Старшакласнікі ДУА «Шаняўская сярэдняя школа імя Міколы Засіма» прадаўжаюць працаваць у складзе студэнцкага атрада ў ААТ «Шані — аграпрадукт» і дапамагаюць роднай гаспадарцы ў захаванні ўраджаю. Дзеці не толькі добра працуюць, але і знаходзяць час для арыгінальных фотаздымкаў.
#моладзьзараджай #эфектыўнаелета
Пусть этот день напоминает нам, что мы должны ценить мир и спокойствие, свободу и независимость, которые мы имеем сегодня. Пусть он будет напоминанием о том, что мы должны беречь свою Родину и ее народ, чтобы ужасающие события того времени больше никогда не повторились.
Выпускны вечар- гэта апошняе свята дзяцінства і першы крок у новае, дарослае жыццё. Упершыню выпускны прайшоў сумесна для навучэнцаў 11 і 9 класаў. Выпускнікоў цёпла павіншавала дырэктар школы Ярмашэвіч Алена Мікалаеўна. Са словамі падзякі да ўсяго педагагічнага калектыву звярнуліся бацькі і самі выпускнікі. Гэта было сапраўднае ўрачыстасць маладосці і прыгажосці, музыкі, любові і надзеі.
У летнія гарачыя дні вада прыцягвае як магніт як дзяцей, так і дарослых. Кожны хоча выкупацца ў прахалоднай вадзе, папесціцца пад прамянямі сонца, прагуляцца па беразе ракі ці возера. Падчас адпачынку ля вадаёмаў заўсёды трэба памятаць- вада тоіць у сабе небяспеку! Каб ваш адпачынак быў удалым, варта не забываць правілы бяспечных паводзін ля вады.
Казлоўскі Уладзіслаў, Кот Яўген, Ханіла Яўген, Ханіла Канстанцін у рамках спартыўна-культурнага фестывалю «Вытокі» паглядзелі фільм пад адкрытым небам «Паддубны», апрабавалі новую скейт-пляцоўку і пазаймаліся на трэнажорах.
31 мая для вучняў школы празвінеў апошні званок, які апавясціў аб заканчэнні навучальнага года. Урачыстыя віншаванні старшыні Шаняўскога сельскага савета Бяляевай І. Г. і дырэктара школы А. М. Ярмашэвіч, пажаданні настаўнікаў, кранальнае выступленне бацькоў і словы ў адказ не менш усхваляваных выпускнікоў закранулі ўсіх прысутных. Шматлікія граматы атрымалі вучні і педагогі за ўдзел у інтэлектуальных і творчых конкурсах, за перамогі ў спартыўных спаборніцтвах. Падзячныя лісты былі ўручаны самым актыўным бацькам і настаўнікам. Лепшыя навучэнцы школы ад ААТ «Шані-аграпрадукт» атрымалі грашовыя прэміі. Мы жадаем усім выдатнага летняга адпачынку, радасных момантаў, новых поспехаў і толькі правільных рашэнняў!
31 мая ў нашай школе прайшло ўрачыстае мерапрыемства «Развітанне з пачатковай школай». Заканчэнне пачатковай школы-гэта вельмі важная і кранальная падзея ў жыцці вучняў 4 класа. І нядзіўна, што бацькі і класны кіраўнік Ханіла І. В. прыклалі максімум намаганняў, каб свята прайшло ярка, весела і надоўга запомнілася рабятам.
Добрай традыцыяй у Шаняўской СШ імя М. Засіма стала правядзенне ў апошні дзень навучальнага года масавых спартыўна-пазнавальных гульняў. У гэтым годзе ўсе навучэнцы школы змаглі паўдзельнічаць у квэст-гульні «Я пазнаю свет». Кожная рознаўзроставая каманда здзейсніла займальнае падарожжа па станцыях «Казачная», «Медыцынская», «Спартыўная», «Дзяржаўная», «Турыстычная», «Тэатральная», «Астравок бяспекі», дзе іх чакалі казачныя героі і цікавыя выпрабаванні. Выдатныя моманты ўдзелу ў квэст-гульні «Я пазнаю свет» запомніліся рабятам з каманды «Пазітыў» пад кіраўніцтвам Аблавушкі І. М.
З мэтай папулярызацыі сярод моладзі дзяржаўнай сімволікі праходзіў раённы фотаконкурс «Сцяг Перамогі – радасці сцяг!», прымеркаваны да Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. Віншуем Міранюк Насцю і Шаламіцкую Паліну з перамогай у конкурсе!
