак чакае цудоўны сюрпрыз ад ААТ «Шані-аграпрадукт». Многія з дзяцей будуць індывідуальна працаўладкаваны і прадоўжаць далей працаваць на карысць роднай гаспадаркі.
#карысныя канікулы
