12 лістапада ў школе прайшоў Дзень здароўя.

Пачаткоўцы спаборнічалі ў гульні ў міні-футбол. Вучні 5 — 11 класаў выпусцілі спартыўныя лістоўкі і газету на тэму “Спорт – гэта здароўе”. Пасля мерапрыемстваў старшакласнікі прынялі ўдзел у спаборніцтвах па валейболе.

Вучні нашай школы прынялі ўдзел у раённым этапе ХХ Рэспубліканскай выставы-конкурса дэкаратыўна-прыкладнога мастацтва «Калядная зорка». Члены гуртка «Умелыя ручкі» Міранюк А. і Бойдзіч В. падрыхтавалі выраб «Калядная зорка» ў намінацыі «Арт-аб’ект», а член гуртка «Гаспадынька» Германовіч А. — тэкстыльнае пано ў тэхніцы «Выцінанка».

З лістапада адбылася таварыская сустрэча каманд Шаняўской і Шчарчоўскай сярэдніх школ па валейболе. З лікам 25:22  перамагла каманда Шчарчоўскай СШ. Разам з тым, вучні атрымалі  вопыт  вядзення гульні ў вялікай спартыўнай зале і выдатны бадзёры настрой.

Вучні 5 – 7 класаў пабылі як у ролі балельшчыкаў, так і ўдзельнікаў спартландыі.

2 лістапада для вучняў 8 – 10 класаў была арганізавана экскурсія ў г. Брэст. Вучні мелі магчымасць наведаць Краязнаўчы музей выратаваных мастацкіх каштоўнасцей. Праведзеная экскурсія была цікавай і пазнавальнай.

Падчас канікул вучні пачатковых класаў і шасцікласнікі наведалі музей-сядзібу «Пружанскі палацык». Асаблівы інтарэс выклікаў  інтэр’ер сядзібнага дома ХIХ стагоддзя: салон, кветкавая зала, паляўнічы кабінет.

2 лістапада вучні пачатковых класаў пабывалі ў ААТ «Пружанскі льнозавод». Наведаўшы адкрытае акцыянернае таварыства, вучні маглі асабіста паназіраць за працэсам вытворчасці льнянога валакна і даведацца аб прафесіях работнікаў ільнозавода.

2 лістапада  для вучняў 5 – 7 класаў сумесна з бібліятэкарам сельскага клуба Чэчка Н. У. была праведзена гульня-віктарына “Падарожжа ў краіну кніжных скарбаў”. Падчас гульні вучні пазнаёміліся з  дзіцячымі энцыклапедыямі і паўдзельнічалі ў віктарыне.

2 лістапада вучні 5 класа ўдзельнічалі ў акцыі “Дапаможам прыродзе разам!” Яны навялі парадак на ўскрайку лесу.

У ходзе правядзення майстэрні эколага  “Чудеса для детей из ненужных вещей” вучні зрабілі цудоўныя падзелкі з непатрэбных рэчаў, якія яны могуць выкарыстоўваць у паўсядзённым жыцці.

У аўторак, 1 лістапада, вучняў пачатковых класаў «паклікалі» ў госці гаспадары лесу. Разам з імі дзеці здзейснілі падарожжа па экалагічных сцежках беларускіх лясоў.