4 лютага адзначае сваё 30-годдзе настаўніца біялогіі і геаграфіі Граб Вольга Мікалаеўна.

Літаральна ўся школа сабралася, каб павіншаваць былую вучаніцу, калегу і настаўніцу з гэтай прыемнай падзеяй.

Са словамі віншавання да юбіляра звярнуліся дырэктар школы А. М. Ярмашэвіч, старшыня прафарганізацыі Тарасава М. Б., вучні 5 класа, класным кіраўніком якога з’яўляецца Вольга Мікалаеўна. Калегі і вучні парадавалі музычным сюрпрызам.

З Днём нараджэння, Вольга Мікалаеўна!

Здароўя Вам, шчасця, плёну ў працы.

У суботу, 28 студзеня, пачаткоўцы прынялі ўдзел у конкурсна-гульнёвай праграме “Майстар школьных навук”. Вучні 5 — 7 класаў праявілі сябе ў гульні “Што? Дзе? Калі?”, а старшакласнікі паўдзельнічалі ў інтэлектуальнай гульні “Пазнай Беларусь”.

26 студзеня настаўнікі-філолагі Вашчук А. В. і Арабей А. Я. запрасілі вучняў 8 — 11 класаў у гасцёўню «Уладар песень», прысвечаную 125-годдзю з дня нараджэння беларускага фалькларыста, грамадскага і музычнага дзеяча, земляка Р. Р. Шырмы. На мерапрыемства таксама былі запрошаны Шырма С. В., Ханіла В. С., дырэктар школы Ярмашэвіч А. М., якія падзяліліся сваімі ўражаннямі і ўспамінамі сваіх родных аб Р. Р. Шырме — Чалавеку з вялікай літары. Удзельнікі вакальнай групы Шаняўскога сельскага клуба Кабрынец Т. Ф., Бяляева І. Р., Вашчук А. В., Арабей А. Я. выканалі абрадавыя песні пад акампанемент музычнага кіраўніка Сухоцкага П. У.

У суботу, 21 студзеня, бібліятэкар Шаняўскога сельскага клуба Чэчка Н. У. і настаўніца школы Вашчук А. В. запрасілі вучняў 4 — 7 класаў на літаратурна-музычную вечарыну «І сэрца, і песні — народу», прысвечаную 125-годдзю з дня нараджэння беларускага харавога дырыжора, фалькларыста, грамадскага і музычнага дзеяча, публіцыста, літаратуразнаўцы Р. Р. Шырмы. Аповед аб творчым шляху вядомага земляка дапаўняўся вершамі беларускіх паэтаў і народнымі песнямі.

21 студзеня вучні пачатковых класаў наведалі гадзіну асветы “Аб правах у вершах”, прынялі ўдзел у конкурсе снежных скульптур “Самы класны снегавік”. Для вучняў 5 – 7 класаў прайшоў прававы эрудыт  “Правы і абавязкі разам  крочаць”. Старшакласнікі паўдзельнічалі ў інтэлектуальнай гульні “Правапарушэнне і пакаранне”.

Кожную суботу ў школе працуюць гурткі і спартыўныя секцыі. А яшчэ вучні і настаўнікі рыхтуюцца да розных мерапрыемстваў. Адным з іх з’яўляецца святкаванне юбілейнай даты з дня нараджэння земляка, фалькларыста, мастацкага кіраўніка і галоўнага дырыжора Дзяржаўнай акадэмічнай харавой капэлы БССР Р. Р. Шырмы, якое рыхтуюць работнікі сельскага клуба сумесна з настаўнікамі школы.

19 студзеня настаўнік пачатковых класаў Тарасава М. Б. запрасіла вучняў пачатковых класаў на пасяджэнне дапытлівых “Народжаная дарыць святло. Творчасць Алены Лось”. У ходзе мерапрыемства вучні пазнаёміліся з біяграфіяй таленавітай мастачкі, яе творамі, якія захоўваюцца ў Нацыянальным мастацкім музеі Беларусі, Музеі-сядзібе «Пружанскі палацык», Літаратурных музеях Янкі Купалы і Якуба Коласа ў Мінску, у Галереі Алены Георгіеўны Лось у Мінскай дзіцячай бібліятэцы №2.

19 студзеня вучні старэйшых класаў наведалі ток-шоу “Грамадзянскі шлюб: за і супраць”, куды былі запрошаны старшыня Шаняўского сельскага савета Лапука С. І., загадчык ФАПа в. Чахец  Жук С. В., настаяцель Свята-Мікалаеўскай царквы айцец Сергій, настаўнікі школы. У ходзе мерапрыемства вучні пазнаёміліся з паняццямі «шлюб», «сям’я», даведаліся як праходзіць абрад вянчання, якія псіхалагічныя наступствы чакаюць жанчыну і мужчыну ў выпадку распаду сям’і, якая знаходзіцца ў грамадзянскім шлюбе.

Кніжку з казкамі пад назвай «Твае першыя фінансы» ад ААТ «Белаграпрамбанк» 19 студзеня атрымалі пяцікласнікі. Захапляльныя гісторыі, якія адбываюцца з галоўнымі героямі і казачным персанажам Агрыкам, акунуць дзяцей у цікавы свет фінансаў.